ali desoky قام بنشر June 9, 2011 قام بنشر June 9, 2011 (تعديل) فقرة التسالي مع استاذ ليبرالي جلس متجعلصا واضعا رجلا على رجل، ونظر إلى المذيعة نظرة كلها ثقة بالنفس وهو يجاوبها على سؤالها: - " أستاذ ليبرالي .. إيه رأيك فى السلفية؟" - "الفكر السلفي ده دخيل ومستورد من السعودية فعشان كده احنا مش عايزينه" . . . وده على أساس إن الفكر الليبرالي Made in Egypt ومش دخيل علينا من أوروبا وعجبي تم تعديل June 9, 2011 بواسطه ali desoky 1
ali desoky قام بنشر June 9, 2011 الكاتب قام بنشر June 9, 2011 قفز من مقعده حينما سألته المذيعة: "أستاذ ليبرالي .. إيه رأيك في السلفيين؟" وقال: "قلقان منهم .. دول ناس بيدخلوا الدين في السياسة .. وعايزين يوصلوا للحكم" . . وده على أساس إن الليبراليين عايزين يوصلوا أول الكوبري ويركبوا توك توك لحد الموقف
ali desoky قام بنشر June 9, 2011 الكاتب قام بنشر June 9, 2011 قفز مرة أخرى من مقعده حينما سألته المذيعة: "أستاذ ليبرالي .. إيه رأيك فى الدولة الإسلامية؟" وقال: "إسلامية إيه يا ستي ؟!! احنا عايزين دولة مدنية تضمن حقوق الأقليات" . . . وده على أساس إن الليبراليين ما سمعوش إن الهند دولة مدنية وفيها مذابح للأقلية المسلمة ليل نهار .. ومدنية الدولة محمتش المسلمين من بطش الأغلبية !!
ali desoky قام بنشر June 9, 2011 الكاتب قام بنشر June 9, 2011 قلب شفتيه فى امتعاض ونفخ فى ضيق حينما سألته المذيعة: - "أستاذ ليبرالي .. إيه رأيك فى الأعمال الخيرية اللى بيقوم بيها السلفيين؟ " وقال: "متاجرة بالدين وآلام الفقراء وخداع للبسطاء، ثم من أين يأتون بالتمويل؟" . . . وده على أساس إن الليبراليين فى كرم حاتم الطائي وكل يوم والتاني نازلين عاملين حملات لخدمة المجتمع ومساعدة الفقراء والمحتاجين وبيشوفوا اللى الناس بتحتاجه وبيوفروه .. وبعدين السؤال المفروض يتوجه لليبراليين: "من أين تأتون بالتمويل لحفلاتكم ومؤتمراتكم فى الفنادق الفخمة؟ ومن أين تأتون بالتمويل اللى مخليكم عايشين فى نغنغة؟" وعلى رأي القذافي: " اللى بيته من زجاج لا يقذف الناس بالحجارة"
مشرفي الأقسام eng_alaa قام بنشر June 10, 2011 مشرفي الأقسام قام بنشر June 10, 2011 بمناسبة فصل الدين عن السياسة ... هو فصل الدين عن السياسة ده بيطبق علي المسلمين بس ولا إيه ؟؟ هو مش قادة الاعتصام بتاع ماسبيرو قساوسة ولا إية ؟!!! ثم إن الليبراليه - من وجهة نظرهم - هي أن تسود الديموقراطية .. طيب مش الديموقراطية قالت إن مجلس الشعب هو المختص بوضع الدستور ... أمال إنتوا بتطالبوا بالديموقراطية وقت ما تحبوا وتيجوا تقولوا لأ للديموقراطية وقت ما تحبوا ؟!!!! سبحان الله عالم غريييييييييييييب ...
Recommended Posts
انشئ حساب جديد او قم بتسجيل دخولك لتتمكن من اضافه تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديد♥ تسجيل دخول ♥
هل تمتلك حساب بالفعل ؟ سجل دخولك من هنا.
♥ سجل دخولك الان ♥