تحديث لنظام تقييم المشاركات بالمنتدى Reputation System

[عاشق الصداقه 525]

السلام عليكم ورحمة الله وبركاته

 

أعضاء ورواد منتديات ياللا يا شباب

 

نحيطكم علماً أنه قد تم تغيير بسيط فى نظام تقييم المشاركات والموضوعات

 

حيث كان قبل ذلك بإمكانكم تقييم الموضوعات ،، وكل موضوع يأخذ نقاط تميز تمنح للعضو على موضوعه أو رده الذى قيمه به غيره

 

وقد رأينا عند تفعيل هذا النظام بالمنتدى أن ثمة ظلم قد يحدث ،، فقد كان متاحاً فى البدايه أن يقوم الشخص بتقييم موضوعه او مشاركته (مثل زر أعجبنى فى فيس بوك لمشاركتك هناك) كما يستطيع تقييم الآخرين

 

ووجدنا أن الكثيرين لا يعرفون شيئاً عن نظام التقييم هذا ،، وبهذه الطريقه سنجد أشخاص بأعلى التقييمات - ربما لتقييم انفسهم كذلك فقط ،، ونجد أعضاء آخرين لا يستخدمون الطريقه ولا يعرفونها ولا يمتلكون نقاط تقييم

 

فقمنا بإلغاء خاصية أن يستطيع العضو تقييم مشاركاته ،، وفقط منحنا إمكانية ان يقوم الغير بتقييمك لمره واحده فى كل موضوع او رد لك

 

التحديث الجديد الآن أنه بات بإمكان الجميع مشاهدة (من قام بتقييمك فى هذه المشاركة) ،، فبالضغط على عدد مرات التقييم تستطيع ان تشاهد من من الأعضاء قام بتقييم موضوعك هذا على كونه مميز ،، أى من يشكرك على موضوعك ويقدر مجهودك فيه وروعته ،، كذلك من يعجب بآراءك وردوك على الموضوعات فى حالة تقييم ردودك - كذلك تساعد هذه الإضافه على كشف التقييمات المزيفه لتجنبها من أجل إستفاده أفضل لهذه الميزه الجميله بشكل عادل

 

 

وكل هذا ستنال به نقاط تقييم تظهر فى ملفك الشخصى ،، ولها مميزات أخرى لاحقاً بإذن الله

 

أخيراً - نرجو أن نقدم لكم الأفضل دائماً

 

وجزاكم الله خيراً - والسلام عليكم ورحمة الله وبركاته

[ابن تيميــــة 158]

تسلم حبيبي الغالي احمد

 

انا مقدر مجهودك وتعبك في المنتدي

 

ربنا يجعله في ميزان حسناتك

 

وكمان عايز اقولك حاجه مهمه اوي

 

وحشتني ياغالي اتمني تكون بخير ونلاقي وقت فاضي نتكلم فيه شويه

 

بس انت عارف بقي اخوك سلفي

 

وبيواجه هجوم عنيف تعرف انا لدرجه ان واحد قالي تعالي نصطاد سمك

 

قلتله لالالالالالالالالالالالالالالالا

 

يرجعوا يقولوا السلفيين حتي السمك في اعماق البحار مسلمش منهم

 

 

هههههههههههههههههههههه خلاص قربت اتجنن

 

دمت في حفظ وطاعه الرحمن ياغالي

[دعوه للجنه 457]

جميـــــــــــــــــــل ماشاء الله

 

 

وخصوصا فى ناس بنلاقيها بتتطلع فى التقيم من غير ما نلاحظ حتى حد يرد على موضوعاتها ولا يقول تم التقيم لا ده مش ليها ردود اصلا

 

 

جزيت خيرا أخى وان شاء الله التطوير ديما فى ميزان حسنات حضرتك

 

وبانتظار المزيد دومًا

 

تحياتى واحترامى ............

[ali desoky 391]

طبعا تطوير جميل جدا وليه فوائد كتير طبعا

 

وعلشان عجبني الموضوع انا قيمتهولك اهو

 

ربنا يكرمك ويوفقك يا حبيبي

ويجعل جيمع اعمالك في ميزان حسناتك

ان شاء الله

[Dr.A7MD 130]

تسلم يا كبير على التحديث

 

التحديث الجديد الآن أنه بات بإمكان الجميع مشاهدة (من قام بتقييمك فى هذه المشاركة)

 

بصراحة حاجة كانت المفروض تحصل من الأول ومكنتش عارف ليه مكنتش متاحة من الأول !!

 

بس حابب أقول رأيى فى نظام التقييم بشكل صريح جداً وبكلمات مختصرة بس ليها دلالة بعون الله

 

- هو احنا بنقيم موضوعات ومشاركات ولا بنقيم أعضاء !!! ،،، ولو بنقيم موضوعات يبقى من الإنصاف إن التقييم يكون متاح بنوعيه ( الإيجابى والسلبى ) ،،، مدام طرحنا إننا نبين التقييمات الإيجابية يبقى من الإنصاف كمان إن التقييم السلبى يكون متاح زى ما كان موجود زمان قبل إلغاءه عشان يبقى فى إنصاف بجد

 

- لو كنا بنقيم أعضاء ،،، فيا ترى احنا بنقيم على أساس ايه بالظبط !!! ،،، كون إن الموضوع عجبنى فهل ده معناه أن العضو يستاهل التقييم على موضوعه !!!

 

- منعمل زر اسمه اعجبنى ( للموضوع وليس العضو ) ونخلص من الموال ده ،،، ويبقى تقييم الأعضاء له سيستم تانى عادل ومنصف سواء للناس السابقين بتوع زمان والناس الحاليين فى ياللا جروب

 

- عندنا أعضاء كتير سواءً ليهم نشاطات دلوقتى أو مش بيدخلوا دلوقتى ,,, ليهم مساهمات وحاجات والله العظيم أحسن من أى حاجة معروضة دلوقتى لا متقيمين ولا واخدين حقهم أصلا ،،، الناس دى مش بتتقيم ليه بأى شكل من الأشكال

 

- مشروعات وموضوعات متعوب عليها من أول مشروع خطوات ورحلات عبد الله عرابى واعمال من الاتيليه وموسوعة اللهجة التونسية ،،، فين الموضوعات دى من التقييم والإبراز !!! ،،، وفين أصحاب الموضوعات دى من التقييم !!!

 

- احنا ماشيين فى محتوى المواضيع بنظام التقدم الأفقى ( زيادة مشاركات ) بدون ما نهتم بالتطور الرأسى ( جودة وتطوير شكل المعروض ) ،،، فياترى احنا بنقيم على أساس الكوبى والبيست !!!

 

- يا ريت يتم إعادة معاينة الموضوعات اللى تستحق التقييم بما يرضى ربنا ( لو كان نظام التقييم الحالى هيفضل على ما هو عليه ) ،،، عشان نشجع كاتبى الموضوعات دى ونشوف أساميها من ضمن الخمسة اللى تحت

 

- لو كان نظام التقييم هيتعدل ،،، يبقى ياريت يتعدل بشكل منصف وعادل ويبقى تقييم الموضوعات جزء من تقييم الأعضاء مش كل حاجة ؛ وجود زر أعجبنى ( للموضوع ) هيحل المعضلة دى ويبقى مثلا مثلا كل 10 أعجبنى لموضوع يمنح للعضو صاحب الموضوع نقطة واحدة فى التقييم ،،، ويبقى باقى تقييم الأعضاء بنظام متعدد الأساليب وببرمجة متعلقة بالجبر والخوارزميات ( لو متاح ده فى برمجة نسخ الاى بى وقابلية تركيب البرمجيات دى عليها ) عشان يبقى النظام منصف بحق مش زى اللى حاصل دلوقتى

 

- لو حابين نشجع الأعضاء على المشاركة والكتابة فى المنتدى ( بعض النظر عن جودة المحتوى والمكتوب ) ،،، ممكن نطور نظام الأوسمة عشان تستوعب أوسمة جديدة ( وسام 500 مشاركة - وسام 1000 - 2000 - 5000 - 10000 - ... إلخ ) ،،، لو الناس فرحانة بكتر مشاركاتها يعنى

 

- فى النهاية ده رأيى يا Boss ،،، النظام الحالى للتقييم غير منصف وظالم بشكل كبير لأنه يخضع للهوى الشخصى قبل أى حاجة ،،، صحيح إن نظام التقييمات ده موجود فى برمجة نسخة الاى بى بديهى يعنى ،،، بس اتحط عشان يتم استخدامه بشكل صحيح من ناس بتعرف تحكم بإنصاف مش بأى حاجة تانية ،،، وأنا من رأيى أن كل صاحب موضوع ناقله من مكان ما بلاش يستعمل كلمة منقول لأن الكلمة دى اسُتهلكت بشكل كبير وبيكون صاحبها معدل على الموضوع بشكل أو بآخر لكن أغلب محتوى موضوعه جايبه من بره ،،، لكن لو كان النظام كوبى وبيست ( نسخ ولصق ) حتى بدون كتابة البسملة فى الأول ،،، فياريت لو يحطوا تحت كل موضوع كلمة كبيرة تحت عنوان كوبى وبيست أو يستعملوا الصورة دى لو مستعجلين

 

 

وممكن كمان يتعمل وسام ويبقى من ضمن الأوسمة المتاحة فى المنتدى ( وسام الكوبى بيست )

 

* أنا من ناحيتى ،،، بعون الله هعيد تقييم بعض الموضوعات والكتابات اللى تستاهل التقييم بحق ربنا لبعض الناس اللى عملت مجهود غير تقليدى فى المنتدى عشان نكسر احتكار خمس أسماء فقط لأعلى تقييمات فى المنتدى ،،، ولو إنى من رأيى ان نظام التقييم الحالى يتم نسفه تماماً ويعاد إعداد واحد جديد منصف لا يخضع لأهواء أو ميول شخصية ويبقى تقييم الموضوعات بعيد عن تقييم الأعضاء ،،، والحكايه دى مش هنخترع فيها الذرة ،،، دى ليها سوابق فى كتير من المواقع والمنتديات الكبيرة

 

<< عاوز تطور ياللا يا شباب بجد ،،، لازمك عدل وإنصاف وحلول غير تقليدية >>

 

تحياتى ليك يا Boss

 

[عاشق الصداقه 525]

جزاكم الله جميعاً كل الخير

ونرجو الله ان تنال تطويرات المنتدى رضاكم دائماً

 

بخصوص تعليق أخى الفاضل Dr.A7md ،، فبارك الله فيك لإبداء رأيك ،، ولدينا ملحوظه هامه جداً

 

وممكن كمان يتعمل وسام ويبقى من ضمن الأوسمة المتاحة فى المنتدى ( وسام الكوبى بيست )

 

من قوانين المنتدى أخى الفاضل عدم الإستهزاء بالآخرين ،، وفى عبارتك هذه إستهزاء بناقلى الموضوعات بل وبالنظام الإدارى

فضلاً - ان كان لديك اقتراح نرجو التقدم به فى منتدى الشكاوى والاقتراحات فهو القسم المعد لذلك ،، ونرجو عدم التجريح بقصد أو بدون قصد فى أحد فليس لعضو هنا أياً كانت درجته هذا الحق

أردت التنويه ولفت النظر لأن إدارة المنتدى لن تسمح بمثل هذه الطريقه فى النقد أياً كان غرضها ،، وللمنتدى شروط وقوانين تحكمه على الجميع الإلتزام بها ولن نتهاون فى ذلك بإذن الله لنحفظ للجميع كرامته وإحترامه

 

الأمر الآخر والمتعلق بنظام تقييم الموضوعات ،، فهذا هو النظام المعد فى المنتدى لأهداف معينه وللتشجيع والتحفيذ ،، والأمر لا يخص الإداره وتقييم الاداره للأعضاء ولا الموضوعات - بل هو تماماً كزر أعجبنى فى فيس بوك للحالات أو الميديا ،، وللتعليقات عليها ،، وكذلك الحال هنا - التقييم للموضوع وللتعليقات وبالإيجاب فقط والمقصود منه مثلما يقصد بزر أعجبنى ولكن بشكل داخلى له فوائده وتطويراته الخاصه ،، وليس فى هذا أى ظلم لأحد ،، فالذى يقوم بالتقييم هم الأعضاء وللأعضاء ،، بل ولا يمكن لأحد تقييم موضوعاته او ردوده - بل موضوعات الآخرين وردودهم ،،

الأمر الذى ربما يجعل هناك نوعاً ما من عدم الاتزان هو عدمم عرفة بعض الأعضاء بهذه الخاصيه او بفكرة التقييم وكيفيتها و .... ،، وكان مما فعلنا للتغلب على هذه المشكله أن قمنا بتصميم صورة واضحه توضح بشكل كبير لأى عضو أن هذا الزر لتقييم المشاركه ،، كما وضحنا الخاصيه بهذا الموضوع لجميع المتابعين ،، وللجميع حق تقييم الموضوعات بما يرونه عادلاً أو بما يرون أنه افادهم سواء كان موضوعاً قديماً أم حديثاً ،، وليس فى ذلك شائبة بإذن الله وهو أمر عام تطبقه أغلب المنتديات وجزاكم الله خيراً للإقتراح ولتكن الاقتراحات فى مكانها الصحيح فى المنتدى فيما بعد .

 

بارك الله فيكم وحفظكم

[Dr.A7MD 130]

أخى الفاضل عاشق الصداقه

 

جزيل الشكر لك ولردك ،،، بس اسمحلى اوضح بعض الحاجات البسيطة

 

قرأت الموضوع والإعلان ده على ما أعتقد أول واحد ،،، وكنت ناوى أرد عليه بنفس الرد قبل أى رد حد لكن صفحات المنتدى كانت تفتح معاى بعد ساعات

 

دى حاجة حبيت أوضحها عشان محدش يبقى فاكر إنى بقصد شخص معين بكلامى والله وحده يشهد على صدق كلامى

 

وممكن كمان يتعمل وسام ويبقى من ضمن الأوسمة المتاحة فى المنتدى ( وسام الكوبى بيست )

 

من قوانين المنتدى أخى الفاضل عدم الإستهزاء بالآخرين ،، وفى عبارتك هذه إستهزاء بناقلى الموضوعات بل وبالنظام الإدارى

 

أردت التنويه ولفت النظر لأن إدارة المنتدى لن تسمح بمثل هذه الطريقه فى النقد أياً كان غرضها ،، وللمنتدى شروط وقوانين تحكمه على الجميع الإلتزام بها ولن نتهاون فى ذلك بإذن الله لنحفظ للجميع كرامته وإحترامه

 

أخى الفاضل ،،، أنا من أكتر الناس اللى بتحترم أعضاء المنتدى وإدارته

 

وده مش محتاج إنى أثبته ،،، لكن على حد علمى أنا تكلمت بكل احترام وإجلال عن المنتدى وكل اللى فيه سواء أعضاء أو إدارة ،،، ولا اتكلمت عشان غرض ما أو طمعان فى حاجة مثلاً ،،، ربنا وحده يعلم نيتى

 

وممكن تتأكد من كلامى فى الموضوع ده http://forums.yallagroup.net/49184

 

ولما بقول رأيى مش بقصد بيه شخص معين ولا ناس فى فريق الإدارة ولا حاجة من دى

 

للمرة الألف بقول وقلتها أكتر من مرة فى أكتر من مكان ،،، لما بنقد حاجة بنقد بكل أدب واحترام توجه معين أو سلوك معين بدون ذكر أسماء ولا حتى الإلماح من قريب أو بعيد

 

وبعدين ايه يعنى وسام كوبى بيست !! - فيها ايه الكلمة دى تزعل حد

 

كلنا بما فيهم أنا وانت وأعضاء وفريق ادارى وكل الناس بتعمل كوبى بيست بإختلاف الكمية والإستمرارية

 

هى كلمة وسام الكوبى بيست بقت شتيمة ولا ايه !!!

 

النقد كان موجه للتوجه ذات نفسه ،،، لا لشخص ولا لمجموعة أشخاص ،،، يتاخد الكلام على أساس انه استهزاء أو تسليط ضوء على فكرة معينه أو تلميح لتوجه معين ،،، ده كله على حسب الدماغ اللى بتفسر الكلام ،،، مليش دعوه بيه

 

زى بالظبط لما يطلع خبر يتقال فيه أن الإعلام يوجه الاتهام للسلفيين فى حاجة معينه ،،، لما حضرتك أو غيرك يرد على الموضوع سواء فيه أو فى أى وقت تانى بطريقة خارجة عن النص وبشكل فكاهى الغرض منه الرد على الإعلام ،،، هل دلوقتى أنا بستهزأ بشخص معين أو مجموعة أشخاص ولا بنتقد توجه الإعلام بشكل عام !!!

 

مع فارق القياس بين اللى قلت واللى بيعمله الإعلام ؛ بس الفكرة واحدة

 

كل اللى قلته أنا مقتنع بيه تماماً وفى رأيى هو التوصيف الدقيق بدون سب أو شتم أو استهزاء بحد أو مجموعة ،،، وليك إنك تراجع كل تصرفاتى مع كل الناس فى المنتدى سواء اللى عرفاها الناس أو ميعرفهاش غيرك

 

إنما الأعمال بالنيات

 

دع الحكم على النوايا لرب الخلائق ،،، فربى وربك وربكم هو خلق ويعلم سريرة من خلق

 

دمتم فى حفظ الله وأمنه وهداكم إلى ما فيه صلاحكم ورشدكم

تم تعديل May 20, 2011 بواسطه Dr.A7MD