كلاسيك ومودرن.... كلاكيت تاني مرة

[بنت مصرية 66]

هو ايه يابنت يامصرية ؟؟

مش وراكي حاجة غير الكلاسيك والمعاصر

تعبتينا هو مافيش غيرهم خالص

 

معلش ياجماعة

بس هو الموضوع مش كدا خالص ده هو مهم جدا ويمكن اساس الديكور كله

 

الموضوع اللي فات الرام وفت وكفت وقالت كل حاجة بخصوص المصطلحات دي وفهمتنا كمان

الفرق بينهم

 

امال انتي بقي جايه تعملي ايه

 

موضوع الرام ماينفعش تتضاف عليه حاجة

لكن انا بس هقول حتة صغيرة مهمة هنبني عليها كل كلامنا بعد كدا في موضوعتنا الجاية

 

انا بس هقلكم اصل انواع الاثاث دول وليه التركيز القوي اللي عليهم ده

 

اولا الكلاسيك

 

الكلاسيك من اسمه هو الاثاث التقليدي ليه صبغه معينه بتميزه عن اي اثاث

الاثاث ده ياجماعة اصلا كانت بدايه في اوربا وبالتحديد انجلترا وفرنسا

وعشان كدا حتي نلاقي ان المسمي التاني للاثاث الكلاسيك الاثاث الفيكتوري

بسبب النقوش الكتير اللي فيه

طبعا من زمان جدا حتي من ايام الفراعنه الناس الي كان عندهم اثاث في بيتهم دول هما النبلاء والاغنياء

والاثاث الكلاسيكي اثاث صنع ليدل علي الفخامة والرقي مليء بالنقوش والزخارف

بيعتمد علي عناصر الديكور فيه الي النجف وخصوصا الضخم منه والمليء بالكريستال

السجاد المنقوش والمزخرف الخشب اللي بيحمل الطابع المقوس وبروز حواف الاثاث

الستائر الفخمة والمشغولة واشهر اشكالها شكل التاج برسوماته المختلفة

يغلب عليه الالوان الترابيه والغوامق بشكل عام

زي ان السرير يكون ليه ظهر كبير ومشغول وكمان حته كدا اللي بتكون عند موضوع القدم

بتكون اضغر ولكن بارزة برضوا وهكذا

الاثاث ده ظهر في مختلف انحاء العالم وانتشر جدا في مصر

لانها كانت احد بلاد احتلال القوتين دول

ولوجود النبلاء وكبار رجال الدولة فيها واللي كتير منهم يحب يشعر بالفخامة في بيته

الاثاث ده موجود لحد وقتنا ده ومازال يستخدم وموضته مش بتبطل ابدا احنا في بيوتنا

ممكن نلاقيه متواجد واكتر شيء بيمثله في بيوتنا الصالون الغرفه اللي عند السواد الاعظم بتكون كلاسيك

 

 

 

 

 

 

ثانيا الحديث

 

الاثاث الحديث ظهر في اكبر دول العالم ودول الغرب امريكا

طبعا الامريكين معروفين بالشكل النمطي لحجرة المعيشة

المكونة من جهاز التلفزيون ترابيزة صغيرة تعرف بترابيزه القهوة والكنب الامريكي الشهير

اللي بيعتبر اكثر الاريكات راحه وعملية في الاستخدام

بيوت الامريكان المبنية من الخشب جعلت الاثاث نفسه لازم يكون عملي ومش ضخم ولا تقيل

وحياتهم المتحررة وثورة الانفتاح الي قادوها في العالم

ادت لظهور الاثاث الحديث او المودرن كما يطلق عليه

فظهر الاثاث ده كنوع من التمرد علي الاسلوب الملكي في فرش المنزل

واظهار نوع من الحرية والشعور بالبساطة والاناقة الغير متكلفة

طبعا الاثاث ده اختفت فيه الزخارف الكتير ومكانها زخارف مميزة وبسيطة

بتعتمد بشكل اكبار علي الاشكال الهندسيه ووالتمويجات الالوان بقت افتح ومافيش اي خوف

في استخدام الالوان او الانفتاح فيها الي حد كبير

البساطة والاناقه استغلال المساحة كويس جدا ودي من اهم مميزاته

 

 

 

 

ثالثا المعاصر

وده اخو المودرن بالضبط زي مالرام قلتلنا قبل كدا

ولكن الاثاث ده ظهر تاكيد علي نظرية الحرية والانفتاح اكثر

وطبعا تقاليع الامريكان الشقق الحديثة عندهم هناك بتكون زي غرفة واحدة كبيرة جدا

حته واحده مافيش حيطان كله مفتوح علي بعضه الا الحمام

فابتدا يظهر الاثاث ده لفرش الاماكن دي والتاكيد علي فكرة التواحد اللي موجودة فيها

طبعا هو قريب جدا من المودرن

لكنه صارخ جدا في الوانه وتصميماته

استغلال المساحه كبير جدا فيه يعني تاديه الغرض باناقه

هذا النوع من الاثاث الي حد ما ماينفعش عندنا في بلادنا العربية

بسب عدم وجود مساحات تتماشي مع افكاره

الا بعض الافكار اللي ممكن تتاخد منه وطبعا وكل واحد وذوقه

من احلي افكار الاثاث ده فكره المطبخ المفتوح خالص

تلاقي الممطبخ في قلب الصاله كدا ولا حتي نظام الشباك الامريكي

لا بيكون فيه ترابيزشبه السفرة لانها اصلا بتكون قطعة من باقي اثاث المطبخ هو غريب شوبة

لكن شكله حلو وبينفع برضوا

 

 

 

 

 

معلومات

طيب بعد الكلام ده ياتري مين احسن

طبعا زي ماقلتلكم مافيش حاجة احسن واوحش

الاثاث والديكور اذواق مالوش دعوة باي حاجة تاني

لدرجة ان موضة السنة دي

هي خليط مابين الكلاسيك والمودرن

وده كله بسبب اتجاهات العملاء وان اصلا الكلاسيك مش بيبطل والمودرن دلوقت الاتجاه ليه بقي واسع جدا

بس مشكلة المودرن عندنا في مصر انه عالي التكلفة

لان اصلا اساس صناعته برا مصر والموجود في مصر هو الكلاسيك وباحترافيه كمان

نصائح

احسن مكان ممكن تلاقي فيه اثاث مودرن زي ماانتي عايزة محافظة دمايط بلد الاثاث

الا اذا كنتي في مكان تعرفي انه جالري موبليات كبير ويقدر يجيب المودرن اللي انتي عايزه

ممكن تستعيني بمهندس ديكور يتولي هو مهمة انه يجبلك الاثاث اللي انتي عاوزاه وكتير منهم يقدر يعمل ده

لو انتي عروسة جديدة ماتثقيش في كلام حد لو كنتي هتعملي الاثاث عمولة وبالذات لو مودرن حاولي انك تستلمي الاثاث بتاعك

بمده كبيرة قبل فرحك وكمان يكون ليكي نظام في التعامل واضح من الاول

عشان ماتتخميش فيه يوم مايتركب وبتحصل كتير جدا

ماتخافيش انك تحطي مودرن مع كلاسيك في شقتك

لكن لازم تخلي بالك في توزيعهم عشان التناسق في الشكل العام وحاولي تختاري الالوان قريبة من بعض او تمشي مع بعض

 

 

ملحوظة كل المعلومات اللي موجودة في الموضوع وفي السلسلة بشكل عام

زي ماقلت قبل كدا هي اجتهادي الشخصي وليست نقلا عن اي موقع والمعلومات

خاصه بيا برضوا يعني مش من المصدر الفلاني

الرام بتشارك في اعداد السلسلة وهي بحكم دراستها وخبرتها الفنيه مصدر معلومات لوحدها

 

يارب الموضوع يكون عجبكم

واستفدوا منه

واستنونا في موضوع جديد

وياللا نبني بيتنا

 

سبحان الله وبحمد سبحان الله العظيم

لاتنسونا من صالح دعائكم بظهر الغيب