دعوه للجنه قام بنشر June 27, 2011 قام بنشر June 27, 2011 قولى بتستفيـــــد ايه ؟؟؟؟؟ عايز اعرف اللي بيحط فيديو كليب في بروفايله أو ع اليوتيوب بيستفيد ايه ؟ بيتقال عليه روش يعني والا كول والا واد رومانتك ؟! طيب واتقال وبعدين يعني ؟! ايه حصل لو انت محطتش الكليب أو الأغنية أو صورة البنت العسولة اللي شكلها رومانسي ! ولا هيحصل حاجة ! طيب ايه بقى اللي هيحصل لو انت حطيتها ! تعالوا كدا نحسبها بالأرقام ! تخيل مثلا لو 100 شخص بس سمعوا السونجاية اللي انت حاطيتها ! 100 بس مش هنقول الف والا عشرة والا مليون زي ما بنشوف ! 100 واحد شافها عن طريقك ! تخيل الاغنية فيها 100 كلمة بس ! يعني لو افترضنا ان كل واحد سمعها مرة واحدة ! وكل كلمة هيسمعها سيئة واحدة بس ! 100 × 100 يبقى انت من كليب واحد أخدت 10000 سيئة في الهوا ! لا تخيل بقى معايا كمان ان واحد حملها ! واللي حملها ده سمعها مرة واتنين وعشرة وعملها سي دي ومشى يسمعها في العربية وبعدين وزع السيدي والسيدي وزعه وهكذا و واحد من اللي خد السونجاية رفعها ع الفيس بوك او منتدى ! تخيل ان كل ده في ميزان سيئاتك وانت نايم ولا داري ! واحد هيقولي يا عم روق كدا وخليك فريش وبلاش تعمل لنا فيها شيخ ! القضية مش قضية شيخ ولا يحزنون ! القضية قضية عقل شوية احسبها او احسبيها وقوليلي لو طلعتم بنتيجة غير دي تخيل انك مت دلوقتي بكرة بعد شهر ! وفضلت صفحة الفيس بتاعتك مفتوحة ! تخيل هتكون ميت ! وكل واحد يسمع انت بتاخد سيئات ! يعني بالبلدي كدا انت لو سمعت اغاني مع نفسك هنقول ماشي سيئاتك هتتوقف اما هتموت ! انما ليه ذنوبك دي تتعدى لغيرك ! يعني مين عاقل يضيع دنيته علشان دنيا غيره ؟! انت بتبسطهم وبيقولوا عليك الواد والا البنوتة الرومانسية ! وانت اللي بتتحرق بعد كدا بذنوبك ! شوية عقل بس ! يا عم ماهو الله غفور رحييم ! ايوة ونعم بالله ، الله سبحانه وتعالى غفور رحيم ! والله أيضا شديد العقاب ! القضية مش بنحكم عليها بميزان ولا تقربوا الصلاة ! ويجي واحد يقولنا قرآنكم بيقول بلاش صلاة ! نقول له لأ يا حبيبي كمل الآية الآية بتقول ولا تقربوا الصلاة وأنتم سكارى ! يا شباب الفيس ، يا بنات الفيس .. يا شباب النت عموما بلااش الذنوب المتعدية دي ! والله أسعد شخص اللي يموت وذنوبه تتوقف عند موته مش يكون ميت وعدد سيئاته شغال ! طيب تخيل بقى لو انت ع النقيض وبتوزع روابط فيها خير .. هتموت وعدد حسناتك هيكون شغال من غير تعب منك ! فكر كدا واحسبها انت .. وقوليلي بجد اللي بينشر فيلم أو فيديو كليب أو اغنية أو حتى صورة بنت بيستفيد ايه ؟! مستني اجابتكم
نـــــــــــور قام بنشر June 27, 2011 قام بنشر June 27, 2011 طبعا ما بيستفيد اى شىء لكن بيخسر ذى ما قلتى حبيبتى دعوة للجنة يبقى انت من كليب واحد أخدت 10000 سيئة جزاكى الله خير واسكنكى الفردوس الاعلا اختى دعوة للجنة
دعوه للجنه قام بنشر June 27, 2011 الكاتب قام بنشر June 27, 2011 طبعا ما بيستفيد اى شىء لكن بيخسر ذى ما قلتى حبيبتى دعوة للجنة جزاكى الله خير واسكنكى الفردوس الاعلا اختى دعوة للجنة جزانا واياكى سكرتى........ اشكر مرورك الطيب......
Recommended Posts
انشئ حساب جديد او قم بتسجيل دخولك لتتمكن من اضافه تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديد♥ تسجيل دخول ♥
هل تمتلك حساب بالفعل ؟ سجل دخولك من هنا.
♥ سجل دخولك الان ♥