تبيع حته من جسمك

[زمردة]

تجارة الاعضاء عنوان كبير يطاردنا كالشبح الغني ما يكفية ذل الفقير لا بل يتاجر باعضائه ايضا يشتريها باموالها وليته يشتريها برغبة صاحبها بل رغما عنه فيدخل الفرد المستشفي لعمل جراحة بسيطة ثم يخرج ليكتشف ان جزء من جسمه غير موجود قد سرق منه لذلك عندي سؤال لكل الناس هل توافق علي بيع جزء من جسمك وان وفقت تبيعه بكام

[eng_alaa]

هل توافق علي بيع جزء من جسمك وان وافقت تبيعه بكام

 

هههههههههه .. طب ممكن ابدل وادفع فرق .. والله شر البلية مايضحك ..

والمشكله ان الفقراء هم من يضيعون في ذلك الموضوع ..

[زمردة]

معك حق يا بش مهندس

شكرا لمرورك

[تويتي]

انا مستعده ادي جزء مني لحد عزيز لكن مسأله البيع دي لا

اما حكايه السرقه دي فبقت فوق الوصف كل واحد داخل المستشفي يمضيهم علي ايصال بالحاجات اللي فجسمه عشان يضمن انه هيطلع بيهم فالاخر

تم تعديل October 28, 2008 بواسطه تويتي

[زمردة]

هههههههههههههههههههههههههههههههه

بس خايفة بعد ماتتبرعي بيها ترجعي تتزنقي فيها هتعملي ايه ساعتها

[تويتي]

انا مش هتبرع بيها وعيني فيها زي ناس

هاااااااااااااااااااااااااااااااااااا :)

[زمردة]

اتبرعي يا ختي بس اللي ميرجعش يبكي

[تويتي]

ما انا هاخد اكتر ما هدي يا فالحه

[زمردة]

هههههههههههههههههههههههههههههههههههههههههه

انا فالحة دي شتومة حدانا في البلد يا بت

[elmansy designe]

الحمد لله على نعمه التى لا تحصى

 

طبعا الواحد مش حيفرط فى اى حاجه من جسمه الا طبعا عند الضرورة أى وهى التبرع لمن يحتاج وربنا يشفى كل من كان مريض او ذا علة

[عاشق الصداقه]

تجارة الأعضا أمر يرفضه العقل والمنطق والعلم والدين ، وسرقة الأعضاء إثم عظيم

بل ورد أن حتى التبرع بجزء من الجسم (الكليه) حرام .. هذا من بعض الفقهاء

[بنت مصرية]

الموضوع ده مش محتاج لنقاش وانا مش هضيف جديد... انتوا قلتوا الكلام اللي فيه وزيادة

بس بالنسبة للبيع والتجارة الكلام ده مرفوض

لان جسمنا مش ملكنا ده امانه من عند الله مديهلنا وهنسأل عنها

يبقي ازاي انت تفرط في حاجة مش بتاعتك ؟؟؟

بل ورد أن حتى التبرع بجزء من الجسم (الكليه) حرام .. هذا من بعض الفقهاء

وانا كمان سمعت الموضوع ده ...والله ورسوله اعلم

حسبي الله ونعم الوكيل

[زمردة]

شكرا للمنسي وعاشق الصداقة وبنت مصرية علي مرورهم

[قارئة الفنجان]

لو عندك مشتري انا ابيع

[زمردة]

ياه طاب ليه كدا يا قارئة الفنجان

[NADA]

اصلا مين هيرضى يشترى؟؟

 

خلى الطابق مستور بقى

 

بس بالنسبه للموضوع ده

 

فمش عارفه

 

ف ناس ببتتبرع بالدم او بتبيع عضو من اعضائها

 

وبتعيش عادى

 

وبتنقذ حياة كاملة لشخص تانى

 

انما سرقة الاعضاء فدى المصيبه فعلا

 

لانهم حتى مش بيفكرو لا ف ظروفه الصحية ولا المادية ولا اى حاجه

 

بس عامة خير يعنى

 

الناس لبعضها يا جماعه والنبى(ص) وصى على سابع جار

 

سئل أحد الصالحين : إلى أى مدى تحب أخاك فى الله ؟ قال :

إلى المدى الذى يجعلنى اعطيه إحدى عيناى معتذراً له عن الأخرى حتى أراه بها

 

ده بالنسبه لعاشق الصداقة

[عاشق الصداقه]

اود التعليق على جزء بسيط فقط

 

سئل أحد الصالحين : إلى أى مدى تحب أخاك فى الله ؟ قال :

إلى المدى الذى يجعلنى اعطيه إحدى عيناى معتذراً له عن الأخرى حتى أراه بها

هذا محتوى رساله أرسلت لى وأعجبتنى جداً فى معناها

لكننى عندما قمت بقرائتها أو ما ذكرته أنها (مفبركه) أو معاد صياغتها .. بل ينبغى قول (سئل صديق مخلص) مثلاً

لقد قلت هذا لأننى أعلم جيداً ان الصالحين يعلمون أنه حرام أصلاً ، والله أعلم

فليس معنى هذه الجمله التى فى توقيعى أننى أوافق ان اترك عيناى لصديق مخلص لى (لأن هذا حرام فقط)

ويعلم ربى لو ان هذا الصديق يستحق بجداره (ولم يكن هذا محرماً) لتركت له حياتى كلها وليس عينى فقط

 

تحيتى وبارك الله فيكم للنقاش الهادف بالموضوع

ننتظر اراء باقى الأعضاء

[زمردة]

شكرا ندا علي مرورك

وشكرا عاشق الصداقه علي المعلومة الجميلة دي وانا معاك في رأيك