أرخم زوجه في العالم

[ali desoky 391]

أرخم زوجه في العالم

 

 

 

في يــوم من الأيــام

قرر "زوج" إنه يعزم "زوجته" على الغدا وياريته ما عمل كده

 

...لإن الزوجه دى مش عاجبها العجب ولا الصيام فى رجب زى مابيقولو

شوفوا الحوار وأحكموا بنفسكوا

 

 

 

 

"هو": تطلبي إيه؟

 

"هي": مش عارفة إنت هاتطلب إيه؟

 

"هو" : أنا هاطلب بيتزا

 

"هي": ماشي ، وأنا كمان

 

"هو": طيب

 

"هي": ولا أقولك ، بلاش

 

"هو": ليه عاوزه حاجة تانية

 

"هي": لأ ، مش عارفه

 

"هو": انتي جعانة

 

"هي": إممم ، مش عارفه

 

"هو": يعني إيه مش عارفة ، أكيد الواحد بيعرف هو جعان ولا لأ

 

"هي": نص نص

 

"هو": يعني أطلبلك معايا

 

"هي": لأ

 

"هو": خلاص

 

"هي": ولا أقولك ، يمكن أجوع كمان شوية

 

"هو": خلاص هاطلبلك وعقبال ما يجي الأكل تكوني جوعتي

 

"هي": طيب أفرض لما يجي الأكل أكون لسه ما جوعتش!

 

"هو": خلاص ، خلي الأكل قدامك ولما تجوعي إبقي كلي

 

"هي": ما كده الأكل هايبرد

 

"هو": خلاص نطلب أكل تاني

 

"هي": بس كده يبقى تبذير

 

"هو": نبقى نأخد الاكل البارد معانا تيك أواي ونبقى نأكله بعدين

 

"هي": طيب إفرض ما كانش ليا نفس للبيتزا بعدين

 

"هو": خلاص أكلها أنا

 

"هي": وأنا ما أكلش

 

"هو": جننتيني ، يعني اطلبلك ولا بلاش

 

"هي": بلاش احسن

 

"هو": خلاص أنا هاطلب لنفسي علشان انا جعت جدا

 

"هي": ماشي

 

"هي": بس أطلب بيتزا بالتونة

"هو": بس أنا مابحبش البيتزا بالتونة

 

"هي": بس أنا بحبها

 

"هو": بس أنا إللى هاكلها

 

"هي": ما يمكن على ما ييجي الأكل أكون جعت وأكل معاك

 

"هو": هو أنتي عاوزة تأكلي ولا لأ

 

"هي": إحتمال

 

"هو": يعني أنا لازم أطلب بيتزا بالتونة علشان إنتي (إحتمال) تأكلي معايا

 

"هي": أيوه بالظبط

 

"هو": طيب لو أنتي جوعتي وأكلتي البيتزا بتاعتي أنا هاكل إيه؟

 

"هي": ما انا ممكن ما أكلش أصلا معاك

 

"هو": رحمتك يا رب

 

"هي": مالك فيه إيه ؟؟

 

"هو": يعني دلوقتي لو أنتي ما أكلتيش ، أنا هاكل بيتزا مش بحبها

 

"هي": يعني أنت تاكل و أنا ما أكلش؟

 

 

هههههههههههههههههههه

 

انا بجد لما قريتها تعبت من كتر رخامتها

انتوا رأيكم ايه ؟؟؟؟؟؟؟؟؟؟؟

[الرّام 173]

انتوا رأيكم ايه ؟؟؟؟؟؟؟؟؟؟؟

 

 

 

 

و هوا مازال فيها رأي أصلااااااا ؟؟؟؟؟

 

 

 

 

 

لو كنت راجل و كنت في مكان زوجها ,, كنت بكل بساطه و بكل بروديّة دم ,, نقوم و ناخذها من اييييييييييدها ,, و على طوووووول على الدار

 

 

و تمسح من مخّها ان في يوم ممكن اني نخرّجها معايا مرّة اخرى بعد هذا

 

 

 

 

 

...........

 

 

 

شكرا يا خويا على هالموضوع الطريف

 

ربي يجزيك بكل خير ان شاء الله

 

[دعوه للجنه 457]

بصراحة رخامة يعنى رخامة

 

كتير الف زوجها ده له الجنة :red:

 

 

لو منه كان ادلها قلم وقعت ع الارض وهو اكل براحته ولحد ما يشبع تكون فاقت

 

عنف من الآخر

 

جزيت خيرا مستر على

تم تعديل April 16, 2011 بواسطه دعوه للجنـــــة

[بنت مصرية 66]

انا قلت يمكن تكون ظلمتها يامستر وفهمت الحوار غلط

:

لان ساعات البنات بيبقوا كدا علي خفيف يعني مخهم طاقق شوية بس انا نفسي تعبت

ومع دعوة العنف هو الحل مع الناس دي

هو كان قام طلب واخد طلبه تيك اوي وسابها ومشي

بعد كدا هيخلوها تمسح المحل وتسيقه وتغسل الصحون عشان تقول حقي برقبتي

ايه ده احنا بنتفرج علي اكشن ورعب كتير ولا ايه ؟؟

الثورة اثرت علينا بالسلب شكلها كدا

خير اللهم اجعله خير

جزاك الله كل خير يامستر

[عاشق الصداقه 525]

ههههههههههههههههههه

 

جزاك الله كل الخير يا مستر

انا ميت ضحك من أول الموضوع لآخره - لأنه فكرنى فعلاً بنفس أسلوب أصدقاء رخمين جداً

الحل من وجهة نظرى ينفضلها - بإنه يقابل كل حاجه تقولها برخامه - أفضل حل مع العالم دى إنك متتناقشش معاها

كل حاجه تقول حاضر ، حتى لو قالت مثلاً : إنت هتاكل إيه !! - تقول (حاضر) ،، وهكذا - ورخامه برخامه هتفرقع هيا من الغيظ بدل ما الراجل يجراله حاجه

 

بارك الله فيك يا جميل - وعقبال ما تعزم بره ويترخم عليك - بس مش هيكون فيه رخامه كده بإذن الله - ربنا يسعدك يا رب

[فراشة 8]

جميلة اوي والله بصراحة دي مش زوجة رخمة وبس دي ...ههههههههههه

[لامار 94]

ازاي مستحملها؟؟؟؟؟؟؟