منافسة بالفوتوشوب // تبادل خبرات

[83 DESIGNER 2]

بسم الله الرحمن الرحيم

 

السلام عليكم ورحمة الله وبركاته

 

منافسة بالفوتوشوب // تبادل خبرات

 

-------------------------------------------

 

هذا الموضوع فكرته مكررة فى كثير من المواقع والمنتديات

 

الهدف الأول من الموضوع // تبادل خبرات الأعضاء فى التصميم فى شكل منافسة

 

الموضوع سيأخد طابع اللعبة // كل عضو متاح له الدخول فى المنافسة وله أن يفعل أى شىء ويطلب من الآخرين فعله

 

والعضو الذى سوف يفعل نفس الشىء بطريقة أفضل يبدأ فى وضع منافسة جديدة

 

كل عضو سوف يكون مطلوب منه توضيح كيفية تنفيذ هذا العمل والأدوات المستعملة فى ذلك بعد إنتهاء كل منافسة

 

فى انتظار مشاركتكم

 

------------------------------------------

تم تعديل April 29, 2011 بواسطه 83 DESIGNER

[83 DESIGNER 2]

المنافسة الأولى

 

 

المطلوب // عزل صورة الكرة وتغيير لونها إلى اللون اللى بدك إياه وتصغير الصورة لتصبح بعرض 300 بكسل فقط

 

 

هل من منافس ؟؟

[بسمة الاقصى 78]

منافسة إيه بقى وتبادل خبرات إيه ده انا شفت شغل حضرتك فى الورشة جالى احباط وواضح جدا إنه حضرتك

 

بروفيشنال لأنه شغلك وااااااااايد حلو ما شاء الله تبارك الله

 

أنا هروح اذاكر كويس وبعدين أفكر أنافس حضرتك

[83 DESIGNER 2]

شكرا للتجاوب سيدتى

 

لكن البداية بسيطة // مجرد قص صورة فقط

 

هذه لا تحتاج إلى خبرة أو دراسة قوية

 

أين بقية الأخوة ؟؟ // أين شباب مصر المبدعين //

 

لا يوجد منافس على الإطلاق ؟؟

 

[بنت مصرية 66]

دي مشاركتي معاكم يامصممنا

يدوب علي ادي

جزاك الله خيرا علي الموضوع المتعب

[بسمة الاقصى 78]

شكرا للتجاوب سيدتى

 

لكن البداية بسيطة // مجرد قص صورة فقط

 

هذه لا تحتاج إلى خبرة أو دراسة قوية

 

أين بقية الأخوة ؟؟ // أين شباب مصر المبدعين //

 

لا يوجد منافس على الإطلاق ؟؟

 

لا بس هى المشكلة فى البرنامج مش راضى يتنصب على الجهاز من أساسه

[83 DESIGNER 2]

السلام عليكم

 

هلا فيكى سيدتى بنت مصرية وأشكرك على التجاوب

 

لكن حقيقة // فالقص به مشاكل // الكرة متآكلة من الطرف

 

ولسيدتى بسمة الأقصى // حاولى تنصيب الفوتوشوب بسرعة حتى تنضمى لحلبة التنافس

 

أين باقى شباب المنتدى // ما فى عضو فى المنتدى يعرف يقص صور ؟؟

 

معقوووووووووووووووول ما فى ؟؟

 

تم تعديل May 1, 2011 بواسطه 83 DESIGNER

[Dr.A7MD 130]

السلام عليكم

 

موضوع فكرته جميلة جداً أخى ديزاينر

 

أنا مدمن الحاجات اللى زى دى وبحبها اوى

 

ربنا يبارك فيك على كل مجهوداتك فى المنتدى

 

============================

 

بالنسبة للمنافسة الأولى ،،، فوالله أنا سايب الأمر لشباب وشابات مصر يردوا عليك

 

وعشان أكون منصف ،،، قصك للكرة مش مظبوط اوى بالإضافة لتغيير لونها كمان مش واقعى

 

يعنى متحسش ان ده لون الكرة الأصلى

 

إنما قص أختى بنت مصرية فيه حته طبعاً عاوزة مراجعة وباينة أن الكرة متاكلة اوى فيها

 

بس تغييرها للون الكرة أكتر واقعية من تغييرك إنت

 

يعنى لحد الآن محدش حسم المنافسة بنسبة 100 %

 

وأنا عن نفسى مش هتدخل دلوقتى فى أول المنافسة ،،، بس على ثقة وقناعة أن شباب مصر اللى جبت سيرتهم دووووووووول هيعرفوا يردوا عليك بحاجات جامدة جداً

 

استنى بس الأخت بسمة الأقصى تسطب الفوتوشوب ،،، والأخت بنت مصرية تظبط إيديها بس وهتشوف الشغل

 

زيادة عن كدا فى ناس كتير بعون الله هترد عليك ،،، بس الصبر شوية

 

أىنعم الإمارات أكتر ناس حبايب لمصر فى كل الخليج ،،، بس برضو اللى يجيب سيرة شباب مصر مش هيخرج منها بالراحة كدا

 

يا شباب مصر ،،، هجووووووووووووووووووووووووووووووووووووم ،،، حد يرد بإسم مصر

 

تحياتى ليك أخى الكريم

 

تم تعديل May 1, 2011 بواسطه Dr.A7MD

[dr_mido 53]

السلام عليكم ورحمة الله وبركاتة

 

جزاك الله كل خير اخونا الكريم ع مجهوداتك لارائعة وافكارك المتميزة ف تنشيط التصميم

 

جعله الله ف ميزان حسناتك أنت وأخي وحبيبي ف الله دكتور أحمد

 

حفظكم الله ورعاكم ووفقنا الله وغياكم إلي ما يحبه ويرضاة ان شاء الله رب العالمين

 

بالنسبة لمشاركتي المتواضعة فها هي الكرة

 

 

أدعو الله ان يكون بها المطلوب و ف إنتظار انتقاداتكم ان شاء الله رب العالمين

 

اخوكم ومحبكم ف الله

dr_mido

[fahem 0]

الحمد لله على النعم لكن انا عايز حلجه صعبه علشان اقدر انافس صح

[83 DESIGNER 2]

السلام عليكم

 

سيدى دكيتور أحمد

 

أشكرك لردك ولكنى كنت أتوقع منك المشاركة // أتمنى ذلك قريبا

 

تلوين الكرة هذا ما قدرت عليه والقص به بعض المشاكل كما ذكرت ولم انتبه لهذا وقتها

 

سيدى dr_mido

 

كنت على وشك أن تحسم المنافسة لكنك نسيت أهم جزء

 

لم تصغر الكرة بأبعاد 300 بكسل عرض // وقد سبق السيف العدل

 

يمكن للمشاركين تطوير مهاراتهم لأكثر من مرة لكن نسيان جزء من المنافسة لا تقدر على إعادته

 

سيدى fahem

 

أشكرك لردك // ونتمنى مشاركتك قريبا

 

هل من منافس آخر // مشارك جديد أو شخص مشارك مستعد لتحسين مهاراته ؟؟

 

[Dr.A7MD 130]

حراااااااااااااااااااااااااااام عليك يا راجل

 

يعنى يا دكتور ميدو تعمل كل حاجة زى الفل وتيجى على تصغير الصورة وتنسى

يا رااااااااااااجل حرام عليك ،،، أنا قلت خلاص الإمارات مش هتفتح بؤها بعد كدا

 

بس الحمد لله ،،، لقينا ناس تقدر ترد وتنافس يا عم ديزاينر

 

بس ملحوقة ،،، بعد شغل دكتور ميدو الجميل ،،، أنا نويت أشارك فى المنافسة الأولى عشان متلاقيش حجة بعد كدا

 

توكلنا على الله

 

هااااااااااا ،، أظن كدا مش باقى ليك حجة ؟؟

 

لما نشوف المنافس الجاى هيعمل ايه زيادة

 

===============================

 

مقترحات بسيطة أخى ديزاينر عشان الحكاية تتظبط أكتر وطبعاً ليك مطلق الحرية تدير الحكاية بالشكل اللى يعجبك

 

1- أنا معاك وعجبانى جداً حكاية ان اللى ميعملش كل حاجة فى المنافسة ونسى حاجة متتحسبش مشاركته فى المنافسة دى وميقدرش ينافس إلا فى المنافسة اللى بعدها

 

2- ياريت لو كل منافسة تحددها بوقت معين عشان متبقاش الحكاية مفتوحة كدا بدون وقت محدد والحكاية تطول ،،، ولو مر الوقت ومحدش شارك تبقى المنافسة تُحسم بالتزكية للشخص اللى حط المنافسة وطبقها

 

3- يتم تطبيق نظام النقاط ،،، بمعنى أن مشارك مثلا طبق كل حاجة فى المنافسة بس شغله مطلعش حلو اوى ،،، تحسبله نقاط على قد شغله ،،، بحيث فى نهاية كل منافسة النقاط هى اللى تحسم مين الفايز

 

4- بمجرد نهاية كل منافسة ،،، الأشخاص اللى شاركوا فيها يقولوا فى ردود ليهم ازاى عملوا الحكاية دى وبأى أدوات وكدا عشان الكل يستفيد

 

5- بمجرد إعلان الفائز بمنافسة مثلاً ،،، بعدها علطول يبقى مطلوب منه يحط منافسة جديدة فى نفس اليوم وهكذا الدايرة تدور

 

===============================

 

تحياتى لك أخى ديزاينر

 

تم تعديل May 2, 2011 بواسطه Dr.A7MD

[عاشق الصداقه 525]

السلام عليكم ورحمة الله وبركاته

 

أخى الحبيب 83 DESIGNER

 

موضوع غاية فى الروعه ،، وسيجعل مصممى ياللا يا شباب يبرزون أفضل ما لديهم بإذن الله

 

جزاك الله كل الخير لمجهوداتك الرائعه منذ دخولك المنتدى ونشاطك الواضح ،، فدخولك قوى جداً ما شاء الله

 

أحببت أن أشكرك وأشكر كل من شارك فى هذا الموضوع ،، فحقاً إنها منافسة جميله ،، ولولا إنشغالى الشديد لشاركت معكم فى هذه المنافسة الرائعه

 

ليس من باب أننى مصمم ،، أو حتى إننى أستطيع منافسة العمالقة من مصممى ياللا يا شباب ،، ولكن من باب المشاركة فى هذا الموضوع الجميل وزيادة المهارات فى مجال التصميم الذى أعشقه ولا أعمل به

 

لكننى مررت من اجل شكرك وشكر جميع من شارك هنا ،، وقد قمت بتقييم الموضوع والمشاركات ذات التصميمات التى أعجبتنى فى تطبيق هذا الإختبار

 

أيضاً أدعو جميع المصممين بالمنتدى للمشاركه ،، وأدعوك أخى للتعديل فى الفكره إن أردت أن يكون هناك شهادة أو وسام أو ما شابه لأفضل مصمم يأخذ عدد معين من النقاط فى هذه المنافسات الجميله ،، ويتم تعديل هذا الفائز فى كل شهر أو مدة معينه تقومون بتحديدها ،،

 

هذا إقتراح منى ونحن على استعداد لتنفيذه دعماً لهذا الموضوع الجميل ،، وجزاكم الله خيراً

 

بخصوص أختى (بسمة الأقصى) - أرى أن مشكلة ما تقف أمام مشاركتك فى قسم الجرافيك والتصميم بشكل عام وقد ذكرتيها فى أكثر من موضوع

 

لذا أرجو منكَ الإهتمام بطرح مشكلتك تفصيلاً فى القسم هنا فى موضوع منفصل ليسهل متابعته من المختصين جميعاً ،، ولن نترك مشكلتك إلا بعد حلها بإذن الله كى لا يقف أمامك عائق عن المشاركة فى أى قسم من أقسام المنتدى ،، وكذلك جميع الأخوه والأخوات ممن يواجهون أى مشكلات عليهم طرح مشكلاتهم وسيسعى الكثيرون لحلها بإذن الله

 

وبارك الله فيكم وجزاكم كل الخير ،، وآسف لإطالتى ،، وبإنتظار تكملة الموضوع الرائع ومتابع للمنافسات الجميله قدر استطاعتى

[83 DESIGNER 2]

السلام عليكم

 

سيدى دكيتور أحمد

 

أشكرك لمشاركتك فى المسابقة وعندى بعض الإحساس فى انك قربت حسم المنافسة الأولى

 

لو كان سيدى dr_mido لم ينسى تصغير الصورة لكان استمر فى المنافسة

 

لكن هذى هى الحظوظ // وأرى أنك صعبت المنافسة بما فعلته فى الكرة حتى تقترب من حسمها مع أن رأيى أنى لم أرى كرة أبدا بمثل هذه الألوان // لكن فكرة ومهارة تلوينها تعجبنى

 

مقترحاتك جميلة وكنت أفكر بها وجارى العمل بها بقدرة الله

 

--------------------------------------------------------------

 

سيدى الحبيب عاشق الصداقة

 

بارك الله فيك لردك الطيب والجميل

 

كنت أتمنى مشاركتك فى المنافسة حتى تزيد من اشتعالها // وسوف أنتظر مشاركتك فى أى وقت

 

اقتراحك بالنسبة للشهادة أو الوسام اقتراح جميل وسوف أنظر فى تفعيله

 

شكراً سيدى لردك

 

------------------------------------------------------------

 

لكل الأعضاء المشتركين فى المنافسة

 

كل منافسة سوف تكون مدتها بحد أقصى 3 أيام

 

تفعيل نقاط الأعضاء// ( ؟ / 100 ) // الأعضاء يقيمون فى نهاية كل منافسة والأعلى فى التقييم يكون هو الفائز

 

بعد إعلان الفائز // يكون عليه وضع منافسة جديدة

 

--------------------------------------------------------------

 

قرب إنتهاء المنافسة الأولى

 

ديزاينر 83 // 10 نقاط

 

بنت مصرية // 20 نقطة

 

dr_mido // ( للأسف لا تحسب نقاطه لأنه نسى عنصر هام من عناصر المنافسة )

 

دكيتور أحمد // 80 نقطة

 

موعد إنتهاء المنافسة الأولى هو منتصف الليل

 

إذا لم يتدخل شخص آخر قبل هذا الموعد سوف يكون أعلى المشاركين فى النقاط هو الفائز

 

بعد ذلك مطلوب من كل المشاركين فى المنافسة الأولى المشاركة بالطريقة التى استخدمها كل منهم فى هذه المنافسة // سواء فى ردود منفصلة أو الردود المتعلقة بالمنافسات القادمة

 

أتمنى أن أجد من ينافس دكيتور أحمد ،، فهو قد أحرجنى فى مسابقة مماثلة فى أحد المواقع وهو يعرف هذا جيداً

 

سلامى

[Dr.A7MD 130]

السلام عليكم

 

سيدى دكيتور أحمد

 

أشكرك لمشاركتك فى المسابقة وعندى بعض الإحساس فى انك قربت حسم المنافسة الأولى

 

لو كان سيدى dr_mido لم ينسى تصغير الصورة لكان استمر فى المنافسة

 

لكن هذى هى الحظوظ // وأرى أنك صعبت المنافسة بما فعلته فى الكرة حتى تقترب من حسمها مع أن رأيى أنى لم أرى كرة أبدا بمثل هذه الألوان // لكن فكرة ومهارة تلوينها تعجبنى

 

مقترحاتك جميلة وكنت أفكر بها وجارى العمل بها بقدرة الله

 

دكيتور أحمد // 80 نقطة

 

أتمنى أن أجد من ينافس دكيتور أحمد ،، فهو قد أحرجنى فى مسابقة مماثلة فى أحد المواقع وهو يعرف هذا جيداً

 

وعليكم السلام ورحمة الله وبركاته

 

بشكرك جداً أخى ديزاينر 83 للمرة الألف على موضوعك الجميل

 

أنا والله اشتركت فى المنافسة لما لقيتها هتطول وهتاخد وقت طويل ،،، قلت يلا نعديها عشان نشوف غيرها

 

ألف شكر لتحديد النقاط ،،، والظاهر والله أعلم بقى مطلوب مننا نحط المنافسة التانية

 

أتمنى أن أجد من ينافس دكيتور أحمد ،، فهو قد أحرجنى فى مسابقة مماثلة فى أحد المواقع وهو يعرف هذا جيداً

 

كدا يبقى إنت فكرتنى بحاجات كتير ،،، والظاهر والله أعلم إنك تعرفنى ومش أعرفك ويارب أتعرف بيك وأعرف مين حضرتك بدل ما أضرب أخماس فى أسداس

 

=======================================

 

قبل ما نحط المنافسة التانية ،،، الرد ده عشان هقول فيه استعملت ايه فى المنافسة الأولى

 

طبعاً قص الصورة بأداة البن تول Pen tool

 

بعد كدا تحديد كل قطاع فى الكورة بالبن تول وتظبيط لونها بشكل يبقى واقعى مش إضافة لون وخلاص

 

بعد كدا تدى عمق لونى للكورة كلها سواء من خلال التفتيح أو التغميق من خلال قائمة Image Adjustment

 

بس كدا

 

[Dr.A7MD 130]

بسم الله الرحمن الرحيم

 

المنافسة الثانية

 

المنافسة دى يا جماعة يعتمد عليها شغل ستديوهات التصوير

 

المنافسة دى لم يُستخدم فيها أى فلتر خارجى أو أى حاجة إضافية لبرنامج الفوتوشوب

 

المنافسة عبارة عن تنقيح صورة فتاة

 

زى كدا

 

قبل

 

 

بعد

 

 

=================================================

 

اضغط على كل صورة مصغرة عشان تشوف الصورة بأبعادها الأصلية ،،، وعشان تشتغل على الصورة بأبعادها الحقيقية وتعرف تاخد راحتك فيها

 

=================================================

 

المطلوب منك فى المنافسة

 

 

1- إزالة النمش من وجه الفتاة

 

2- تنعيم وجة الفتاة

 

3- إزالة التجعيد تحت العينين

 

4- تغيير لون العين

 

5- تغيير لون الشفاة

 

6- تبييض الأسنان

 

7- توضيح الحواجب

 

8- صورتك تطلع بنفس الأبعاد الحقيقية للصورة قبل التعديل ( عشان يبقى شغلك واضح وسهل نفرقه عن الصورة الأصلية )

 

============================================

 

بعد كدا تعمل صورة مصغرة من اللى عملته وتحطها هنا فى الموضوع وتحط عليها لينك للصورة بالأبعاد الأصلية عشان مش عاوزين نتقل الموضوع بالحجم الأساسى للصورة

 

وياريت لو أى موقع رفع غير الايمج شيك ترفع عليه الصورة بأبعادها الأساسية عشان الموقع ده فيه مشاكل لما تفتح الصورة لوحدها فى صفحة ويب

 

المنافسة مدتها 3 أيام زى ما قال أخى ديزاينر 83 ،،، يعنى آخر يوم الجمعة بالليل قبل منتصف الليل بدقيقة تبقى المنافسة خلاص انتهت

 

هااااااااااااااااااا ،،، فى حد هيقدر ينافس ولا هناخدها بالتزكية ؟؟؟

 

تم تعديل May 4, 2011 بواسطه Dr.A7MD