ازاى تصحى واحد نايم

[:: نبـ القلم ــض :: 8]

زاى تصحى واحد نايم

 

 

ماعليك الا ان تتبع الخطوات ادناه

..

وصدقني ممكن يقتلك فيها الحكاية دي

 

 

1) اذا كان في عز نومه وانت مانمتش أو مش جايلك نوم ادخل الغرفه وشغل

النوووور

 

واطلع بمنتهي البرود كأنك لم تفعل شيء .

 

إذا كان نومه خفيف هايصحي وقولك ( إطفي النور يا حيوان ) طبعا إحنا

إتفقنا إنك بارد لذلك

 

لا تعره أي إهتمام و تذكر القانون الأول لنيوتن في التنفيض

 

" لكل فعل له تنفيضة مساوية له في المقدار و مضادة له في الإتجاة " .

 

أما لو كان نومه تقيل يبقي تستعمل الطريقة

رقم 2

 

2 ) إكتشف إن في بيتكم سرير وعايز تتأكد إن كل حاجه تمام و إن السرير

رجليه مظبوطة طبعا دا السرير إللي أخينا

 

نايم عليه ويمكنك ساعتها القيام بالكثير من التخبيط و الدق وتحريك

السرير ولكن إنتبه فقد يصحو من النوم فيجدك تحت

السرير او رأسك في متناول يده فلا أحد يعلم ساعتها ماذا يمكن أن يحدث

لو كان من هواة النوم وبجوارهم مفتاح

 

إنجليزي .. لذلك أنصحك أن تهز السرير هزات عنيفة حتي يستيقظ وقبل أن

يفيق تماما أركض بأقصي سرعة

3) اذا كنت مقهــــــــور من واااحد ناايم العصر او الظهر أدخل الغرفه

وغطيه كويس و إقفل المكيف واطلع ولا تنسى أن

 

تغلق الأبواب والنوافذ.

 

واذا كانت في دفايه بالغرفه * ياعيني شغلها بقي علي أسخن حاجة وسيبه

واطلع بره كأنك لا تعرف عن الأمر شيء .

لسه ما قامش ؟؟ إوعي تيأس

4) لو كان لسه ماقامش ماتعملش حاجة من اللي سبق ذكره إنما بهدوء

حط ايدك على الراديو وشغل محطه خرباااانه

 

حبذا لو كانت بتاعت أغاني هابطة من نوعية ( حبيبي فوق حبيبي تحت حبيبي و يا

 

رايح حبيبي جاي ) وعلي

 

الصوووت على الآخر و امشي إنت كمل مشاهدة التليفزيون .

5) اذا كان لسه نايم وانت شبعااان نوووم بس عايز تتونس:

 

جيب ماء باااارد وقرب من النايم وقطر على جبهته قطره قطرة هايترعش

ويمسح جبهته فاكرها نمله ولا حاجة .

 

واقعد كده لحد ما يصحي أو يقوم يرزعك قلم محترم علي وشك ويكمل نوم

 

6 ) خذ منديل ولفها لحد ما يبقي على شكل العود... الغرض ان يكون نهاية

طرفه حاد ..

 

وبس يا معلم .. أخينا رأسه أصبحت ملعبا وأنت الهداف

_ ممكن تحطها في ودنه ( الحركة دي مستفزة جدا ومجربة )

 

_ لو صحي يبقي إحتمال إنه يفرجك علي عنبر الكسور في أي مستشفي قريب من

بيتكم

 

واذا مانجحتش كافه الطرق اللي فوق... تأكد انه مش آدمي . . خليه نايم

واطلع بدل ما يجيلك شلل نصفي

 

منقووووووووووول

[المتحدية 1]

انا عندي اقتراحات اضافية لتصحية واحد نايم :

 

- ممكن مثلا لو غرفته قريبة من المطبخ ممكن تدخل المطبخ وتعمل نفسك بتغسل المواعين وعيش مع الخبط و الرزع في الاطباق والمعالق في الحوض ز وطبعا ما تنساش فتح الدواليب وقفلها .......

 

- ممكن كمان لو غرفتكم مشتركة يا سلااااااااام ممكن تعمل نفسك حتخرج و تفتح النور طبعا وبعدين الدولاب وتقف قدامه ساعة وتفضل تغير في كم طقم كدة وبعد كدة تعمل نفسك خلاص مش خارج ......

 

ملحوظة : التغير مش معناه انك تقلع وتلبس لا انت بس تشوفه كده في المراية ......

 

 

 

 

كدة اضمنلك ملة سرير محترمة واقعة على نافوخك

[:: نبـ القلم ــض :: 8]

هههههههههههههههههههههههههههههههههههههههه

هههههههههههههههههههههههههههههههههههههههههههههههههه

هههههههههههههههههههههههههههههههههههههههههههههههههههههههه

 

ياسلام عليكى بنت .........فكرة كويسة برده .........ربنا يكون فى عون اللى جنبك...لكن ياريت تدينا عنوان اقرب مستشفى

عشان لو جرى لنا حاجة كده ولا كده ؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!

[AMR DAWAM 7]

موضوع جميل جدا

ورائع وممتع

ولو كل المحاولات دى مش نجحت ؟؟؟؟؟؟؟؟؟؟؟؟؟؟

نعمل ايه ؟؟؟؟؟؟؟؟؟

انا مش بحبط من الامل اللى عندكم بس فعلا انا كنت بعانى مع واحد نفس المشكلة دى

وكنا مفروضين على بعض لمدة عام كامل

وكنت كل يوم بجرب معاه طريقة .............. بس الحمد لله قبل ما افقد الامل نهائيا

السنة انتهت ......... وده بفضل الله فقط

بس انا عندى فكرة كمان .........

انك ممكن لو حد عزيز على النائم سال عليه وهو نائم ............. اوعى تصحيه .............. اوعى

ولما يصحى لوحده بلغه بذلك ............ بس اهم حاجة يكون عزيز عليه جدا

وهو مش هيحاول ينام تانى ............... يخاف انه ييجى تانى ............. ومش يقابله

*****************************************************

[NADA 34]

ياحرام انتم شريرين كده ليه ماتسيبو الناس فى حالها

واللى ماترضهوش على نفسك مترضهوش على حد

ويارب اللى بتعملوه فى الناس يتعمل فيكم

[طائر السكون 2]

ماشى يا عمرو يا دوام

حد قالك تسيب المدينه الجامعيه و تيجى تقعد معايا و اسلام فى بيتنا

على كل اشارك انا بطريقه كمان بس انصحك انك تكون هرقل قبل ما تعملها او تكون بنكره اللى حتعملها فيه

 

 

جيب ورقه كراسه و أعملها على شكل قرطاس و حطها بين صوابع رجليه

و ولع

و خليه يروح يكمل نوم فى المستشفى بقى

[nuda.sokkr 0]

لا تعليق

 

موضوع لذيذ

[الجندى المجهول 37]

ربنا لا يحكمكم على حد نايم

[بنت مصرية 66]

موضوع خفيف يا نبض القلم

بس في النهاية حرااااااااااام

ليه ناذيه كدا

هو ممكن نصحيه بالعافية لو هو بستاهل

نايم زيادة عن الللزوم

هيتاخر عن ميعاد مهم

كدا يعني

بس بجد وحشتينا جدا جدا