تراودنى رغبه بالإنعزال التام عن كل شىء !!

[عاشق الصداقه 525]

بسم الله الرحمن الرحيم

 

رغم كون هذا الموضوع شخصى بشكل كبير - لكننى إعتدت مشاركتكم - ولا أضيع فرصةً ربما أستفيد فيها من أحد تعليقاتكم

نعم - ليس عنوان الموضوع ببعيداً عن محتواه .. إننى وبحق أفكر كثيراً جداً بالإنعزال التام عن كل شىء

 

الكثير ممن يعرفوننى حق معرفه - ويعلمون ما أمر به دائماً من ظروف صعبه وأتغلب عليها فى كل مره - يعتقدون أننى جبل !! لا تؤثر فيه هذه العثرات

فحقاً كم تواجهنى صعوبات ومعوقات وعراقيل وظروف صعبه - يكفى أحدها لأن يتوقف صاحبها تماماً عما يفعل

ولكننى ورغم كل ما يحدث لى بشكل دائم من ظروف ومصاعب (أحمد الله عليها وأشكره على كل ما أجد من كرب أو تيسير) دائماً ما أتغلب عليها سريعاً وأداوم وأكمل الطريق بإردتى الحديديه بفضل الله عز وجل

 

ولكنى - ولمرات عدة .. يضيق بى الحال لدرجه كبيره جداً ،، وأجدنى وصلت للتفكير فى الإنعزال التام عن كل شىء

 

نعم عن كل شىء .. [ أسرتى - عملى - المنتدى بل الإنترنت كله - أصدقائى - معاملاتى مع كل الناس - السعى فى أهدافى ] - عن كل شىء فى حياتى دونما تفصيل أكثر من ذلك

 

بالطبع لا أقصد الإنعزال بمعنى البعد التام (خصوصاً فى حالة الانترنت وأسرتى) - ولكن الإنعزال الذى يعنى المتابعه فى صمت تام ،، وعدم الإحتكاك بأى أحد لأى سبب

عدم الإحتكاك بأصدقائى ولا بأحد أعضاء المنتدى ولا بأحد العملاء فى عملى ولا بأفراد أسرتى ولا أى أحد

ليس معنى هذا الإساءه لأحد أو مقاطعته - بل أقصد فى ذلك عدم التعايش مع الآخر وفقط - ((( لا أصدك أو أنهرك - ولكن لا أحكى معك )))

 

إن تركت كل هذه الفئات وتحدثت فقط عن المنتدى (بإعتبار البقيه أمور خاصه بى وحدى ،، ولأن حياتى مزدحمه بشكل لا يصدق) ..

 

وبإستخدام عدسه مكبره أوجه فيها ضوء الحديث عن (المنتدى) فيما يخص شعورى بالرغبه فى الإنعزال - فسأصارحكم بأننى كثيراً جداً ما أكون على وشك ترك المشاركه بالمنتدى كلياً

لست أقصد فى ذلك ترك المنتدى - فياللا يا شباب يجرى بدمى ولا أستطيع الإبتعاد عنه ،، ولكنى أقصد فى ذلك أن أقرأ فى صمت ،،

أكبر تفاؤل يمكن أن يخطر ببالى وأنا أفكر فى هذا الأمر هو أن أكتب فى صمت - أى أكتب ولا أقوم بالرد على أى أحد - وافقنى رأيه وأعجب بما كتبت أو رفض ذلك وهاجمنى - فى كل الأحوال لا أرد !!

 

كثيراً ما لفت نظرى - إذا نظرت للكثير من أصحاب المواقع وبالأخص المواقع فى حجم ياللا يا شباب - ستجد الأغلبيه العظمى منهم لا يشاركون فى مواقعهم !!!

أى يقومون بمراقبة سير العمليه الاداريه من مشرفى الموقع ويتعاملون معهم فحسب ،، ونادراً جداً جداً ما تجد موضوعاً واحداً لمدير المنتدى أو مؤسسه !!

وكنت أتساؤل دوماً لماذا !!!!!!!!!!!!! - لماذا لا يشاركون فى منتدياتهم ويبثون روح النشاط بها ولماذا يختفون تماماً تاركين الساحه للآخرين للمشاركه - رغم معرفتى بكثير من أصحاب المواقع النشطاء خارج مواقعهم ومنعدمى المشاركات فى مواقعهم !!! فلماذا !!!!

 

ولكن سريعاً ما تجيبنى المواقف والأيام عن هذا التساؤل وعن السبب - بل وأقتنع أنهم على صواب وأنى من على خطأ لأنى خالفت ذلك وأشارك كثيراً فى منتديات ياللا يا شباب

ربما لا يشعر أحد بالشىء إلا من يعيشه بنفسه - ومهما ذكرت أسباباً وحللت مواقفاً وضربت أمثلةً لن أوفق أبداً فى توصيل الصوره كاملةً لأحد فى أسباب أنهم على حق وأننى مخطىء لمشاركتى فى ياللا يا شباب ..

 

ربما يعتقد أيضاً من يقرأ هذه الكلمات أن ذكر هذه الأمور بالأمر الهين على عاشق الصداقه !!

ربما يعتقد البعض أن إدارة موقع بحجم ياللا يا شباب أمر ممتع وشيق ويشعر الشخص بشىء من الفخر أكثر من أى مساوئ لذلك !!

ربما يعتقد البعض أنه محظوظ من يكتب الخير الذى فى ياللا يا شباب فى ميزان حسناته إن صدق النيه مع الله - دونما ينظرون للكم الهائل من الذنوب التى يمكن أن تكتب فى صحيفته للتفريط فى أمور كثيره (بالمنتدى نفسه) لا تخطر على بال أحد

ربما يعتقد البعض أنه محظوظ من كان مديراً لياللا يا شباب - وهو يقسم بالله أنه يتمنى لو كان عضواً فيه وحسب - رغم فخره به - لكن المساوئ والصعوبات والمخاوف أكثر

ربما يعتقد البعض أن (عاشق الصداقه) بالخصوص محظوظاً لشعبيته وحب الكثيرين له وأن هذا شىء رائع لا يشوبه مساوئ

 

ربما وربما وربما ،، وكلا وحاشا ان يكون الأمر كذلك ،، فدون تفسير أو توضيح أو تصديع لرؤوسكم ،، أقسم أن أحدكم لن يتصور أبداً الصوره كامله إلا من عاشها

 

فكرت كثيراً فى الإنعزال لعدم إحتمالى المواصله فى نفس الظروف والأوضاع عامة

بل أننى إنقطعت عن المشاركة فى المنتدى بالفعل أكثر من مره - أبرزها كان بقرار غير نهائى إتخذته منذ فتره كبيره لم يشهدها الكثير من المتواجدين الآن من الأعضاء

ودام هذا الإنقطاع حينها ثلاثة أشهر ، وبدون مبالغه كانت أسوأ ثلاثة أشهر مر بها المنتدى وليس أنا فحسب !!

إنقطعت لأننى فكرت فى أن وجودى هو سبب المشكله ! - فى أننى انا من لا يجيد التعامل مع الاخرين ولا مع المواقف - فى أننى مخطىء لمشاركتى فى المنتدى من الأصل لأنه حسب القاعده التى أراها مطبقه فى المواقع الكبرى

( لا يجوز لمدير منتدى أن يشارك ويكتب ويرد وكأنه عضو عادى - وإلا ستحدث من أجل ذلك كوارث ربما تذهب بالمنتدى كله لتراكمها )

 

فكرت وقلت - إذن لابد أن أتخذ هذه الخطوه الان قبل اتخاذها عندما يكبر المنتدى ولا استطيع اتخاذها !!

وفعلتها - أقسم بربى من أجل المنتدى - ولم أوفق حتى فى هذه المحاولة وإزداد الأمر سوءًا ،، وكاد المنتدى وقتها أن يغلق تماماً لشلله التام !! - وهذا أحزننى ولم يسعدنى ولا للحظه واحده

عدت وعزمت على إحياء المنتدى وفعلت الكثير من أجل ذلك إلى أن حدث ،، وتجدد جيل المنتدى بأكمله فى العصر الجديد للمنتدى تاركاً هذه القصه والمحاولة وراء ظهرى ومتعلماً منها أنه لا يجوز أيضاً الحياد عما إخترت من طريق

لكننى أيضاً بين فينة وأخرى - أشعر أن الأمر يسوء لوجودى وأننى لابد أن أنعزل وأكتفى بالمشاهده والعمل من أجل نهوض الموقع بأسره دونما مشاركه ودونما إحتكاك بأحد مطلقاً

وعندما أفكر فى ذلك بجد - أخاف من تكرار التجربه - فنويت فعلها ولكن بطريقه أخرى ،، وهو أن يأتى هذا بشكل تدريجى لا يلاحظ ولا يؤثر بشىء ولا يضر المنتدى ،، وأفعل هذا الآن

 

وأفاجئ مره اخرى أن خيوطاً كثيره تجذبنى لمشاركه أكبر - فإما المشاركه الكليه وإما الترك الكلى ولا سبيل غير ذلك !!

فوقفت حائراً حتى لحظة كتابتى لهذه الكلمات

ماذا أفعل ، وكيف السبيل للوصول بهذا الحلم الكبير الى بر الأمان دونما يعطله أى شىء بسبب تواجدى وكتابتى ومشاركتى !!

وكيف السبيل لإستمرار نجاحات هذا الحلم والمشروع الضخم الجميل دونما أى عجز لإبتعادى عنه أو حتى لموتى عندما يقدر الله ذلك

 

إنها من المرات القليله التى واجهتها فى حياتى أن أقف كثيراً وأنا حائر أقول ( كيف أفعلها !! )

 

وهنا سأنهى موضوعى - بأمرين غريبين ..

 

أولهما ( أننى متيقن تماماً أن الغالبيه العظمى ممن سيقرأون موضوعى سيفهمونه بشكل خاطىء تماماً فى كل جزئية منه !! ،، وربما هذه احد أكبر الأسباب التى تجعلنى أعزف عن الكتابه والمشاركه )

وثانيهما ( أننى لو قرأت هذا الموضوع لأحدهم بالمنتدى - لكان بإستطاعتى بفضل لله وضع الحلول لكل ما ذكر - ولكن المشكله الحقيقيه فى الإجابه على تساؤل : ومن يستطيع تنفيذ ذلك !! )

 

وأخيراً - أرجو الله أن ييسر الأمر كما يراه سبحانه - فهو أعلم منا كيف يصلح الأمر - وأجدنى أردد الان الدعاء المحبب جداً لقلبى

يا حى يا قيوم يا ذا الجلال والإكرام .. برحمتك أستغيث .. أصلح لى شأنى كله ،، ولا تكلنى إلى نفسى طرفة عين

 

أعتذر وبشده للإطاله - وأعتذر مقدماً عن عدم التعليق على الردود فى هذا الموضوع

ولا يسأل أحدكم نفسه - إن كان الأمر كذلك فلماذا كتب عاشق الصداقه هذا الموضوع - فأجيبه أننى لا أعلم !!

فقط كنت أحدث نفسى فدونت هذا وكأننى لا أحدث به أحد بالمنتدى ولا خارجه - وكأنه لا يخص المنتدى أيضاً - وأعتذر إن كانت كتابتى لهذا الموضوع هنا خطأ (وهى بالفعل كذلك)

وجزاكم الله كل الخير - وأسألكم الدعاء

أخوكم - (وتأكدوا أنه محبكم جميعاً فى الله على إختلاف طبيعتكم) : عاشق الصداقه ( ولاحظوا أنى لا أستطيع يوماً أن أقول أو أكون "أحمد" !! )

[بسمة الاقصى 78]

مررت من هناااااااا .......................

[دعوه للجنه 457]

:crying:

 

لا حاوله ولا قوة الا بالله العلى العظيم

 

 

----------------------------------------------

 

الموضوع كبيييييييييييير والتعلقات عليه هتكون أكبر اعتقد

 

 

اسال الله لك التيسر والمعونة يااااارب

 

نصيحتى لك

 

الاتئاد الأتئاد والتثبت التثبت ثم الصحبة الصالحة فالزمها الآن هى اثمن ما يُلجئ إلها ف تلك المرحلة .....

 

-----------------------------------

 

ان شاء الله لى عودة مرة أخرى

 

-----------------------------

 

تحياتى وكل احترام وتقدير لحضرتك ..

 

---------------------

[ابن تيميــــة 158]

بسم الله الرحمن الرحيم

 

الغالي علي قلبي حبيبي في الله احمد

 

وكما قالت اختي ( بسمة الاقصي ) مررت من هنا...

 

انا ايضا مررت من هنا......

 

لن اضيف تعليقا هنا ولن اتكلم هنا فلايهمني ان اضيف تعليق علي الموضع بقدر اهتمامي بحبيبي في الله احمد

 

حبيبي الغالي لي معك كلام ان شاء الله

 

عااااجلا ان شاء الله

[Dr.A7MD 130]

السلام عليكم ورحمة الله وبركاته

 

أخى عاشق الصداقه

 

مش هقولك إنى فهمت كل اللى عاوز تقوله وكل اللى نفسك الناس تفهمه

 

بس هقولك بعض الحاجات على حسب معرفتى البسيطة جداً ببعض الحاجات اللى شفتها قصادى فى مواقف كتير

 

هقولك بكل أمانة وبكل صدق ,,, وهبعد خالص عن ظروفك وحياتك الشخصية لأنى بكل أمانة معرفهاش

 

هتكلم بس عن شق كبير ( أعتقد أنه شق كبير فعلاً ) فى حياتك [ اللى هو المنتدى ]

 

فياريت يتسع صدرك للّى هقوله

 

كثيراً ما لفت نظرى - إذا نظرت للكثير من أصحاب المواقع وبالأخص المواقع فى حجم ياللا يا شباب - ستجد الأغلبيه العظمى منهم لا يشاركون فى مواقعهم !!!

أى يقومون بمراقبة سير العمليه الاداريه من مشرفى الموقع ويتعاملون معهم فحسب ،، ونادراً جداً جداً ما تجد موضوعاً واحداً لمدير المنتدى أو مؤسسه !!

وكنت أتساؤل دوماً لماذا !!!!!!!!!!!!! - لماذا لا يشاركون فى منتدياتهم ويبثون روح النشاط بها ولماذا يختفون تماماً تاركين الساحه للآخرين للمشاركه - رغم معرفتى بكثير من أصحاب المواقع النشطاء خارج مواقعهم ومنعدمى المشاركات فى مواقعهم !!! فلماذا !!!!

 

مرة سمعت مقولة عجبتنى جداً ,,, المقولة فيما معناها بتقول

 

القائد مثل راعى القطيع ,,, يضع أسرع وأرشق خروف عنده فى المقدمة والآخرين يتبعوه ,,, بينما يكون الراعى ماشياً خلفهم بهدوء ,,, ومعه العصا والعكاز ليستخدمهم إن إضطر لذلك ولكن غالباً لا يضطر لذلك ,,, يحرك القطيع بأكمله بهدوء

 

أنا عارف إنك أدرى الناس بإدارة المنتدى وأدرى واحد بكل اللى فيه ,,, بس أنا بقولك رؤيتى المتواضعة جداً جداً جداً واللى متتقارنيش بخبرتك بأى حال من الأحوال

 

أى صاحب منتدى أو مدير عام أو أدمن ,,, فى الأول خالص ممكن يكون بيزق مع الناس كحاجة إضافية فوق شغله الإدارى الأساسى

 

لما العجلة بتمشى والوضع بيكبر يبقى لازم يكون عنده إهتمام أكبر بإدارة المنتدى ,,, ومش عشان كدا وبس ,,, لالالالا ,,, عشان منصب إدارة المنتدى ده يبقى لو وضعيه خاصة

 

فى ناس بتقول لا والله الأدمن أو المدير العام حابب يشارك فى المنتدى ويقول رأيه ,,, يشارك بعضوية عادية بعيدة خالص عن منصب إدارة المنتدى

 

بقية الأعضاء تعرف أن العضوية العادية دى هى هى لصاحب إدارة المنتدى ,,, الحتة دى محل خلاف كتير ,,, فى ناس تقولك اه وماله وفى ناس تقولك لا ,,, أنا عن نفسى من أنصار الناس اللى تقول لا

 

ده لو كان عاوز الأدمن يشارك ويطرح رأيه عادى وسط الأعضاء ,,, ويبقى شغله الإدارى منفصل خالص عن عضويته العادية

 

أنا عارف إنك عارف الحتة دى كويس وشبه متأكد أن جواك رد على الحكاية دى ,,, بس أنا من أنصار التوجه ده وبقول رأيى بكل صراحة

 

صحيح الوقت خلاص فات بالنسبة ليالا جروب على الحكاية دى ,,, ومش من المتاح ولا المناسب ولا المعقول أن الحكاية دى تحصل دلوقتى ,,, ممكن تكون زمان كانت تنفع بس دلوقتى لا ,,, الله أعلم

 

بس فى النهاية إدارة المنتدى لازم تكون ليها وضعية خاااااااااااصة جداً لعدة أسباب كتيرة جداً جداً

 

فكرت كثيراً فى الإنعزال لعدم إحتمالى المواصله فى نفس الظروف والأوضاع عامة

بل أننى إنقطعت عن المشاركة فى المنتدى بالفعل أكثر من مره - أبرزها كان بقرار غير نهائى إتخذته منذ فتره كبيره لم يشهدها الكثير من المتواجدين الآن من الأعضاء

ودام هذا الإنقطاع حينها ثلاثة أشهر ، وبدون مبالغه كانت أسوأ ثلاثة أشهر مر بها المنتدى وليس أنا فحسب !!

إنقطعت لأننى فكرت فى أن وجودى هو سبب المشكله ! - فى أننى انا من لا يجيد التعامل مع الاخرين ولا مع المواقف - فى أننى مخطىء لمشاركتى فى المنتدى من الأصل لأنه حسب القاعده التى أراها مطبقه فى المواقع الكبرى

( لا يجوز لمدير منتدى أن يشارك ويكتب ويرد وكأنه عضو عادى - وإلا ستحدث من أجل ذلك كوارث ربما تذهب بالمنتدى كله لتراكمها )

 

فكرت وقلت - إذن لابد أن أتخذ هذه الخطوه الان قبل اتخاذها عندما يكبر المنتدى ولا استطيع اتخاذها !!

وفعلتها - أقسم بربى من أجل المنتدى - ولم أوفق حتى فى هذه المحاولة وإزداد الأمر سوءًا ،، وكاد المنتدى وقتها أن يغلق تماماً لشلله التام !! - وهذا أحزننى ولم يسعدنى ولا للحظه واحده

عدت وعزمت على إحياء المنتدى وفعلت الكثير من أجل ذلك إلى أن حدث ،، وتجدد جيل المنتدى بأكمله فى العصر الجديد للمنتدى تاركاً هذه القصه والمحاولة وراء ظهرى ومتعلماً منها أنه لا يجوز أيضاً الحياد عما إخترت من طريق

لكننى أيضاً بين فينة وأخرى - أشعر أن الأمر يسوء لوجودى وأننى لابد أن أنعزل وأكتفى بالمشاهده والعمل من أجل نهوض الموقع بأسره دونما مشاركه ودونما إحتكاك بأحد مطلقاً

وعندما أفكر فى ذلك بجد - أخاف من تكرار التجربه - فنويت فعلها ولكن بطريقه أخرى ،، وهو أن يأتى هذا بشكل تدريجى لا يلاحظ ولا يؤثر بشىء ولا يضر المنتدى ،، وأفعل هذا الآن

 

خلينى أكلمك بصراحة مدام انت اتكلمت بصراحة

 

منكرش أبداً أبداً إنك بتخاف على المنتدى ,,, بس متزعلش منى ,,, استحملنى فى الكلام اللى هقوله ده ,,, ومظنش ليا غاية من كلامى إلا إنى عشان بحب المنتدى ,,, نتفق أو نختلف ,,, الكل مجمع على حب المنتدى

 

مركز الأدمن وياريت تصححلى يا أحمد لو كنت غلطان ,,, مركز الأدمن ده ميقفش فى التفاهات

 

يعنى مدام النظام الإدارى ماشى بهيكل معين وعلى قمة الهرم الأدمن ,,, يبقى المفروض وخد بالك من المفروض دى اوى ,,, المفروض مفيش حاجة يتم تصعيدها للأدمن فوق إلا الحاجات العويصه بجد

 

الأدمن وظيفته الأساسية فى غالبية إن مكنتش كل الأحيان ,,, وظيفته الأساسية هى الحكم والفصل بين السلطات الإدارية اللى تحته ده غير مهمته الأساسية توجيه السياسة العامة للمنتدى وتطويره

 

يعنى الأدمن ميبقاش أدمن فى حته وعضو فريق إدارى فى حته تانيه وفريق عمل فى حته تالته وعضو عادى فى حته رابعه ,,, دى مش شغله الأدمن

 

ولا شغلة الأدمن تشجيع الأعضاء على المشاركة ولا شغلته يتابع الموضوعات والمشاركات والردود ولا شغلته الإشراف على الأقسام والتحويل للأرشيف ولا ولا ولا ولا ..... حاجات كتير جداً

 

أنا عندى سلطات تحتى تبقى تشتغل مدام هى رضيت بالتكليف اللى اتوجه ليها ,,, قصرت ومش شايفه شغلها أو شغلها مش عاجبنى أو مش هيوصلنى للسياسة اللى أنا راسمها أو هتوصلنى بعد 100 سنة مثلا ,,, أجيبها وأحاسبها

 

أنتوا رضيتوا بكذا وكذا وكذا ,,, فين ده !!!

 

متقوليش الأدمن يغطى على شغل حد أو يحل محل حد لغايه لما الوضع يتحسن ,,, خلى بالك أنا بتكلم عن منصب الأدمن ,,, مش الإسم اللى فى منصب الأدمن

 

يعنى كمثال معين ,,, أنا ادمن منتدى وعندى عجز مثلا فى المشرفين أو فريق العمل

 

مدخلش أنا بصفتى الأدمن أعمل شغل الناس دى ,,, مروحش بعضويه الأدمن أشرف على منتدى ما أو أحول للأرشيف باسم الأدمن

 

أدخل بأى صفة تانى ,,, إن شاء الله حتى أعمل عضوية وأخليها تبع المشرفين أو فريق العمل ,,, بس أعمل الشغل بالسلطة اللى مخولة هى للشغل ده

 

يعنى ايه الاقى الأدمن بيحول للأرشيف ويثبت مواضيع ويبدأ حملات ومسابقات ,,, لاقى الأدمن ناحر نفسه فى كل حته فى المنتدى

 

ده حتى أنا لما أدخل المنتدى هقول " ايه مفيش غير الأدمن اللى شغال فى المنتدى !!! "

 

مفيش حملة أو سلسلة أو مسابقة أو حاجة بتتعمل فى المنتدى إلا والاقى اسم الأدمن بيوجهها بطريقة ما ( خلى بالك أنا مش قصدى والله التدخل فى كل جاجة ,,, أنا قصدى التدخل ده بيعمل حالة من أن مفيش حاجة هتنجح إلا بتوجيه الأدمن )

 

ممكن توصل لدرجة أن الحاجات اللى مش هيشارك فيها الأدمن أو مش هيوجها هتفضل محلك سر

 

لأن دى بقت شبه ثقافة ,,, الأدمن لما بيدخل فى أى حاجة بيبقى له وزن ,,, ووزن تقيل كمان

 

لكن أنا كأدمن لو عاوز أعمل توجيه لحاجة معينة أو مساعدة للنهوض بحملة مثلا أو دورة أو أى حاجة

 

بعمل الحاجة دى بسياسة غير مرئية ,,, بسياسة القوة الخفية أو من ورا الستار

 

أنا عاجبنى جدا جدا أدمن منتدى ما مشهور جداً بدون ذكر أسامى

 

لو فى موضوع جامد فعلا أو سلسلة روعة فى أى مجال ,,, ميقيمش الموضوع كرد من عنده أبداً

 

يقيم الموضوع من خلال كلمة شكراً أو إضافة تقييم عادى بحيث أن الناس اللى قيموا الموضوع بتبان اساميهم للعضو صاحب الموضوع

 

بس الأدمن ميردش أبداً ,,, هتقولى لا ده ظالم ,,, هقولك ظالم لو كان بيرد مع بقية الناس ,,, لكن ده منتهج سياسة أنه ميدخلش اسم الأدمن فى أى قيل وقال وعمل فلان وسوا علان

 

اه ممكن تلاقيه عامل عضويه عادية جدا وتلاقيه بيرد على كل حاجة ,,, بس محدش عارف أنه هو الأدمن

 

ويعدين متزعلش منى ,,, دى مش مسئوليتك لوحدك دى

 

مهما كنت سوبر باور أو سوبر مان ونشيط بسم الله ما شاء الله ,,,, متقدرش تقوم بكل حاجة

 

أنا بتكلم بصراحة وهقولها كمان " الأدمن وظيفته الأساسية صياغة السياسة العامة للموقع ويديها للفريق الإدارى اللى تحت والفريق يتصرف إزاى ينهض بالمنتدى فى ظل السياسة دى بالإمكانيات المتاحة له ويوصل للهدف اللى عاوزه فى وقت زمنى محدد "

 

ووظيفه الأدمن الأهم كمان أنه يبقى حكم بين السلطات اللى عنده ,,, يبقى مركزه عالى فوق ( مش قصدى عالى وغرور وكدا ,,, حاشا لله ) ,,, عالى يعنى فى نظر الكل أن الأدمن لا يتدخل إلا فى الحاجات الكبيرة

 

لكن كل حاجة يعملها الأدمن وفى إيد الأدمن !!! ,,,, ده بدون زعل يخلق سياسة النجم الأوحد وسياسة الرجل الواحد ,,,, ويخلق مناخ من المركزية اللى بتعمل جمود وشلل فى كتير من الأحيان

 

مقولش أن الأدمن ميشاركش خالص !!! ,,, لا والله ما قصدى كدا ,,, لو حابب يشارك يبقى زيه زى أى عضوية عادية

 

لكن متبقاش رؤية اسم الأدمن ولونه ,,, مركز تعلق الأعين بكل حاجة بتصدر منه

 

الأدمن لما بينزل على المنتدى ,,, بينزل بحاجة ليها توجيهات معينة - قوانين - ارشادات للمشرفين - حاجات كبيرة كدا

 

=======================================================================

 

إنت قائد للمنتدى وبلا شك ,,, ورائد ( وأنا واثق من الكلام ده ) فى مجال البرمجة

 

أدمن لمنتديات يالا يا شباب ,,, تبقى تقوم بوظائف الأدمن فقط وعندك ناس تحتك هى اللى تنهض بالمنتدى ,,, ( الناس دى شغالة ولا لأ دى قصة تانية خالص وانت أدرى واحد بيها )

 

لما تعمل شغل الأدمن بس هتلاقى مقدار من الوقت والحرية عشان تبقى رائد فى المجال بتاعك فى المنتدى

 

اعمل ياخى دورات ودروس وحاجات فى مجال برمجة وتطوير المواقع والمنتديات واعرضها هنا ,,, ايه المشكلة ؟؟؟

 

خلّى بالك من حاجة مهمة ,,, إنت عشان رائد فى مجال البرمجة ,,, مش عاوز أقول واجب عليك ويخونى اللفظ ,,, بس بجد لازم تربى جيل يعرف يدير المنتدى

 

اه ربّى جيل يعرف يدير المنتدى ويبقى صف تانى قاعد وجاهز فى أى وقت منين ما تحتاجله أو الظروف تتغير وتتبدل

 

احنا فى أشد احتياج للصف التانى ده ,,, والله ما بهزر ولا بقول أى كلام

 

ارجع أدمن بحق ربنا فعلاً وفيد الناس بريادتك فى مجالك ,,, اعمل دروس ودورات وحاجات لوجه الله وتعلم الناس

 

وزى منت تشتغل ,,, الناس اللى تحتك تشتغل ,,,, واللى ميشتغلش باللى هو أصلا رضى يتكلف بيه يبقى ده قصة تانية خالص ومش حابب اتكلم فيها

 

معلش لو كان كلامى ممكن تفتكر أن لهجته شديدة وناشفه لحد ما ,,, بس أنا بقول الصراحة ولا أحب اللف والدوران

 

وهقولك همسة فى ودنك

 

عاوزينها برلمانية مش رئاسية يا ريس

 

ارجع يا أحمد لشغل الأدمن الحقيقى واللى تحتك يشتغل بحق ربنا

 

وهكررها تانى

 

القائد مثل راعى القطيع ,,, يضع أسرع وأرشق خروف عنده فى المقدمة والآخرين يتبعوه ,,, بينما يكون الراعى ماشياً خلفهم بهدوء ,,, ومعه العصا والعكاز ليستخدمهم إن إضطر لذلك ولكن غالباً لا يضطر لذلك ,,, يحرك القطيع بأكمله بهدوء

 

================================

 

على فكرة بينى وبينك ,,, لو قررت حاجة تبقى تقولى بينى وبينك عشان شكلى كدا والله أعلم هعمل زيك قريب لأنى جبت جاز من كام ساعة كدا وأنت عارف السبب أكيد

تحياتى ليك

 

تم تعديل April 6, 2011 بواسطه Dr.A7MD

[حياتى من اجل ربى 22]

أننى لو قرأت هذا الموضوع لأحدهم بالمنتدى - لكان بإستطاعتى بفضل لله وضع الحلول لكل ما ذكر - ولكن المشكله الحقيقيه فى الإجابه على تساؤل : ومن يستطيع تنفيذ ذلك !! )

 

دائما ما نحتاج لكلمات كتباناها يوما

تماما كحاجه الطبيب لدواء وصفه ذات يوم لمريضه

 

كل ما كتبت فى ها الموضوع ليس من الغرابه بشئ

يحتاج المرء منا كثيييرا الى هدنه من الحياه

يبتعد فيها قليلا ليرى الاشياء من منظور مختلف

وربما يعود مره اخرى اقوى مما سبق

كونك كنت تواجهه الصعاب وبكل بساله لا يعنى انك صخر لا يمكن ان تنهار

ولكنك يمكن ان تنسحب قليلا لتعيد بناء اشياء تكون فيها اقوى من ذى قبل

تذكر تلك اللحظه التى انسحب فيها عاشق الصداقه ليرى الدنيا من عدسته الخاصه

عاد مره اخرى ولكن من افضل من ذى قبل

اشياء كثيييرا فى الحياه ارهقتنا واتعبتنا حد كراهيه الحياه

ولكن الحقيقه الوحيده فى الحياه (انها تستمر .....)

 

احيانا يجب ان نستجيب لنداء الصمت وسط الضوضاء

 

أشعر أن الأمر يسوء لوجودى وأننى لابد أن أنعزل وأكتفى بالمشاهده والعمل من أجل نهوض الموقع بأسره دونما مشاركه ودونما إحتكاك بأحد مطلقاً

 

لم تفكر بالتخلى عن مهامك وان تترك الوضع على ما سيكون وترحل

حتى فى تلك الللحظه الصعبه من حياتك

 

اذن فلا بأس ان توقف السفينه قليلا لترتاح من كثره الابحار....

 

عاشق الصداقه ( ولاحظوا أنى لا أستطيع يوماً أن أقول أو أكون "أحمد" !! )

 

 

لو لم تكن احمد لما كنت عاشق الصداقه ....

 

 

اتمنى ان اكون وفقت فى فهم الموضوع كما تراه

وأسال الله ان يفرج همك وان يهديك الى مايحب

 

 

 

قال الإمام علي عليه السلام :

وكم لله من لطف خفي يدق خفاه عن فهم الذكي

وكم يسر أتى من بعد عسر ففرج كربة القلب الشجي

وكم أمر تـُساء به صباحا وتأتيك المسرة بالعشي

إذا ضاقت بك الأحوال يوما فـثـق بالواحد الفرد العلي

توسل بالنبي فكل خطب يهون إذا تـُوسل بالنبي

ولا تجزع إذا ما ناب خطب فكم لله من لطف خفي

تم تعديل April 6, 2011 بواسطه حياتى من اجل ربى