دعوة من القلب

[ابوعمار]

فى البدايه احب اتقدم ليكم بكل الود وبشكر اخى الحبيب احمد عبدالرازق ورفاقه

ولما حبينا نبدا حملة " نادى المتطوعين للتبرع بالدم بقنا" قلنا نبدا بيللا ياشباب لما تحوز به من اهتمام شباب وشابات قنا

ولما حققته من نجاحات فى شتى المجلات فى خدمة بلدنا الغاليه

 

نتعرف بقى :

 

لماذا يجب عليَّ أن أكون متبرعًا بالدم؟

 

- كل ثلاث ثوان هناك شخص يحتاج إلى نقل الدم.

 

- واحد من كل عشرة مرضى يدخلون المستشفى في حاجة إلى نقل الدم.

 

- دمك يمكن أن ينقذ أربعة أشخاص عند فصل مكوناته وليس شخصًا واحدًا.

 

- تعيد عملية التبرع بالدم الحيوية والنشاط للجسم بسبب تجدد خلايا الدم.

 

- يمكن للمتبرع الحصول على نتائج فحوصات المسح الخاصة به، بما فيها فصيلة الدم.

[بنت مصرية]

اهلا وسهلا بك اخي ابو عمار في المنتدي

احنا بالفعل اسسنا النادي ده

في مقر بنك الدم القومي اللي موجود في محافظة قنا

باعتباره الجهة الشريعة لخدمات الدم في مصر في المحافظة

 

وان شاء الله المنتدي هيكون شريك في الحملات الي هتتعمل

والانشط والفعاليات اللي هتتنفذ من خلال النادي

هيكون فيه موضوع مخصوص ومنفصل للإعلان عن الحملات دي

لاي حد يحب يشارك

وجزاك الله خيرا

وجعلنا الله نمشي دائما في الخير واليه

 

[El-Saher Fantasy]

أهلا أستاذ أبو عمار

نورت بيتك الأول على الانترنت ياللا يا شباب

وأتمنى أن يدوم التعاون بين كل من يقدم الخير ويسعى للإفادة

[عاشق الصداقه]

جزاك الله كل الخير حبيبى

ومنور يا دكتور بعد غياب عن بيتك

وبارك الله فيك وجزاك الله كل الخير على المبادره الجميله دى

 

إخوتى فى فريق المنتدى راسلونى بخصوص بنك الدم ونادى المتطوعين ونشر الحمله على المنتدى ووافقت طبعاً ،، وإن شاء الله يعملوا حملة قوية فى المنتدى توصل لكل الناس ،، ويمتد صداها لخارج محافظة قنا ولخارج مصر كمان لتشجيع اخواننا وأخواتنا فى كل العالم العربى والاسلامى على التبرع بالدم لإنقاذ حياة الكثيرين

 

وجزاك الله كل الخير وجعل مجهوداتك فى ميزان حسناتك ولك خالص تحيتى وتقديرى

[ابوعمار]

جزاكم الله خيرا احبتى فى الله

وانا بشكر يا احمد وجعله فى ميزان اعمالكم يوم القيامه

وباذن الله ستقام حفل لاطفال انيميا البحر المتوسط يوم الثلاثاء القادم فى المركز الاقليمى ان شاء الله14/6/2011وبدعوك ي احمد للحضور وانت ولمن يحب من الاخوه الافاضل