هوا انت حد بيجري وراك؟ - جميـــــــلة - منقول

[دعوه للجنه 457]

بسم الله الرحمن الرحيم

 

هوا انت حد بيجري وراك ؟

 

بتقلب مستعجل في كتابك

مش عايز تقعد في مكانك

دي المذاكرة عايزة تركيز

ذاكر يا بني هتبقى عزيز

في الامتحان جمع أفكارك

على مهلك رتب اجاباتك

وبإذن الله تحقق طموحاتك

ونبارك لك على نجاحك

♥.•*´¨`*•. ¸*¤* ¸ .•*´¨`*•.♥

 

هوا انت حد بيجري وراك ؟

في شغلك بتعد اوقاتك

وعايز تمشي قبل ميعادك

وان سألوك هتشكي حالك

وهتعمل مش واخد بالك

افتكر الأمانة في أعمالك

اسأل نفسك فين اتقانك ؟

وساعتها تحلل أموالك

 

♥.•*´¨`*•. ¸*¤* ¸ .•*´¨`*•.♥

هوا انت حد بيجري وراك؟

صلاتك تخطفها بسرعة

وتدي للشيطان الفرصة

دي ما اخدتش منك ثانية !!

حاول تنسى شوية الدنيا

فين خشوعك فين ايمانك؟

خلي دعائك هو سلاحك

ليه مش تلجأ لربك دايما وتدعيه يبعد أحزانك

وتحمده على نعمه وتقوله ( أحبك ربي سبحانك)

 

♥.•*´¨`*•. ¸*¤* ¸ .•*´¨`*•.♥

 

هوا انت حد بيجري وراك ؟

مستعجل دايما في سواقتك

عمال تتقدم تتقدم والاشارة حمرا قصادك

عايز تسبق حتى خيالك

خلي بالك ......خلي بالك

طب حاسب الناس بتعدي

على مهلك شوية وهدي

السرعة خطيرة صدقني

حافظ على الأرواح وشبابك

 

♥.•*´¨`*•. ¸*¤* ¸ .•*´¨`*•.♥

 

هوا انت حد بيجري وراك ؟

حتى لو فيه ناس أعدائك

لسانك حصانك

ان صنته صانك

لو حد ضايقك اعمل حسابك

حاول تقلل في كلامك

إدي لنفسك مهلة وفكر

بدل ما تندم ... اهدى وقرر

♥.•*´¨`*•. ¸*¤* ¸ .•*´¨`*•.♥

 

هوا انت حد بيجري وراك؟

قريت كام موضوع عجبوك قلت وماله اما اشارك

لو كان خير اكيد هيبقى بإذن الله في ميزان حسناتك

اما الغلط بلاش يا مسلم ليزودلك من سيئاتك

و الأخبار لما تقراها ليه تتسرع و تجري وتنشر

طب فيها ايه لو تتحقق دايما من المصدر

بدل ما تنشر معلومة غيرك منها هيتضرر

و الاشاعات ربنا سبحانه وتعالى نهانا عنها و حذر

♥.•*´¨`*•. ¸*¤* ¸ .•*´¨`*•.♥

 

 

هوا انت حد بيجري وراك؟