حكمــــــــــت.....فظلمــــــــت.....فخفت ........فتنحيـــــــت.....فحُبست يااامبـــــــــارك

[بسمة الاقصى 78]

 

جمهورية بورتو طرة مش هتقدر تغمض عنيك

 

 

أيها الأخوة المواطنون حبايبنا اللى فى طرة ابدأ كلامى بسم الله

 

وأصلى واسلم على شفيعنا وحبيبنا سيدنا رسول الله صلى الله

 

عليه وسلم وبعد فعلاً فعلاً مش هتقدر تغمض عنيك وما اعتقدش

 

حد فى مصر قادر يغمض عنيه دلوقتى ولا حتى يبربش وهو

 

بيتفرج على بورتو طرة من أجلك انت

 

وأخيرررررا أخيرا بقيتوا فى مكانكم الحقيقى وفعلاً الرجل

 

المناسب فى المكان المناسب وبعد وصول الراس الكبيرة زعيم

 

العصابة واكتملت شلة الأنس فى جمهورية بورتو طرة

 

بداية عاوزة أقول لبا با حسنى عمرك فى يوم مسكت مصحف من

 

المصاحف اللى محطوطة جوه علبة قطيفة فخمة وقرأت فيها

 

قول الله تعالى" قل اللهم مالك الملك تؤتى الملك من تشاء وتنزع

 

الملك ممن تشاء وتعز من تشاء وتذل من تشاء بيدك الخير إنك

 

على كل شيىء قدير" أظنك عرفت الآن معناها ولكن هيهات يا فرعون مصر فقد مضى الوقت

 

 

ومن هنا من مصر الحرة ومن بنت فى سن أحفادكم أقترح الآتى

 

لكى تنعموا بعيشة هنية فى بورتو طرة

 

أولاً:بالنسبة للزنزانة يعنى هتبقى متر فى متر يدوب على

 

مقاسكم وهنكرمكم بمروحة بس هنقطع النور عنكم فى الصيف

 

فى عز الضهر علشان يعنى نوفر الكهربا وكده وتخفيف أحمال زى ماانتوا فاهمين

 

 

والأكل بقى هيكون فول مسوس ورز مدود معمول بزيت التموين

 

اللى انتوا عارفينه كويس وممكن نفرحكم مرة فى الشهر بكام

 

كيلو لحمة من بتاعت الهند اللى مليانة ساركوسيست دى ويالا

 

كمان كباب من أحسن لحم حمار ولا كلب فيكى يا مصر

 

وشوية خضار مورورين وفواكه كده من اللى مروية بمية

 

الصرف الصحى حاجة كده ترم العضم

 

والشرب بقى ميه بقى من اللى قلبكم يحبها اللى مليانة جراثيم

 

وميكروبات اللى بيشربها الشعب البيئة اللى كنتوا بتحكموه

 

 

 

نيجى بقى للحياة السياسية مش هنقولكم زى الناس الوحشين لا

 

سياسة فى طرة لا طبعاً إزاى ده انتوا اهل السياسة كلها

 

 

طبعاً الريس هو الريس وهامان (زيكو) هنخليه برضه رئيس ديوان طرة وماله

 

لو هتعملوا انتخابات بقى عندكم المعلم الكبير فتحى موافقة

 

يفصلكم قانون حليوة على قد طرة يليق بيكم وبالوضع الجديد

 

 

وجمبكم بقى جيرانكم حبايبكم البلطجية علشان يزوروا الانتخابات

 

آه أمال ايه اصل انتو مش هتقدروا تعيشوا من غير تزوير

 

وحبيبكم عز ممكن يجبلكم كام طبلة ويسليكم فى الحبس علشان الملل يعنى وكده

 

طبعاً الباشا الكبير كريه العادلى له معاملة خاضة جداااااااا طبعاً

 

عارفين ليه ومصر كلها عارفة ليه

 

يومياً بقى كام جلسة كهربا على كام جلدة ومية ساقعة فى عز

 

البرد ومفيش نوم بقى خالص وكوكتيل كده تعذيب على مزاج الباشا الكبير وانت أدرى

 

ممكن بقى نتعطف عليكم فى يوم وناخدكم رحلة ترفيهية فين بقى

 

فى البحر الأحمر على عبارة زى بتاعت السلام 98 بالظبط

 

وتاكلوا سمك مشوى وجمبرى وكافيار متغذى على لحم البشر

 

طعم إيه وااااااو وهنسيبكم بقى وانتوا وحظكم مع العبارة

 

أو رحلة برية بقى فى قطر من قطارات الصعيد وهنجيبلكم موقد

 

بلدى لزوم الشاى والمزاج وبرضه انتوا وحظكم

 

 

وأخيراً ده كله مش تفضلاً منا عليكم لا أبداً ده خيركم سابق من

 

30 سنة وياما هنيتونا وفرحتونا وجه وقت رد الجميل

 

واللهم لك الحمد والحمد لله الذى بنعمته تتم الصالحات

 

وحمد الله على سلامتك يامصر وحشتينا جدااااااا

 

وحسبنا الله نعم الوكيل واللهم قصاصك العادل واشف غليل صدورنا وأرح قلوبنا

 

 

كلمتين من القلب للسيد مبارك

 

حلقاتك برجلاتك شرفت يا سيد المساجين

 

خش وجرش جنب اخواتك وعيالك وياك الاتنين

 

يارب ياربنا انت اللى عارف حقنا

 

طول فى عمره وهاتلنا

 

احكام تفرح قلبنا

 

حلقاتك برجلاتك هنوصى عليك السجان

 

فاضل بكره هتيجى مراتك

 

ونزفك زى العرسان

 

يارب ياربنا فرحة مصر وكل الناس

 

أكبر فاسد عندنا جوه السجن عليه حراس

 

حلقاتك برجلاتك شفت نهاية ظلمك فين

 

هتكمل ع البورش حياتك

 

وتجرب كل الزنازين

 

يار ب ياربنا دم الشهدا مش هيروح

 

حق اخواتنا كلنا من اسوان لغاية مطروح

 

يارب ياربنا أكبر أووى من كل كبير

 

فاضل دعوة صغننة

 

يتحاكم جوة التحرير

 

 

واخيــــــــراً

 

 

 

حكمــــــــــت.....فظلمــــــــت.....فخفت ........فتنحيـــــــت.....فحُبست يااامبـــــــــارك

 

كتبه :

 

مواطنة مصرية

13/4/2011

تم تعديل April 14, 2011 بواسطه بسمة الاقصى

[دعوه للجنه 457]

بنتنا جدعة من يومها:red:

 

يا ستــــــــــــــــــــــــــــــــــــــــــــــــار ده انتى مليانه يا بنتى

 

صدقتى ما دوستى ع الزرار

 

 

 

--------------------------------------------

 

 

تسلم الايد اللى شطرت الحروف الاننى لى تعقيب على بعض التعبيرات :wub:

 

لكن سيبك منها مش دلوقتى

 

 

-------------------------------------

 

مقال شافى طبعا ولو كتبتى اكتر هكون اولى الموافقبن معاكى

 

 

وكفايه بجد عنوانه

 

 

ربنا يبارك ف عمرك ويشفيك ويعافيك يااااااااااارب ونشوف زلك كلنـــــــــــــــــــــــــــــــــــــا

 

-----------------------------

 

اخيرا

 

الحمد لله الذى ارانا ف كل ظالم آية ولكل ظالم نهاية

 

----------

 

تحياتى وتقديرى لكِ ولقلمك.

 

[coraline 2]

لكل ظالم نهاية

فعلا توبيك يتسحق التقييم

شكرا لابداعك

[بسمة الاقصى 78]

بنتنا جدعة من يومها:red:

 

يا ستــــــــــــــــــــــــــــــــــــــــــــــــار ده انتى مليانه يا بنتى

 

صدقتى ما دوستى ع الزرار

 

 

 

--------------------------------------------

 

 

تسلم الايد اللى شطرت الحروف الاننى لى تعقيب على بعض التعبيرات :wub:

 

لكن سيبك منها مش دلوقتى

 

 

-------------------------------------

 

مقال شافى طبعا ولو كتبتى اكتر هكون اولى الموافقبن معاكى

 

 

وكفايه بجد عنوانه

 

 

ربنا يبارك ف عمرك ويشفيك ويعافيك يااااااااااارب ونشوف زلك كلنـــــــــــــــــــــــــــــــــــــا

 

-----------------------------

 

اخيرا

 

الحمد لله الذى ارانا ف كل ظالم آية ولكل ظالم نهاية

 

----------

 

تحياتى وتقديرى لكِ ولقلمك.

 

 

 

 

تصدقى بالله كتبت الموضوع ده فى منتدى تانى وجالى نفس تعليقك او نفس معناه بالظبط (ايه دا كله .. دا انتى قلبك مولع نار ) أيوة يا جماعة قلبى

 

مولع ناار ومغلولة لحد ما ربنا ينصرنا وناخد بتارنا عادى عادى هاتى ما عندك يعنى وقولى تعليقاتك مش أول مرة يعنى

 

 

لكل ظالم نهاية

فعلا توبيك يتسحق التقييم

شكرا لابداعك

فعلاً لكل ظالم نهاية ودولة الظلم ساعة وانتهت الحمد للـــــــه

 

تسلمى أختى أحسن الله إليكِ

تم تعديل April 18, 2011 بواسطه بسمة الاقصى

[دعوه للجنه 457]

 

ادى عادى هاتى ما عندك يعنى وقولى تعليقاتك مش أول مرة يعنى

 

 

:angry_smile::angry_smile::angry_smile:

:angry_smile::angry_smile::angry_smile::angry_smile:

:angry_smile::angry_smile::angry_smile::angry_smile::angry_smile:

:angry_smile::angry_smile::angry_smile::angry_smile::angry_smile::angry_smile:

:angry_smile::angry_smile::angry_smile::angry_smile::angry_smile::angry_smile::angry_smile:

 

------------------------------------

مافيش حتى شكرا ع الورد

طيب

[بسمة الاقصى 78]

:angry_smile::angry_smile::angry_smile:

:angry_smile::angry_smile::angry_smile::angry_smile:

:angry_smile::angry_smile::angry_smile::angry_smile::angry_smile:

:angry_smile::angry_smile::angry_smile::angry_smile::angry_smile::angry_smile:

:angry_smile::angry_smile::angry_smile::angry_smile::angry_smile::angry_smile::angry_smile:

 

------------------------------------

مافيش حتى شكرا ع الورد

طيب

أمال الوردة اللى واخدة نص الصفحة دى بتعمل إيــــــه؟؟؟؟؟؟؟؟؟