قسم التكوين - ورشة عمل مصممي المنتدى

[Dr.A7MD 130]

 

ورشة عمل مصممي المنتدى

 

 

قسم التكوين

 

 

 

فى هذا القسم سوف يتم بمشيئة الله سبحانه وتعالى حصر جميع أعضاء المنتدى الذين لهم ميول وهوايات فى مجال التصميم والجرافيك والراغبين فى الإنضمام للرابطة ,,, وسيتم تحديد وتقييم مستوياتهم فى هذه المرحلة

 

 

طريقة عمل هذا القسم

 

لكى يعمل هذا القسم بنظام ,,, يجب عليك قراءة هذه البنود قبل المشاركة بأى رد

 

- هذا القسم سوف يوضع به تفصيل للمستويات التى سوف يتم من خلالها تقييم مستواك ومن ثَم تنتقل إلى المرحلة التالية

 

- لا تقم بتصميم أى عمل لك وتقوم بعرضه حتى تفهم جيداً تفاصيل كل مستوى حتى لا ترهق نفسك قبل أن ترهق غيرك بكثرة الاستفسارات والأسئلة

 

- لك مطلق الحرية أن تشرع فى الدخول لأكثر من مجال فى عالم التصميم والجرافيك ,,, مثلا ( الفوتوشوب والفلاش وبرامج التعامل مع الفيديوهات ) ,,, لا حرج إطلاقاً ,,, ولكن يتوجب عليك عمل تصميم فى كل مجال حتى يتم تحديد مستواك فى جميع المجالات

 

- عند الشروع فى عرض تصميمك أو مجموعة تصاميمك ,,, فقم بتحميلها فى المرفقات على شكل ملف مضغوط وليس عرضها بشكل مباشر فى ردك ,,, هذا أمر مهم ولنا رؤية فى ذلك ,,, فالرجاء الإلتزام

 

- فى حالة كبر مساحة تصميمك أو تصاميمك ,,, قم برفعها على أحد مواقع رفع الملفات وننصح بموقع [ MediaFire ]

 

- بعد أن تقوم بعرض تصميمك أو تصاميمك ,,, سوف نقوم بتحديد مستواك والرد عليك فى نفس هذا الموضوع لكى تنتقل إلى المرحلة التالية ( مرحلة الإعداد )

- إذا كان لديك إعتراض فى تقييم مستواك ولك كامل الحق فى ذلك ,,, لا تضع شكواك هنا ولكن قم بمراسلة المنسق العام المؤقت عن طريق الرسائل الخاصة أو الملف الشخصى

 

تم تعديل April 7, 2011 بواسطه Dr.A7MD

[Dr.A7MD 130]

.:: الفوتوشـــــــــــــــــــــــــوب ::.

 

 

نولى إهتماماً كبيراً لبرنامج الفوتوشوب ولجميع مستخدميه لأنه يعتبر العمود الفقرى والمدخل الرئيسى لبقية برامج التصميم والجرافيك

 

ولا نقصد هنا برنامج الفوتوشوب وحده ,,, فهناك برنامج يستخدمه بعض المصممين [ برنامج الـ Illustrator ] ,,, فكل من يستخدم هذا البرنامج سوف يتم تقييمه أيضاً بنفس الطريقة

 

وعلى هذا ,,, فقد رأينا تدرج المستويات المطلوبة بالنسبة لهذا البرنامج كالآتى :-

 

1- المعرفة البسيطة بالبرنامج والعمل عليه بشكل مبسط جداً [ مستوى رقم 1 ]

 

2- استعمال البرنامج فى تصغير الصور والكتابة عليها [ مستوى رقم 2 ]

 

3- قص الصور ودمجها بطريقة بدائية [ مستوى رقم 3 ]

 

4- قص الصور ودمجها بطريقة ممتازة ( استعمال أداة البن تول pentool ودمج الصور عن طريق الماسك mask و Blending options ) [ مستوى رقم 4 ]

 

5- كل ما سبق + صناعة البنرات المتحركة بطريقة بدائية [ مستوى رقم 5 ]

 

6- كل ما سبق + صناعة البنرات المتحركة بطريقة ممتازة [ مستوى رقم 6 ]

 

7- ما فوق المستويات السابقة [ مستوى رقم 7 ===> الإنتقال مباشرةً إلى مرحلة الإختبار ]

 

 

ملاحظات هامة جداً

 

- لك كامل الحرية فى اختيار أبعاد تصميمك والألوان وما إلى ذلك ,,, لكن فى حالة إجادتك لكل المستويات السابقة فمطلوب منك الآتى :-

 

مثال لدمج الصور فى تصميمك - مثال لقدرتك على قص الصور - مثال على استعمالك الـ Pentool فى القص والرسم

 

- فى حالة عدم إجادتك لكل المستويات السابقة ,,, فلك كامل الحرية فى تصميمك بالشكل الذى يوضح مستواك بشكل قوى

 

 

الآن يمكنك المشاركة بتصميمك حسب القواعد المُتبعة فى أعلى الموضوع وسوف نقوم بالرد عليك لتقييم مستواك

 

تم تعديل April 1, 2011 بواسطه Dr.A7MD

[Dr.A7MD 130]

.:: برامج عمل التصاميم الفلاشية ::.

 

 

1- إستخدام برنامج Swishmax أو Adobe Flash أو أى برنامج لصنع التصاميم الفلاشية [ مستوى رقم 1 ]

 

2- إجادة التعامل مع أحد البرامج السابقة على الأقل [ مستوى رقم 2 ]

 

3- ما فوق المستويات السابقة [ مستوى رقم 3 ===> الإنتقال مباشرةً إلى مرحلة الإختبار ]

تم تعديل April 4, 2011 بواسطه Dr.A7MD

[Dr.A7MD 130]

.:: برامج تصميم المجلات الإلكترونية ::.

 

 

1- إستخدام برنامج Photoshop أو InDesign أو أى برنامج لصنع المجلات الإلكترونية [ مستوى رقم 1 ]

 

2- إجادة التعامل مع أحد البرامج السابقة على الأقل [ مستوى رقم 2 ]

 

3- ما فوق المستويات السابقة [ مستوى رقم 3 ===> الإنتقال مباشرةً إلى مرحلة الإختبار ]

تم تعديل April 9, 2011 بواسطه Dr.A7MD

[Dr.A7MD 130]

.:: برامج تحرير ومونتاج الفيديوهات ::.

 

 

1- إستخدام أى برنامج لتحرير ومونتاج الفيديوهات ( البرامج كثيرة ولا حصر لها ) [ مستوى رقم 1 ]

 

2- إجادة التعامل مع أحد البرامج التالية ( Sony Vegas - Adobe Premiere - Adobe After Effect ) [ مستوى رقم 2 ]

 

3- ما فوق المستويات السابقة [ مستوى رقم 3 ===> الإنتقال مباشرةً إلى مرحلة الإختبار ]

 

 

هذا القطاع بالذات لا يخضع لنفس نظام بقية القطاعات

 

فالدروس والدورات لكل مستوى سوف تكون بشكل مستقل والمستوى رقم واحد ليس مجبراً بتحميل ولا تعلم ما يخص مستوى رقم 2

 

تم تعديل April 4, 2011 بواسطه Dr.A7MD

[Dr.A7MD 130]

.:: برامج تسجيل وعمل الدروس التعليمية ::.

 

 

1- إستخدام أى برنامج لتسجيل وعمل الدروس التعليمية [ مستوى رقم 1 ]

 

2- إجادة التعامل مع أى برنامج Camtasia Studio و برنامج Snagit [ مستوى رقم 2 ]

 

3- ما فوق المستويات السابقة [ مستوى رقم 3 ===> الإنتقال مباشرةً إلى مرحلة الإختبار ]

تم تعديل April 4, 2011 بواسطه Dr.A7MD

[Dr.A7MD 130]

.:: برامج عمل الإسطوانات التجميعية ::.

 

 

1- إستخدام أى برنامج يختص بعمل الإسطوانات التعليمية [ مستوى رقم 1 ]

 

2- إجادة برنامج AutoPlay Media Studio [ مستوى رقم 2 ]

 

3- ما فوق المستويات السابقة [ مستوى رقم 3 ===> الإنتقال مباشرةً إلى مرحلة الإختبار ]

تم تعديل April 4, 2011 بواسطه Dr.A7MD

[Dr.A7MD 130]

حجـــــــــز رد

[Dr.A7MD 130]

حجـــــــــز رد

[dr_mido 53]

جزاك الله كل خير أخي الكريم د/ أحمد ع مجهودك الأكثر من رائع

 

وأدعو الله ان يوفقنا وإياكم ف نجاح هذه الرابط بإذن الله رب العالمين

 

أنا قمت بعمل البنرين ولكن لم اقم بتصميم اعلان السلسلة ف التصاميم الإجبارية ولكنه سوف يكون قريباً جداً ان شاء الله

 

وقمت بعمل خلفية للكمبيوتر وسوف تجدهم هنا بالمرفقات

 

تطبيقي.rar

 

وده الملفات المفتوحة PSD

 

الملفات المفتوحة.rar

 

دي حاجة ع قدي كده يا دكتور ,,, زي ما انت عارفني يعني إني لسه بتعلم

 

وأدعو الله ان ينالو إعجابكم ان شاء الله رب العالمين

 

وأدعو الله ان يوفقنا وإياكم ان شاء الله رب العالمين

 

أخوك ومحبك ف الله

dr_mido

تم تعديل April 12, 2011 بواسطه dr_mido

[الرّام 173]

السلام عليكم و رحمة الله و بركاته

 

 

اولا و قبل كل شيء نحب نشكرك خويا على هالمجهود هذا كلّه الواضح و على الشروحات البسيطه و اتباع الطرق المختلفه لايصال المعلومه

 

بارك الله فيك و جعله الله في موازين حسناتك

 

ان شاء الله

 

 

ثانيا و حسب المطلوب انا قمت بوضع هذا الرد لادراج التصاميم و ذلك حسب طبعا خاصيات البرنامج المستخدم ( و الذي قمت بتحديده في رد الاشتراك في الرابطه : الا وهو الفوتوشوب)

 

و قد قمت برفعهم

 

هنا

 

...............

 

 

جزاك الله عنا كل خير

 

 

.

 

تم تعديل April 15, 2011 بواسطه الرّام

[Dr.A7MD 130]

السلام عليكم و رحمة الله و بركاته

 

 

اولا و قبل كل شيء نحب نشكرك خويا على هالمجهود هذا كلّه الواضح و على الشروحات البسيطه و اتباع الطرق المختلفه لايصال المعلومه

 

بارك الله فيك و جعله الله في موازين حسناتك

 

ان شاء الله

 

 

ثانيا و حسب المطلوب انا قمت بوضع هذا الرد لادراج التصاميم و ذلك حسب طبعا خاصيات البرنامج المستخدم ( و الذي قمت بتحديده في رد الاشتراك في الرابطه : الا وهو الفوتوشوب)

 

و قد قمت برفعهم

 

هنا

 

...............

 

 

جزاك الله عنا كل خير

 

 

.

 

 

وعليكم السلام ورحمة الله وبركاته

 

أهلا بيكى أختى الفاضلة الكريمة الرّام

 

سعيد جداً بإنك أول من تشاركى بفاعلية فى الرابطة بوعى كامل وبفهم دقيق ,,, بارك الله فيكى أختى

 

بعد معاينة تصاميمك أختى الكريمة ,,, فمستواكى هو المستوى رقم 3

 

تعديتى المستوى رقم 3 ,,, وأنتى على أعتاب المستوى رقم 4 للأسباب التالية :-

 

التعامل مع النصوص بشكل متوسط وليس بشكل إجادة كاملة

 

قص الصور ودمجها بمستوى متوسط لا يرقى لتعدى المستوى الرابع

 

لا يوجد ما يوضح استعمال أداة الـ Pentool

 

================================

 

وعلى ما سبق ,,, ننصحكى بالتوجه إلى قسم الإعداد ومتابعة الدورات والدروس الموجهة لمستواكى [ البداية من دورات ودروس المستوى رقم 4 ]

 

تحياتى ليكى أختى الكريمة

 

[83 DESIGNER 2]

السلام عليكم

 

بعد معاينتى الكاملة والشاملة والفهم الدقيق لأقسام الرابطة

 

أتقدم أنا أخوكم DESINGER 83 بتصميماتى حتى يتم تقييم مستواي فى القسم الخاص بالفوتوشوب

 

قمت بعمل ما كل ما طُلب // كل طلب على حدة حتى يسهل عليكم تقييم المستوى

 

التصميمات فى المرفقات

 

منتظر تقييمكم سادتى // واعذرونى لو كنت قصرت فى شي

تقييم مستواى فى مرحلة التكوين.rar

تم تعديل April 26, 2011 بواسطه 83 DESIGNER

[Dr.A7MD 130]

السلام عليكم

 

بعد معاينتى الكاملة والشاملة والفهم الدقيق لأقسام الرابطة

 

أتقدم أنا أخوكم DESINGER 83 بتصميماتى حتى يتم تقييم مستواي فى القسم الخاص بالفوتوشوب

 

قمت بعمل ما كل ما طُلب // كل طلب على حدة حتى يسهل عليكم تقييم المستوى

 

التصميمات فى المرفقات

 

منتظر تقييمكم سادتى // واعذرونى لو كنت قصرت فى شي

 

وعليكم السلام ورحمة الله وبركاته

 

صدقنى أخى الكريم ديزاينر 83 لو قلتلك إنى مكنتش متوقع تجاوبك بالسرعة دى ولا بالطريقة الهايلة دى

 

حضرتك خلتنى مش قادر أنطق بأى حاجة خالص

 

الكمال لله وحده طبعاً ,,, بس بجد حضرتك عملت كل حاجة فى كل حاجة بالشكل اللى أنا عن نفسى أعتبره مثل ونموذج ياريت باقى الناس تمشى عليه

 

طريقة عرضك لردك - طريقة ترتيبك لتصاميمك فى الداخل - تنوع تصاميمك بالشكل اللى يكون واضح ومش يبقى مطلوب من أى حد تانى يقولك طب ورينا كمان كذا

 

اسمحلى أخى الكريم أرفع القبعة تقديراً لك ولمجهودك

 

===================================

 

نيجى بقى للتقييم

 

تصغير الصور والكتابة عليها 10 / 10

 

استخدام الماسك 8 / 10

 

استخدام البن تول فى القص 9 / 10

 

استخدام البن تول فى الرسم 10 / 10

 

دمج الصور بالبليندنج أوبشنز 8 / 10

 

عمل البنرات المتحركة 9 / 10

 

===================================

 

وعلى ما سبق نقول :-

 

مستواك أخى الكريم هو المستوى رقم 5 وتُصنف تصنيف دقيق بأنك ضمن المستوى رقم 6 لكنك لم تتمه بعد

 

ليه كدا !!!!!

 

حاجة بسيطة صغيرة اوى وأظنك هتفهمنى فيها اوى

 

البنر المتحرك لو كان أصغر من كدا ,,, كان هيوضح مهارتك أكتر وبشكل أدق ,,, لأن أغلب البنرات فى أغلب المنتديات بتكون أبعادها أقل من اللى حضرتك عرضته

 

لولا كدا كنت قلت لحضرتك إنك خلاص مستواك تعدى المستوى السادس وتقدر تدخل مرحلة الإختبار

 

عشان كدا حضرتك ممكن تتوجه لقسم الإعداد وتتابع دورة التحريك فقط [ الدروس والدورات الموجهة للمستوى رقم 6 ]

 

فى دورة التحريك وبالخصوص الفيديوهات رقم ( 4 , 5 ) ,, دى الدروس اللى هتفيدك بشكل خاص

 

وأنا على يقين أخى الكريم إنك بعون الله هتتفهم مقصدى من كلامى وتقييمى بالشكل ده

 

والله أعلى وأعلم

 

ألف ألف ألف شكر لك أخى الكريم

 

خالص التحية والتقدير

 

تم تعديل April 26, 2011 بواسطه Dr.A7MD

[الرّام 173]

السلام عليكم و رحمة الله و بركاته

قمت بعمل فيدويهات لكي من خلاله يتم تقيم المستوى

و طبعاا بما انها فقط لتقييم المستوى ,, يعني موش محدّدين بشيء

لذلك انا فكّرت اني نعمل يعني تقريبا حاجات كمثال بسيط يعني على البرامج الي نشتغل عليها من ضمن هذه البرامج المتعدده في هذا الميدان

( يعني زي ما نقولوا احنا : كل حاجه مثال عن حاجه )

و الاعمال رفعتها

لكن اعذرني يا خويا رفعت كل عمل في ملف لوحده لان صعب جدا يترفعوا مع بعض في مجلد واحد طبعا انت ادرى الناس و ادرى مني ,

ان المساحه تكون كبيره و غير مسموح بيها للرفع مع بعض كلّها ,

و تجدهم ان شاء الله

هنا

هنا

هنا

.............................

تعّبتك معايا يا خويا

اعذرني

...........

و منتظره ان شاء الله ردّك و تقييمك للعمل

باذن الله

...........

في امان الله

.

[Dr.A7MD 130]

السلام عليكم و رحمة الله و بركاته

قمت بعمل فيدويهات لكي من خلاله يتم تقيم المستوى

و طبعاا بما انها فقط لتقييم المستوى ,, يعني موش محدّدين بشيء

لذلك انا فكّرت اني نعمل يعني تقريبا حاجات كمثال بسيط يعني على البرامج الي نشتغل عليها من ضمن هذه البرامج المتعدده في هذا الميدان

( يعني زي ما نقولوا احنا : كل حاجه مثال عن حاجه )

و الاعمال رفعتها

لكن اعذرني يا خويا رفعت كل عمل في ملف لوحده لان صعب جدا يترفعوا مع بعض في مجلد واحد طبعا انت ادرى الناس و ادرى مني ,

ان المساحه تكون كبيره و غير مسموح بيها للرفع مع بعض كلّها ,

و تجدهم ان شاء الله

هنا

هنا

هنا

.............................

تعّبتك معايا يا خويا

اعذرني

...........

و منتظره ان شاء الله ردّك و تقييمك للعمل

باذن الله

...........

في امان الله

.

 

وعليكم السلام ورحمة الله وبركاته

أهلا بيكى من جديد فى قسم التكوين أختى الرّام

 

أولا وقبل كل حاجة ،،، بارك الله فيكى للجهد المبذول والواضح فى رفع الفيديوهات ،،، ربنا يبارك فيكى بجد

 

ثانيا ،،، أكيد حضرتك عارفه أن تكوين قسم مونتاج وتحرير الفيديوهات له قواعده الخاصة وأظنك قريتيها أو تابعتيها كويس اوى فى فيديوهات شرح قسم التكوين

 

أنا حملت وشفت الـ 3 فيديوهات بشكل كامل

 

كنت خايف عشان مش ذكرتى أسماء البرامج اللى بتستخدميهم فى المجال ده ،،، لكن الحمد لله بمجرد تحميل الفيديوهات لقيتك كاتبه على كل فيديو البرنامج المستخدم لعمله

 

نبدأ بالكلام بصورة عامة

 

مجال مونتاج وتحرير الفيديو ده مجال واسع وكبير وشغله مش سهل زى ما بعض الناس فاكره

 

فى فرق بين أن الشغل يبقى طالع بأحجام كبيرة وشغل استديوهات اخراج ومونتاج وكدا أو للحفظ على الجهاز الشخصى

 

وفرق كبير جدا أن الشغل طالع عشان يتعرض على الويب للعرض مباشرة أو الرفع على مواقع رفع الملفات

 

وعشان هنا بنتكلم بصورة أكبر على شغل الويب ،،، فشغل الويب لازم يكون خفيف المساحة قصير المدة على قدر الإمكان

 

طبعا الكلام ده بعيد عن الأفلام والبرامج وكل ده ،،، إنما اللى أقصده مثلاً - عمل برومو ،، نشيد مصور ،، انترو ( مقدمة ) لسلسلة أو فيديو إعلانى عن موقع ،، .... إلخ

 

كل ده لازم يكون يتميز بالبساطة وقصر المدة ،،، ده شرط أساسى فى شغل الويب

 

حضرتك عاملة فيديوهات مساحتها وهى مضغوطة كبيرة بالنسبة لمدة الفيديوهات

 

وبعد فك الفيديوهات ،،، الفيديو رقم 3 بقت مساحته 828 ميجا ومدته 4:33 دقيقة !!!

 

دى أرقام فلكية ،،، حتى ولو هو مضغوط كان حوالى 100 ميجا أو أكتر ،،، برضو كبير اوى

 

فرضاً كنتى حابة ترفعى الفيديو ده على اليوتيوب أو فيما بعد مثلا عاوزينه يترفع على المنتدى هنا ويتعرض فى قسم الفيديوهات ،،، هل هنرفع فيديو مساحته 800 ميجا ( قرب على 1 جيجا ) ومدته لا تتجاوز الـ 5 دقايق ؟؟؟

 

وزى ما قلنا على الفيديو رقم 3 ،،، نفس الحكاية على الفيديوهين رقم 1 , 2

 

دى اول ملاحظة

 

===================================

 

نيجى لتقييم كل فيديو

 

الفيديو رقم 1 من الواضح إنك استخدمتى فيه برنامج corel video studio

 

من علمى البسيط بالبرنامج ,,, فإمكانياته أكبر من كدا بكتير

 

الصوت جميل ،،، بس الإنتقالات بين صورة والتانية مش بتنتقل بليونة ،،، الإنتقال بين الصورة والتانية فيه خشونة

 

حتى التأثيرات متكررة وبتبدأ فجاة وتنتهى فجأة برضو

 

والصور مش متناسبة مع عرض الفيديو

 

والفيديو مش بينتهى بطريقة انسيابية ناعمة ،،، حتى برضو دخلة الفيديو فى الأول مش بانسيابية

 

*******************************

 

الفيديو رقم 2 من الواضح انك استخدمتى فيه برنامج movie maker

 

أهو ده لو شفتى الانتقالات والتأثيرات اللى فيه هتلاقيها إلى حد ما فيها انسيابية وليونة فى الإنتقال

 

مش بتحسسك أن فى كتل بتتحرك قدامك وتخرج وتدخل بصلابة زى الفيديو الأولانى

 

لكن الفيديو طويل ( 8 دقايق ) !! ,,, والصور فيه متكررة

 

نهايته جميلة لكن لو لاحظتى هتلاقى أن الكتابة فى الآخر مقصوصة ( مش واضحة كلها فى الفيديو ) والصوت مقطوع فى الآخر

 

*******************************

 

الفيديو رقم 3 من الواضخ انك استخدمتى فيه برنامج cyberLink powerDirector

 

زى ما قلنا فى الاول مساحته كبيرة ،،، ده غير إن صيغة الفيديو mov مش شائعة اوى ولا محبذة فى الفيديوهات إلا يمكن فيديوهات شرح البرامج لبعض الشركات ،،، لكن عموماً مش بتلاقى الناس بتشتغل كتير على الصيغة دى

 

فى اعتقادى الشخصى ،،، مش كل التأثيرات ولا الانتقالات مرتبطة بفكرة الفيديو

 

يعنى مثلا فقاقيع الصابون كتأثير على الفيديو ،،، تبقى مقبولة فى فيديو طفولى مثلا أو حاجات خاصة بالأطفال

 

لكن فيديو فكرته عن الرسول صلى الله عليه وسلم وفيه إنشاد ( البردة ) ،،، مظنش فقاقيع الصابون تمشى معاه

 

لكن عجبنى فى آخر الفيديو تأثير الفيلم القديم ،،، لكن برضو مش فى محله ولا ماشى مع فكرة الفيديو

 

ونهاية الفيديو الصوتية ناشفة اوى ومقصوصة برضو

 

===============================================

 

زى ما عاملين فوق قسم التكوين الخاص بالمجال ده

 

فإنتى مستواكى رقم 1 ،،، لإنك بتستعملى برامج مش من برامج مستوى رقم 2

 

فحضرتك مستواكى رقم 1

 

طيب وايه الحل دلوقتى !!!!!

 

شوفى أختى الكريمة

 

دى حبة نصايح منى من خبرتى المتواضعة فى المجال ده ،،، ياريت حضرتك تتقبليها بصدر رحب

 

حضرتك طلبتى رأيى ومن الأمانة إنى أقولك رأيى بكل صراحة ووضوح بدون مجاملة ولا أى حاجة

 

نصايح مهمة جداً :-

 

1- لازم حضرتك تفرقى هل الشغل ده هتحتفظى بيه على جهازك ولا هترفعيه على الويب سواء عرض مباشر أو للتحميل

 

يعنى أقولك مثال بسيط اوى ،،، حضرتك فاكرة مثلا مثلا أى فيلم الناس بتعمله ترجمة وبترفعه على الويب وفى المنتديات بتكون مساحته كام الاول ؟؟؟

 

مساحة الفيلم الإصلية بتكون بتدور كدا فى حركة 4 جيجا على الأقل

 

بعد كدا ببرامج معينة يتم تخفيض حجم الفيديو مع الحفاظ على جودته بأكبر قدر ممكن

 

عشان كدا بتطلعلنا الأفلام وحلقات البرامج وكل ده بصيغ تلاقى أغلبها RMVB أو MKV

 

وطبعاً ضغط الفيديو يختلف من واحد لواحد ومين ايد لايد ،،، خبرة يعنى

 

فلازم اول حاجة تفرقى بين ده وده

 

2- الفكرة العامة - لازم حضرتك تبقالك فكرة عامة فى دماغك بصالها

 

وعلى أساس الفكرة دى بتتحركى بتدورى على صور أو مقاطع فيديو أو اى حاجة هتستخدميها فى الفيديو بتاعك

 

مش العكس ،،، يعنى مكونش شايف كام صورة كدا عجبانى ،،، أقول اه والله ينفعوا يتعملوا فيديو ،،، كدا مش صح

 

لا أنا أدور الفكرة بدماغى وأشوف الفيديو بتاعى وقته كام وعلى أساس كل ده أروح أجيب أو أصمم صور على مقاس الفيديو وأبعاده وأظبط الصوت وكل حاجة على الفيديو

 

عشان كل حاجة تطلع متناسقة مع بعضها

 

3- لازم حضرتك تتدربى على مهارات فى مجال تحرير ومونتاج الفيديوهات ( قص الفيديوهات - فصل الصوت عن الفيديو - تركيب الأصوات والدمج بينهم - عمل شعار خاص بيكى فى الفيديو يبقى معروض طول الوقت بدل ما حد يسرقه منك - عمل افتتاحيه وختام للفيديو عشان المنظر العام للفيديو يبقى مقبول )

 

كل دى مهارات مطلوبة عشان تقدرى تبدعى فى المجال ده ،،، الحكاية مش مجرد تجميع صور أو فيديوهات وتركيب صوت عليهم ويبقى فى تأثيرات بينهم وخلاص ،،، الأمر أكبر وأعمق من كدا

 

4- التركيز على تصميم الحاجات قصيرة المدة ،،، عمل افتتاحيات مثلا - عمل برومات - فيديو إعلانى مثلا عن يالا جروب فى 30 دقيقة ،،، كل ده بيطور ويصقل من مهاراتك

 

5- لازم حضرتك تكونى عارفة برامج ضغط الفيديوهات وتعرفى تستعمليها كويس عشان تقدرى تخفضى من مساحة الفيديوهات اللى بتعمليها

 

=========================================

 

طيب أنا فهمت كل ده ،،، المصادر اللى من خلالها اعمل كل ده ألاقيها فين !!!!

 

هقولك

 

على الويب ،،، ادخلى اعملى بحث بالطريقة دى ( دورة تعلم برنامج كذا [ البرامج اللى بتستخدميها ] - دورة احتراف برنامج كذا - دروس برنامج كذا - .... إلخ )

 

بعد كدا اعملى بحث عن برامج ضغط الفيديوهات وتحويل الإمتدادات وكدا ,,, هتلاقيها كتير مفيش أكتر منها ,,, وبعون الله هعمل موضوع خاص هشرح فيه بإختصار الحاجات دى

 

بس المهم من ناحيتك تبحثى وتدورى عشان تزيد خبرتك وتعرفى توصلى لكل حاجة بنفسك

 

وإن شاء الله زى ما قلتلك هعمل موضوع شرح فيديو بوضح فيه كتير من النقاط فى مجال تحرير ومونتاج الفيديوهات وكدا

 

=========================================

 

كل ما عليكى دلوقتى أختى الكريمة ،،، اتعلمى اكتر واكتر واكتر وركزى بصورة أكبر على النقاط اللى وضحتهملك فوق

 

ولما تحسى إنك خلاص بقت ليكى خبرة فى المجال ده وعرفتى بعض المهارات الأساسية ،،، ادخلى قسم الإعداد وقولى انك جاهزة وهنديكى الإذن بعون الله للدخول لمرحلة الإختبار

 

معلش لو كنت طولت عليكى أختى الكريمة ،،، بس كان لازم أوضح كل حاجة وألفت نظرك لبعض الحاجات ليكى وللأعضاء اللى حابين يدخلوا المجال ده

 

تحياتى ليكى أختى الكريمة

 

تم تعديل April 30, 2011 بواسطه Dr.A7MD

[بسمة الاقصى 78]

احم

 

اما جيت الحمد لله

 

 

فيديو باستخدام موفى ميكر

 

ربنا يستر علينا

 

تم تعديل May 12, 2011 بواسطه بسمة الاقصى

[Dr.A7MD 130]

احم

 

اما جيت الحمد لله

 

 

فيديو باستخدام موفى ميكر

 

ربنا يستر علينا

 

 

أهلا بيكى أختى الكريمة

 

مشكورة على المجهود

 

زى ما حضرتك عارفة وزى المكتوب فوق

 

فبديهى مستواكى رقم 1 عشان البرنامج المُستخدم

 

زى ما حضرتك عارفه برضو أن الموفى ميكر برنامج امكانياته محدودة فى التعامل مع الفيديوهات

 

الفيديو جميل وبسيط وحلو ،،، لو حابه إمكانياتك ومهاراتك تفضل زى ما هى ومش عندك استعداد تستعملى أى برامج تانيه ،،، فحابب أقولك أن الموفى ميكر مش بيعمل حاجات وشغل كبير يعنى

 

فى برامج كتير اكتر احترافية من الموفى ميكر لو حابه تطورى من مهاراتك

 

وكل البرامج دى هتبقى برضو فى المستوى رقم واحد برضو ،،، لأن المستوى رقم 2 له برامجه الخاصة

 

فلو حابه تطورى مهاراتك سواء باستخدام برامج أخرى فى نفس المستوى رقم 1 أو الإنتقال لبرامج المستوى رقم 2 ،،، فليكى كامل الحرية فى كدا

 

حابه تفضلى تستعملى الموفى ميكر ،،، فامكانياته متواضعة للغاية والشغل اللى بيطلع منه محدود للغاية برضو

 

فشوفى حضرتك حابه ايه بالظبط وتعاملى على أساس اختيارك

 

وممكن حضرتك تقرى ردى على أختى الكريمة الرام ،،، ممكن تستفادى منه فى بعض الأمور

 

تحياتى ليكى

تم تعديل May 12, 2011 بواسطه Dr.A7MD

[بسمة الاقصى 78]

 

 

أهلا بيكى أختى الكريمة

 

مشكورة على المجهود

 

زى ما حضرتك عارفة وزى المكتوب فوق

 

فبديهى مستواكى رقم 1 عشان البرنامج المُستخدم

 

زى ما حضرتك عارفه برضو أن الموفى ميكر برنامج امكانياته محدودة فى التعامل مع الفيديوهات

 

الفيديو جميل وبسيط وحلو ،،، لو حابه إمكانياتك ومهاراتك تفضل زى ما هى ومش عندك استعداد تستعملى أى برامج تانيه ،،، فحابب أقولك أن الموفى ميكر مش بيعمل حاجات وشغل كبير يعنى

 

فى برامج كتير اكتر احترافية من الموفى ميكر لو حابه تطورى من مهاراتك

 

وكل البرامج دى هتبقى برضو فى المستوى رقم واحد برضو ،،، لأن المستوى رقم 2 له برامجه الخاصة

 

فلو حابه تطورى مهاراتك سواء باستخدام برامج أخرى فى نفس المستوى رقم 1 أو الإنتقال لبرامج المستوى رقم 2 ،،، فليكى كامل الحرية فى كدا

 

حابه تفضلى تستعملى الموفى ميكر ،،، فامكانياته متواضعة للغاية والشغل اللى بيطلع منه محدود للغاية برضو

 

فشوفى حضرتك حابه ايه بالظبط وتعاملى على أساس اختيارك

 

وممكن حضرتك تقرى ردى على أختى الكريمة الرام ،،، ممكن تستفادى منه فى بعض الأمور

 

تحياتى ليكى

 

هو انا كنت حابة اتعلم فلاش جدا

 

فبقول خلينى فى 1 لحد ما اتعلم فلاش وبعدين نطور فى الفيديو ولا حضرتك رأيك أركز فى حاجة واحدة ؟

[Dr.A7MD 130]

هو انا كنت حابة اتعلم فلاش جدا

 

فبقول خلينى فى 1 لحد ما اتعلم فلاش وبعدين نطور فى الفيديو ولا حضرتك رأيك أركز فى حاجة واحدة ؟

 

رأيى ملوش دعوة بالموضوع خالص

 

كله معتمد على الحاجة اللى عاوزه توصليلها ،،، الهدف اللى حطاه قدامك ،،، عاوزه تحققى ايه

 

لكل مجال برامجه الخاصة بيه ،،، وكل مجال بيطلع منتجات فى منها المتشابه وفى منها المختلف تمام الإختلاف

 

حضرتك تحددى المجال الأول اللى حابه تشتغلى فيه وبعد كدا هتعرفى أنهى برامج تبدأى تتعلمى الشغل عليها

 

تحياتى ليكى

 

[بسمة الاقصى 78]

 

 

رأيى ملوش دعوة بالموضوع خالص

 

كله معتمد على الحاجة اللى عاوزه توصليلها ،،، الهدف اللى حطاه قدامك ،،، عاوزه تحققى ايه

 

لكل مجال برامجه الخاصة بيه ،،، وكل مجال بيطلع منتجات فى منها المتشابه وفى منها المختلف تمام الإختلاف

 

حضرتك تحددى المجال الأول اللى حابه تشتغلى فيه وبعد كدا هتعرفى أنهى برامج تبدأى تتعلمى الشغل عليها

 

تحياتى ليكى

 

طيب انا فاهمة إنه دى حاجة تخصنى أنا حسب اللى حابة أنا اشتغل فيه وأنا نفسى أتعلم أى حاجة عن كل حاجة يعنى نفسى جدا أتعلم الفلاش

 

 

وبرضه عاوزة أكمل فى المونتاج وشغل الفيديو والفوتوشوب لما ربنا يحلها بويندوز جديد

 

أفكررررر وأرد