مفاجأة الأخت عبير تؤكد إسلامها فيديو ونص لكلامها

[صمت النبلاء 16]

مفاجأة الأخت عبير تؤكد إسلامها فيديو ونص لكلامها

 

 

 

 

 

 

 

 

 

 

 

 

 

 

 

 

 

 

 

 

بسم الله الرحمن الرحيم أنا اسمي عبير طلعت فخري من أسيوط مركز ساحل سليم قرية الشيخ شحاتةأنا مشيت من البلد يوم 15 / 9 طبعا يوم ما مشيت فطبعاً كان معاية واحد اسمه ياسين ثابت هو اللي ساعدني على المشي من البلد ونزلنا على مكان واحد نعرفوه اسمه جعفر , في ورورة , ورحت أعلنت إشهاري يوم 23/9 وغيرت اسمي وسميت اسمي أسماء محمد أحمد إبراهيم وقمت سكني إسكان في ورورة وبعد كداهوت جعفر داهوت عارف أهلي كويس لأنه هو أصلاً كان من البلد وطبعاً وصل لأهلي ووصلهم جواب وعنواني بالزبط ومكاني على أساس إنه هو يستفاد منهم بقرشين يعني يمشي حاله.ففوجئت بإن أهلي جم أخدوني وبعد ما أخدوني نزلوا بي أسيوط وسلموني للكنيسة فأول مكان رحته طبعا هو دير العدرا - أسيوط وبعد كداهوت بديت انا اتنقل من 1-3 اتنقل , ايه ده 1-3 من يوم ما بقيت مع أهلي ونزلت أسيوط بقيت اتنقل بقى من بيت لبيت ومن دير لدير طبعاً كل الكلام دا تبع الكنيسة لأن أهلي سلموني للكنيسة وما يعرفوش عني أي شيء واتنقل تبع الكنيسة لغايت يوم 1-5 فجيت سافرت مصر ونزلت على امبابة على كنيسة ماري مينا اللي ما سكها أو المشرف بتاعها أبونا أبانوب فوفر لي المكان ...

ايوة , فاطبعا رحت لأبونا أبانوب في الكنيسة ماري مينا طبعاً كنيسة أسيوط هي اللي بعتاني وأبونا أبانوب وفري المكان في بيت أنبا يوحنا القصير ودا في نفس الشارع دا في جنب الكنيسة هو البيت دوت على الشمال والكنيسة على اليمين وكنت قعدت في البيت داهوت حوالي سبع أيام كانت الأمور ماشية عادي مافيش أي مشاكل غير إني فوجئت ان في شوشرة حصلت في الشارع...المذيع: انت كنتِ قاعدة عارفة يعني قاعدة بإرادتك ولا كنتِ عايزة تخرجي و مش عارفة ؟عبير: لأ هو عامة كانت البيبان مقفلة ومافيش أي شبابيك حتى أبص منها على الشارع يعني اللي بيطلع بيقفل وراه واللي بيدخل بيقفل وراه وكانت معاية راهبة وما كنتش بأقدر أبص من الشبابيك أو أي حاجة , عامة الشبابيك كانت كلها عليها حديد وستاير فمكنتش والمكان السكن اللي كنت قاعدة فيه ما كنش فيه شبابيك , الأوضة اللي فيها شباك كانت مقفولة بالمفتاح ,

غير لما فوجئت بقا إن في زيطة في الشارع طبعا أنا عايزة أشوف إيه اللي بيحصل تحت .. مش عارفةالمذيع :انت كنتِ قبلها اتصلتِ كنت قلتيلي اتصلتِ بــــ ..عبير: أيوة انا اتصلت بياسين ثابت قلت له أنا في المكان الفلاني ان أنا عايزة ارجعلك وعايزة أكون معاك بناء على طلبي لي ,

فهو راح كلم رئيس وحدة مباحث الجنائية ورئيس وحدة مباحث الجنائية طبعاً اتصل بيا وقاللي أنا في الإسماعيلية فأنا فتحت عليه وكانت الراهبة عمال تزعق معاية وتقول لي خذي هدومك وامشي إحنا بُرءة من دمك واطلعي للشارع وسابتني ...المذيع: انت كنت سامعة كان ساعتها في ضرب نار او حاجة زى كده ولا كان لسة في زيطة وخلاص ..عبير: لأ كان لسة مافيش أي حاجة بس أنا لما نزلت في الشارع كان في شوشرة جامدة في الشارع وزيطة ناس لكن ما شفتش ضرب نار أيوة قالتلي انت تطلعي عشان بعد 5 ثواني مش هنقدر نطلعك , في الوقت داهوت كان بيرن علي ظابط مباحث أمن الدولة فأنا فتحت فبيقولي يا ماما أنا رئيس مباحث أمن الدولة انتي فين؟ أنا ما عرفتش أرد عليه طبعاً لأني في الشارع ومرتبكة مش عارفة إيه اللي حيحصلي ولا ايه مصيري فقفلت التليفون ما اقدرتش أرد عليه , فكل اللي قدرت أعمله طبعاً أنا طالعة من البيت وطالعة كدا على غفلة مش عارفة انا طالعة أعمل ايه ولا هتصرف إزاي مش عارفة والشوارع كلها ناس وشوشرة جامد ومعاية طفلة صغيرة وحاجتي فكل اللي قدرت أعمله إني اوقف تكتك وركبت ومشيت وبعد كدا هوت أنا أقدم استغاثة أو بطلب من اللي هما الرؤساء واللي هم رجال القضاء عامة سواء أقباط سواء يعني مسيحيين أو مسلمين أنا بقدم ليهم الرسالة دي خاصة المشير طنطاوي واللواء أركان حرب اللي هو سامي عنان والدكتور عصام شريف اللي هو رئيس وزراء وجميع المسلمين والمسلمات والإعلاميين إنهم يقفوا معاية طبعا وأنا مش ذنبي إني كنت في الكنيسة أو الحوارات اللي حصلت دي كلها الإخوة اللي هم اتصابوا والإخوة اللي هما اتوفوا واللي هم مسجونين أنا بطلب استغاثة من اللي هما اللي هما بتوع الـ .. المباحث الجنائية والقضاء , معروفة طبعا ان الحكومة عادلة طبعا وأنا بوجه ليهم رسالة دي أن يشوفوا الحق فين , يعني , وأنا فعلا كنت في البيت داهوة تبع الكنيسة والكنيسة دلوقت داهوت تخلت عني ومشيتني يعني الكلام دا مش كذب الكلام دا فعلا حاصل شوشرة هما مشوني في الشارع وأنا بتمنى الإخوة اللي هما مسجونيين يطلعوا والإخوة اللي هما المتصابيين ربنا يرفع عنهم إن شاء الله وربنا يرحم اللي هم اتوفوا المذيع: في رسالة توجيهيها لحد تانيعبير: لا بتمنى .. يعني بأقدم رسالة لأبونا ابانوب وطبعا البابا شنودة ان أنا خلاص إعتنقت الدين الاسلامي وعايزة أعيش حياتي ما حدش بقى يدور علي وراية ويسيبوني بقى أعيش حياتي وأربي بنتي واستقر زي أي واحدة وبشكركم وبتمنى انكم تقفوا جنبي وتسمعوا صوتي ودايما اسمع صوتكم حواليا .. شكرا