انتى متجوزتيشي!! ولسة ليكى نفس تعيشي ؟؟؟؟؟؟؟؟؟؟؟؟

[بسمة الاقصى 78]

 

زووووووووم على قلبك ,,

لبسنا النضارة اللى فوق مغناطسية

عشان نقرب من قلوب البنات

ونشوف فيها ايه ؟؟!

ودخلنا على قلب بنوتة قاعدة فى حجرتها بتكلم نفسها

ياترى ليه

دخلنا زوووووووووووم وعملنا بلاى باك طلعت انها راجعة من فرح

يعنى المفروض تكون فرحانه ومزأططه اومال ايه اللى حصل؟

مش حزينة كده ... بينا نعرف مع بعض حكايتها ونكمل معاها نهايتها

 

 

سهام فى فرح احدى صديقتها

ام صديقتها : ايه القمر ده ياسوسو عقبالك يارب

سهام : شكرا ياطنط ربنا يتم لصفاء على خير

( عادى مجاملة بسيطة من مامة صاحبتى )

والدة صحبتها التانية : ايه ياسهام مفيش جديد عايزين نفرح بيكى بــــــقى

( إحم إحم ركزوا على بقى )

والدة صديقتها التالتة : ياسوسو كفاية عليكى كده عايزين نفرح بيكى يبنتى

( لا لا زودتيها ياسهام كل ده قاعده بدون جواز بتهرجى اكيد اكيد

واحدة من اقارب العروسة جلست بجانب سهام ووالدتها

وده من حظ سهام الاســ... مر نمشيها اسمر

انتى بقى من قرايب العريس

سهام :لا ياطنط انا صاحبة صفاء

والله يعنى معاها بقى من زمان ومتجوزة ولا لسة

سهام : لا ياطنط لســــه

الأخت القريبة : طيب ليه ياحبيبتى مش تفرحى والدتك بقى اكييد ماما نفسها تفرح بيكى صح ولا لأ ياحجة

الحجة ام سهام : ايه .. اه صح نفسي

الاخت : إن شاء الله السنة الجاية نحضر فرحك ياسهام

انتى بتشتغلى

سهام : لا ياطنط للأسف مش لاقيه شغل

الاخت القريبة

الام : بقولها كده والله على طول انتى محدش بيشوفك هتتخطبى ازاى

على اعتبار إن سهام بضاعة لازم تنشاف الله اومال هتتباع ازاى.. قصدى تتجوز ازاى

الاخت القريبة:

انا بنتى كانت زيك كده مقفلة على نفسها قولتلها لا كده مش هينفع

 

انزلى روحى فى النادى مع بنات خالتك وانزلى روحى عند عماتك فى الرحلات اللى بيروحوها

 

روحى فى كل مكان كده هتقعديلي ( العبارة الشهيرة لدى بعض الامهات)

 

والحمد لله البنت اتخطبت

 

 

 

سهام : مين ياطنط

 

 

: ابن عمتها

سهام فى سرها : لا تعليـــــــــــــــــــــق

 

يعنى خرجت فى كل مكان واهه اتشافت ده الاعمى شافها من كتر ما بتنزل وفى الاخر عشان نصيبها ابن عمها اتخطبتله ومنفعهاش النزول اللى بسبب ومن غير سبب يالا ماعلينا

 

 

 

 

 

 

يتبع إن شاء الله لو عجبكم

 

 

بالله عليكم يا بنات مش معظمنا إلم يكن كلنا بيحصل معانا كده

 

أنا شخصياً قريب حصل كان عندنا فرح بنت خالتى والفرح مختلط وفيه أغانى وانا اعتزلت الأفراح دى ولله الحمد فبنت عمى ومرات عمى

 

بتقولى إزاى فرح بنت خالتك مش تروحى ويعدين اللى عاوزة تتجوز لازم تروح الأفراح (علشان يعنى تبقى فرجة لكل من هب ودب )

 

قلتلهم لا هى مش بتيجى كده

تم تعديل June 16, 2011 بواسطه بسمة الاقصى

[لامار 94]

بارك الله فيك

[بسمة الاقصى 78]

بارك الله فيك

 

وفيكِ بارك الله غاليتى لمـــــــار

ذكرتينى بتكملة الموضوع جزاكِ الله خيراً

فاصل ونواصل إن شاء اللــــــه مع الحلقة التانية

[نـــــــــــور 199]

[فراشة 8]

جميل اوي الموضوع دة والله ربنا يبارك فيكي

والله شوقتيني يلا

عوزين الحلقة التانية

عوزين الحلقة التانية

عوزين الحلقة التانية

في انتظارهااااااااااااااااااااااا

[بسمة الاقصى 78]

جميل اوي الموضوع دة والله ربنا يبارك فيكي

والله شوقتيني يلا

عوزين الحلقة التانية

عوزين الحلقة التانية

عوزين الحلقة التانية

في انتظارهااااااااااااااااااااااا

 

ويبارك فيكى فراشتـــــــــــــى

طيب حاضر حاضر بس ما تزنيش

[بسمة الاقصى 78]

 

 

 

وجزاكم نــــــــــــــــــــــــور

[بسمة الاقصى 78]

وتوالت العبارة المحببة للجمهور فى كل مكان وكل اللى يشوف سهام يديها النظرة المتينة

نظرة الشفقة وتنظلق عبارة واحدة من افواههن عقبالك , عقبالك , عقبالك

حتى تمنت سهام أن تصرخ بوجهم اتركونى وحالى انا حرة اتجوز وقت مااحب

وعادت إلى بيتها تنظر إلى غرفتها وإلى نفسها فى المرايه

معقووول هو انا عشان خلاص اتخرجت وعديت ا ال25 سنة يبقى جار عليا الزمن وقطر الجواز فاتنى وداس عليا مرتين

ايه التفكير ده

سهام محدثة نفسها : لا ياسهام متسمعيش كلام حد انا مش مجبرة انى اتجوز حد مش ملتزم عشان ارضي الناس

مش مجبرة اتجوز واحد بس عشان يبقى اسمي متجوزة

انا لو عاوزة اتجوز كنت واقفت على اول واحد اتقدملى اللى كان مبيصليش حتى

لكن لا وألف لا طبعاً

سهام محدثة نفسها : طيب ماافرض وصلت لل 30 اكيد فرصى هتقل

لا ايه الهبل اللى انا بقوله ده انا هرفع راية الاستسلام للتفكير ده

وبعدين هو يعنى ربنا شايلى نصيبى عنده مثلاً عنده سن معين وبيشتغل فى وظيفة معينة واخلاقه حلوة وملتزم ده لو اتجوزت24 25 سنة كده اما لو وصلت لل 30 هيروح الشخص ده عقاباً ليا اصلى مااتجوزتش لسه وربنا يدينى واحد مكانه مواصفاته اقل

 

لا طبعاً هو انسان واحد ربنا خالقه بأسمى

وصلت ل30 صغرت ل 20 وصلت لاى سن ربنا شايله ليا بأسمى انا من زمان

اما مواصفاته دى فلو رضيت بنصيبك يارب ومقعدتش اقول اشمعنى فلانة اتجوزت واشمعنى انا لا واشمعنى

وسلمت امورى لله هو اللى مدبرها وحفظت على نفسي مكلمتش ولاد بنية الاقى نصى التانى

ولا اختلطت اختلاطات محرمة عشان اتشاف بصيغة طنط وماما

اكيد ربنا هيديلى واحد يناسبنى ويفرحنى

وبعدين ايه الكلام الهايف ده

ايه يعيينى لسه متجوزتيش يعيينى وحتى لو اتجوزت لو أتأخرت فى الخلفة

يعيينى لسة مخلفتش

 

الناس عمرها ماهتسبنى فى حالى وهو انا بمجرد انى مش متجوزة او مش مخلفة يبقى انا المفروض من الناس اللى محتاجة شفقة او تضرب رمياً بالرصاص مانا مليش لازمة بقة

 

ده قدر -- ياللى عقولكم توقفت عن التفكير

لما ربنا يقدر لى الجواز هتجوز.. غير كده دى حاجة بتاعت ربنا

وبعدين مش معنى انى مش متجوزة يبقى مليش لازمة فى الحياة

لما ببر امى وابويا يبقى انا عايشة

 

 

 

لما بساعد محتاج وامد له الخير يبقى انا عايشة احسن عيشة

لما اقوم الاقى نفسي بكامل صحتى وغيرى فى المستشفيات بيموت من كتر الالم يبقى انا الحمد لله عايشة افضل عيشة

لما اروح أقرأ واحفظ قراءن يبقى انا بجد بجد عايشة اكتر من ناس كتيرة

لما أسيب الأختلاط واتغلب على شهواتى والكلام اللى مبيجبش لقدام وانزلى واختلطى عشان تتجوزى لما اسيب كل ده بإارادتى

يبقى انا بجد بجد عايشة بدماغى انا وبحب ربنا ليااا

وغيره وغيره

 

وفجأة اتعدلت سهام من قعدتها ووقفت وقالت بكل فخر وقوة ~

لما يجليى نصيبى هتجوز

ومش هتنازل عن حسن الخلق والدين مهما مر الزمن بي وظنى مش هيخيب ابداً

لإن ربي حبيب قلبى خزائنة مليانة هدعيه وكلي يقين أنه هيستجيب لي

وإن شاء الله مش هيخلف ظنى

وعلت سهام صوتها وقالت

انا عمرى ماهكون من الناس اللى بتموت نفسها من الحزن والأكتئاب عشان لسه مااتجوزتش او عشان للأسف معندهاش يقين فى ربنا بإن نصيبها هو نصيبها مهما مر بيها الزمن قل أو كثُر

انا عايشة بجد الحمد لله

أنا عاااااااااايشة وممتش عشان لسة متجوزتش