اذهب الي المحتوي
منتديات ياللا يا شباب
الجندى المجهول

ضليله فوق راس الشهيد احمد فواد نجم

بواسطه , استورد ملفات الشعر والأدب

Recommended Posts

الجندى المجهول    37

الجندى المجهول
قام بنشر

ضليله فوق راس الشهيد

 

 

خبر بالنكته لوجيا

و الحداقه و التكنولوجيا

و التاريخ

هجم الزناتي ع الخواجه

و لبسه العمه بصاروخ

"جود" عليوه

"باد"مائير

كل عام فانتوم بخير

(وكالات الانباء و الصحفيين 6 اكتوبر 1973)

***

(تعليق)

قبل البدا يا سامعين

ابعت سلامي للميدان

و افهم كلامي و اسمعين

و أوزن و دقق في الميزان

تعرف مرامي يا اسماعين

من دون فلاسفة و ترجمان

اصل الحكاية يا سامعين

مش ناقصة لف و لفلفان

***

كان وقت نكسة يا اسماعين

و البر غاطس في الهوان

و الدم سايح اجمعين

و الأمر غرقان للودان

و الأرض رايحة و لا معين

و العفشه نافشه

و الغيلان سانين سنانهم طامعين

ياكلوا السواكن بالمكان

و الناس حيارى يا اسماعين

بين مين و ليه و فين و كان

***

اذ هذا يحصل يا اسماعين

طلعوا الفلاسفة البغبغان

ناقلين كلام يملا البرام

عن حد سيف الأمريكان

الياذه بالشعر المهول

و هول و هيل و هيلمان

خلونا شبنا يا اسماعين

و كبرنا من قبل الأوان

***

طبوا الفلاسفة في الغلط

لما الزلط قدح الزناد

نفر العناد عرق الغضب

و اقزح يا واد و اضرب يا واد

قزحت صعايدة و فلاحين

بحر الكنال ف شمال يمين

و اديني عقلك يا اسماعين

و اضغط بقلبك ع الزناد

و اجمد يا واد و اضرب يا واد

***

قزحوا الولاد

قزحت قلوب الناس معاهم

اسم النبي يحرس خطاهم

من خطاهم رنوا الخواجة البربري

علقة معلم عبقري

و ارتد جيش المفتري

و عيالنا نار تلحس قفاهم

اسم النبي

يحرس خطاهم من خطاهم

يا مصر جيشك م الصعيد

و م البحاروة و من رشيد

شبان هلايلة و طيبين

فينا الحنين و العنيد

نعشق

و لا عشق الحمام

للولف و العش السعيد

و نجود

كما جاد الغمام

باللقمه

و التوب الجديد

ندي بمزاجنا كل شيء

لأي شيء

ما دام نريد

***

لكن عدوك يا اسماعين

لو سخنت النار ع الحديد

و الظلم خوم ع العباد

سوى من قريب

او بعيد

حلم الحليم

يصبح جحيم

و الدم يتسمم صديد

نرمي الغضب

رمي الحطب

ع النار

تقوم النار تقيد

***

و احنا الرجايل يا اسماعين

في الشدة

و الوقت الشديد

نصول نجول كما

خيول

راكبة السيول

فوق الجليد

نكسح ضباب الليل

يزول

ننطح جبال الخوف تميد

نطوي السراب طي الكتاب

و نقابل الصبح البعيد

نرجع نلاقي الدنيا نور

يا مصر

و الأنسان جديد

ننشي المداين و الكفور

في جو نور

و بكل ايد

و نجيب حليب العندليب

في المهد

للطفل الوليد

و نشجر التين و الزتون

ضليلة

فوق راس الشهيد

]

شارك هذه المشاركه

رابط المشاركه
شار ك علي موقع اخر

Join the conversation

You can post now and register later. If you have an account, sign in now to post with your account.

زائر
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

×
الذهاب الي قائمه المواضيع


×
×
  • اضف...

Important Information

By using this site, you agree to our Terms of Use, اتفاقيه الخصوصيه, قوانين الموقع, We have placed cookies on your device to help make this website better. You can adjust your cookie settings, otherwise we'll assume you're okay to continue..

  I accept