آآدي يا عم الناس اللي بتربي دقنها

[معلمة الأجيال 5]

كلمة بيرددها ناس كثير اوي .. ومش عارفين أثرها في قلب كل مُلتحي مُلتزم كويس بجد

تخيل لما تكون إنت مُلتحي وحاسس ان صورتك في نظر الناس مشوهه والمفروض انها تكون العكس

وتقعد تسأل نفسك .. طيب انا مالي ؟! ..

وتبقى عايز تصرخ وتقول .. مش أنا والله ..

انا مليش دعوة بالناس دي .. الاسلام مش كدة !!

 

وتصحى الصبح تقرأ في الصحف .. -مُلتحون- يهاجمون قافلة اعلامية .. وليل نهار هجوم على المُلتحين

 

وتسأل نفسك نفس السؤال .. طيب انا مُلتحي .. أنا لية صورتي يحصل فيها كدة ادام الناس .. ويبدأ صراخك يزيد وتقول أنا مش كدة والله !!!

 

تفتح التلفزيون .. تلاقي عادل إمام مطلعك تكفيري وإرهابي ومنافق وزاني !! وغيره من الممثلين كثير

 

ويزداااد الصــراخ

 

تقول صباح الخير لوالدك .. تلاقيه بيقولك روح يابني احلق دقنك .. عيش شبابك

 

تنزل في الشارع .. تحس فكر بعض الناس بقى ظاهر في نظراتهم ليك وكلامهم .. بأنك تكفيري وإرهابي بناء على اللي بيقرأوه ويسمعوه في التلفزيون

 

تيجي تدافع عن الدين في حاجة .. الناس تصرخ فيك .. انت هتعملي نفسك شيخ .. انت هتكفرني انت ها.. مع انه ممكن متكنش لسة قولت حاجة اصلاً O_0 تروح الكلية .. صحابك اللي كانوا بيحبوك .. بدأوا يشوفك وميسلموش عليك .. عشان لا مؤاخذة أمن الدولة

 

ترجع البيت تقعد مع العائلة ولما تيجي سيرة المُلتحين .. تلاقي السيرة الغريبة فقط هي اللي بتبقى على الألسنة .. المُلتحي اللي بيبص للبنات .. والمُلتحي اللي بيسرق .. والمُلتحي اللي كفر اهل بيته .. والمُلتحي الحرامي اللي فاتح محل .. والمُلتحي اللي مربيها منظر

 

وانت قاعد عمال تسمع ومش عارف تقول اية !!

 

وكـــــــــــــــــــل دة عشان سبب واحد فقط

 

مثال سئ وسط ملايين من الامثلة الجميلة جداً اللي الناس مبيشوفهاش .. لأن عنيهم دايماً واقعة على الغلط

 

مبيشوفوش المُلتحي اللي بيصلي على طول في المسجد .. المُلتحي اللي بيحفظ قرآن .. المُلتحي اللي بطل يصاحب بنات .. المُلتحي البار لوالديه .. المُلتحي الخلوق ابو ابتسامة الجميلة .. دايماً كلامهم بيبقى على الصنف الآخر

 

هو احنا لية بنعمل دعاية سيئة عن المُلتحين ؟

 

لية نحط المُلتحين كلهم في سلة واحدة .. اصلاً لية نقول مُلتحي وغير مُلتحي ؟؟!!! .. لية حاطين في دماغنا انه المُلتحي دة ملاك بجناحات وبيطير .. ولية بنقوله يا شيخ ونديله لقب ثقيل زي دة .. لية منعتبروش مُسلم عادي بشر بيغلط ويصحح .. ويغلط تاني ويستغفر ولسة مُقيم على ذنب ومش عارف يتخلص منه .. وهكذا

 

حتى الرسول صلى الله عليه وسلم قال

 

ما من عبد ((((مؤمن)))) إلا و له ذنب يعتاده الفينة بعد الفينة ، أو ذنب هو مقيم عليه لا يفارقه حتى يفارق الدنيا ، إن المؤمن خلق مفتنا توابا نساء ، إذا ذكر ذكر - السلسلة الصحيحة للشيخ الألباني

 

صدق رسول الله صلى الله عليه وسلم

 

عايزين المُلتحي يذوب وسط ملايين المُلتحيين .. عشان متبقاش اللحية سمة فئة معينة قليلة ويحس انه عليه كاميرات مراقبة .. لو فعل معصية او خطأ .. الناس ترفع عليه السيوف .. ولو فكر يعمل حاجة حلال زي البلاي ستاشن مثلاً .. الناس تقوله .. في شــــيخ يلعب بلاي ستاشن !! ولو اقنعته .. يفضل حاسس انه في حاجة غلط !! .. طبعاً لأنه حاسس انك جاي بطبق من المريخ

 

وآخر القول .. رفقاً بالمُلتحي .. لأنه بشر خطاء كما قال رسول الله صلى الله عليه وسلم

 

كــــــــل بنـــي آدم خطــــــــاء وخيـــر الخطائــين التوابـــون

 

مش عايزين تعميم .. عايزين نبص دايماً لصورة الشاب المُلتحي المُتدين بجد .. واللي لسة بيطلع السلم .. ندعيله بدل ما نقوله .. أحلقها ملهاش لزمة .. او احلقها عشان انت بتسئ للإسلام .. يبقى احنا بالظبط بنقوله - استسلم -

 

زي اللي بيشوف المصحف عليه تراب ويحس انه هاجر القرآن بقاله كثير .. فيجي فكر الشيطان يقوله

 

حطه تحت المخدة عشان ميتربش

 

وجزاكم الله خيراً

منقول للفائدة

تم تعديل April 3, 2011 بواسطه معلمة الأجيال

[ابن تيميــــة 158]

بسم الله الرحمن الرحيم

 

جزيتي الفردوس اختي علي هذا الانتقاء الجميل للموضوع

 

نسأل الله ان يثبتنا علي دينه وان يربط علي قلوبنا

 

ووالله ما يلاقيه الملتحون انما هو تمحيص من الله

 

فلنصبر ونحتسب

 

ونواسي حالنا بحال رسول الله صلي الله عليه وسلم

 

دمتي في حفظ الرحمن

 

 

[عاشق الصداقه 525]

الله الله الله على الموضوع الأكثر من رائع

ما شاء الله ولا قوة الا بالله

 

والله مقال فوق الممتاز (جاى على الجرح زى ما بيقولوا) ،،

 

أكتر جمله بتتقاللى من أصدقائى فى كل كبيره وصغيره (عيب على لحيتك يا شيخ) !!

أنا عارف إن أصدقائى بيهزروا - لأنهم بيقولوها حتى لو كنا فى كافيه وطبت (فروت) ألاقيهم بصوا لبعض وقالوا (عيب على لحيتك يا شيخ) !

 

فأصدقائى حاله خاصه - لكنى دايماً بشوف المعامله دى للملتحين فعلاً - حتى قبل ما أنا أنوى إطلاقها

لية نحط المُلتحين كلهم في سلة واحدة .. اصلاً لية نقول مُلتحي وغير مُلتحي ؟؟!!! .. لية حاطين في دماغنا انه المُلتحي دة ملاك بجناحات وبيطير .. ولية بنقوله يا شيخ ونديله لقب ثقيل زي دة .. لية منعتبروش مُسلم عادي بشر بيغلط ويصحح .. ويغلط تاني ويستغفر ولسة مُقيم على ذنب ومش عارف يتخلص منه .. وهكذا

 

فعلاً كلام فى الصميـــــــــــــــــــــــــــــم - بارك الله فيكِ لنقل الروعه دى

 

ووالله والله - حتى اللى مش شايفينله غلطه - تحس الكل بييجى عليه لأنه فقط ملتحى !!!

أخويا الكبير الشيخ مدحت ربنا يكرمه ويباركله - أول ما إلتحى الدنيا قامت ومقعدتش لحد فتره قريبه !!

والكل بيحاسب فيه وتجيله ناس من سفر - وكأنه قتل حد أو الدنيا كلها صح وهو غلط !! - ولا حول ولا قوة الا بالله

 

كنت تقريباً الوحيد اللى بيدافع عنه - رغم انى كنت شاب سيس يومها ..

 

 

لكنى كنت ولا زلت على إستعداد والله والله والله لتقبيل قدم كل ملتحى ملتزم - أو أخت منتقبه ملتزمه (ان صح ذلك)

 

الله أسأل أن يهدينا جميعاً إلى ما يحب ويرضى ،، وأن يهدينا لأن نقدر الملتزمون والعلماء حق قدرهم ،، وجزاكِ الله أختى كل الخير لهذا الموضوع المميز

يثبت لفتره

[ابن تيميــــة 158]

بسم الله الرحمن الرحيم

 

اخي الحبيب احمد والله اني احبك في الله واسال الله ان يجمعني بك في الدنيا علي طاعته وفي الاخرة في جنته ... الللهم امين

 

بجد يااحمد موضوع قيم جدا جدا وجاء في توقيته المناسب والله

 

اننا نتلقي كلمات مثل الصواريخ الموجه فقط لاننا احببنا نبينا واحببنا ان نتشبه به و بصحابته الكرام

 

من تشبه بقوم فهو منهم ونحن نطمع ان نكون منهم ونحشر في زمرتهم يوم القيامه ان شاء الله

 

ذكرت يااخي الغالي الحبيب معاناه اخي وحبيبي الشيخ مدحت في بدايته لاعفاء لحيته ربنا يثبته ويبارك فيه

 

ويثبتك يااحمد يارب ونشوفك زي الشيخ حسان كده ان شاء الله

 

 

اختي معلمه الاجيال بارك الله فيكِ اختي والله اسال ان يجمعك بأمك عائشه رضي الله عنها

 

في الجنة .... اللهم امين

 

اسال الله عز وجل ان يهدي شباب وفتيات المسلمين

 

اللهم ردنا الي دينك ردا جميلا

 

واهدنا وثبتنا واربط علي قلوبنا وثبت اقدامنا

 

واستعملنا ولا تستبدلنا

 

 

 

 

[بسمة الاقصى 78]

ربنا يتوب على الجميع إ ن شاء الله ويرزقنا اتباع هدى الحبيب المصطفى صلى الله عليه وسلم ونسأل الله الثبات

طبعاً نفس الكلام ينطبق على النقاب والمنتقبات وإن كنت شايفة الموضوع

 

أصعب على النقاب

 

أتمنى من الله أن يتغير هذا الوضع إن شاء الله

 

معلمة الأجيال نسيت تحط الصورة دى وانا بحطهالك أهو بالنيابة عنك

 

تم تعديل April 4, 2011 بواسطه بسمة الاقصى

[معلمة الأجيال 5]

شكرا استاذ عاشق الصداقة وابن تيمية علي الردود . وللأسسف ده حال معظم الملتحين ربنا يصبركم ويثبتكم