تويتي قام بنشر October 28, 2008 قام بنشر October 28, 2008 ده كلام يا احمد ؟؟؟؟؟؟؟؟ إستووا.. إعتدلوا.. إستقيموا يرحمكم الله الله أكبر الله أكبر أحمد ركز بأه في الصلاة وبلاش تسرح طيب خلاص، إمممم.. هو الراجل اللي جنبي ده صوابع رجليه عاملة كده ليه؟ صباعه الكبير ده كبير أوي، آه بمناسبة الصوابع هي صوابع زينب دي اللي هيا إيه؟ بيتهيألي دي اللي عاملة زي الزلابية، زلابية؟؟ زلابية إيه بس وبتاع إيه الله أكبر أحمد ركز ياأحمد، طيب ماأنا مركز أهوه، مركز إيه طيب إنت قريت سورة إيه؟ أنا قريت سورة اللهب شفت بأه أنا مركز إزاي؟ لألأ دي كانت سورة الفيل سمع الله لمن حمده ربنا ولك الحمد، أنا جعت، بس مش عارف أفطر إيه النهاردة؟ آه المطعم الجديد اللي كانوا بيتكلموا عنه إمبارح، بيقولوا عليه أكله حلو، بس هو في شارع إيه؟ لما أخلّص الصلاة أتصل بالتليفون أعرف العنوان الله أكبر هيا الساعة كام دلوقتي؟ زمانها أربعة وخمسة، على فكرة هيا الساعة التانية الجلد كنت حطيتها فين؟ آه.. ياإما في الدرج ياإما في الدولاب، دولاب ايه بس ياأحمد ركز ياأحمد إنت بتصلي،أستغفر الله الله اكبر أهوه أنا مركز أهوه، إنظر لمكان السجود وركز في الأيات اللي بيقولها الإمام الله أكبر الشيطان ده أعوذ بالله بيخلي الواحد يسرح، مش هو الشيطان بيتسلسل في رمضان، يعني بيتسلسل تلاتين يوم، أيوه بس هو رمضان ده تسعة وعشرين ولا تلاتين؟ هو إبتدى إمتى؟ تعالى نحسبها كده.. هو كان يوم السبت في السعودية وفي مصر الأحد غريبة أوي الحكاية؟ طيب لو واحد على الحدود ورجل بره ورجل جوه يصوم ولامايصومش؟ أحمد.. شفت أهوه إنت رجعت تسرح تاني الله أكبر هو إحنا في الركعة الكام؟ يعني هانقوم ولا هانقرأ التشهد؟ لا دي التانية، طيب أقولك إتأخر شوية وشوف الي جنبك هايقوم يقف ولا يقعد يقرأ التشهد الله أكبر أيوه دي الركعة التانية، شفت بأه عشان سعادتك عمال تسرح، لأ خلاص أعوذ بالله من الشيطان الرجيم الله أكبر السجادة دي مريحة ولونها حلو، هيا سجادة ولا موكيت، لاموكيت بنسيج السجاد، آه على فكرة إبقى إفتكر تكنس السجادة اللي في البيت بالمكنسة، بس لازم أنضف كيس المكنسة عشان بقالي فتره مانضفتوش الله أكبر الراجل اللي جنبي ده، رجليه بتزق في رجلي، طيب أحرك رجلي شوية، الله ده بيلزقها فيا تاني، أستغفر الله الله أكبر فيه صوت موبايل، الناس دي ليه مش بتقفل الموبايل ساعة الصلاة.. مش عارفين ان ممكن ده يخلي الواحد مايركزش في الصلاة مع إن فيه يافطة محطوطة على الباب مكتوب عليها إغلق الجوال من فضلك وعليها صورة موبايل عليه علامة إكس.. بس هو الموبايل ده كان نوعه إيه؟ بيتهيألي سيمنس.. هيا إيه الرنة دي؟ آه أنا عايز أبقى أغير الرنة، فاكر الموضوع اللي كتبته عن رنات الموبايل . . . . الله أكبر الراجل اللي جنبي ده عمال يتحرك كتير، أستغفر الله مافيش خشوع خالص، أنا أهوه مش باتحرك السلام عليكم ورحمة الله السلام عليكم ورحمة الله إيه هيا الصلاة خلصت ؟ السلام عليكم ورحمة الله السلام عليكم ورحمة الله أستغفر الله العظيم !!!!! . . . منقوووول 6
elmansy designe قام بنشر October 28, 2008 قام بنشر October 28, 2008 شكرا على الموضوع يا تويتى اللهم انا نسألك الخشوع فى الصلاة .... آمين يا رب العالمين 1
تويتي قام بنشر October 28, 2008 الكاتب قام بنشر October 28, 2008 (تعديل) العفو يا منسي علي ايه بس ميرسي لمرورك انت وزمرده امانه لكل الل يقرا يدعيلي بالهدايه اميــــــــــــــــــــــــــــــــــــــــن تم تعديل October 28, 2008 بواسطه تويتي
مشرفي الأقسام eng_alaa قام بنشر October 28, 2008 مشرفي الأقسام قام بنشر October 28, 2008 ربنا يهدي احمد ويركز ويهدينا معاه .. كالعاده روعه يا تويتي
تويتي قام بنشر October 28, 2008 الكاتب قام بنشر October 28, 2008 اخجلتم تواضعنا ربنا يهدينا جميعا وميرسي لمرورك الغالي يا باشمهندس
عاشق الصداقه قام بنشر October 30, 2008 قام بنشر October 30, 2008 على فكره الموضوع عجبنى جدا جدا جدا جدا جدا جدا جدا جدا الى أبعد حد طريقى عرض الموضوع وهدفه فوق الممتازين الراجل اللي جنبي ده عمال يتحرك كتير، أستغفر الله مافيش خشوع خالص، أنا أهوه مش باتحرك لا احمد معاه حق ، اللهم ارزقنا الخشوع يا رب العالمين بارك الله فيكى وأعزك أختنا تويتى على الموضوع المتميز جداً جداً الموضوع مثبت لفتره تحيتى
تويتي قام بنشر October 30, 2008 الكاتب قام بنشر October 30, 2008 ميرسي لمرورك الرائع يا كرينكل وتثبيت الموضوع ربنا يكرمنا جميعا يا رب
بنت مصرية قام بنشر October 30, 2008 قام بنشر October 30, 2008 موضووع جميل جدا ياتويتي وعجبني اوي اوي وزي ماقال عاشق الصداقة طريقة العرض جميلة جدا وعلي فكرة دي مشكلة بتواجه ناس كتير وده من وجهة نظري بيحصل لان الناس بتاخد الصلاة علي انها عادة مش عبادة انا علشان ما اسرحش في الصلاة ة وشيطان الصلاة ماينتصرش عليا بطبق نظريةى حلوة اوي وعجبتني جدا والحمد لله في الصلاة طبعا بتخيل ان ربنا يببصلي واني انا دلوقتي واقفة امامه ولازم اكون في قمة ادبي وخشوعي... كمان بتخيل ان ملك الموت واقف جنبي وان دي اخرصلاة هصليها ده بسعدني علي طمانينه الصلاة والخشوع فيها دعائي ايضا كما دعاه المنسي اللهم ارزقنا الخشوع في الصلاة
تويتي قام بنشر October 30, 2008 الكاتب قام بنشر October 30, 2008 اللهم امين يا بنت مصريه وشكرا لمرورك
مشرفي الأقسام ممدوح قام بنشر November 6, 2008 مشرفي الأقسام قام بنشر November 6, 2008 رائع رائع رائع موضوع جميل جدا يا تويتى بس احمد ده طلع مشكله بجد ربنا يهديه ويهدينا جميعا ويجعلنا من اهل الجنه ان شاء الله وشكرا على مواضيعك الشيقه ياتويتى وننتظر منك المزيد
المتحدية قام بنشر November 7, 2008 قام بنشر November 7, 2008 ربنا يهديكي يا تويتي انا تهت في الموضوع و ربنا يهدي احمد و جميع المسلمين يا رب و يرزقنا الخشوع آمين
sawsana_almotaim قام بنشر November 9, 2008 قام بنشر November 9, 2008 السلام عليكم القصة فعلا جميلة جدا و طريقة عرضها حلوة جدااااااااااااااااااااااااااااااااااااااااااااااااا انا اندمجت فيها و انا بقراها بجد مش عارفة اوصفها ازاى بس استحالة استحالة ده كان بيصلى يعنى ربنا يرزقنا كلنا الخشوع ف الصلاه آمين يا رب
سماء الكون قام بنشر November 9, 2008 قام بنشر November 9, 2008 يسلمو تويتي انا برأيي لازم الواحد يلغي كل المواضيع قبل ما يدخل في الصلاة وشكرا
sraj-monee قام بنشر November 10, 2008 قام بنشر November 10, 2008 شكرا على الموضوع الواقعي وربنا يهدي الجميع
تويتي قام بنشر November 10, 2008 الكاتب قام بنشر November 10, 2008 ممدوح وعارف والمتحديه وسوسن وسماء الكون و سراج ميرسي جدا جدا جدا لمروركم الرائع دا ونورتوا التوبيك يا شباب وربنا يهدينا جميعا يا رب
أبو الهيثم قام بنشر November 10, 2008 قام بنشر November 10, 2008 موضوع جمييل جدا جدا اللهم ارزقنا الخشوع في الصلاه مشكلة بتواجه العديد من المصليين
بنت مصر قام بنشر November 10, 2008 قام بنشر November 10, 2008 ميرسى اختى تويتى فعلا انا اتبسط جدا من الموضوع بتاعك وطريقة عرضك لية ياريت كل الناس تعرف تطبق النظرية بتاعتك يا بنت مصرية موضووع جميل جدا ياتويتي وعجبني اوي اوي طريقة العرض جميلة جدا مع تحياتى 1
تويتي قام بنشر November 11, 2008 الكاتب قام بنشر November 11, 2008 ميرسي جدا جدا لمرورك يا بنت مصر بس كده بنات مصر كتروا اوي عندنا ولا ايه يا بنت مصريه
alyfargly قام بنشر November 11, 2008 قام بنشر November 11, 2008 السلام عليكم ورحمة الله وبركاته اللهم اعنا على ذكرك وشكرك وحسن عبادتك
تويتي قام بنشر November 12, 2008 الكاتب قام بنشر November 12, 2008 alyfargly hanyalily ميرسي جدا لمروركم يا شباب ويشرفني تكون اول مشاركه ليكم فالتوبيك بتاعي
غريبة الاطوار قام بنشر November 15, 2008 قام بنشر November 15, 2008 الله اكبر والله الموضوع رائع جدا ياتويتي ربنا يقويك ودايما بمواضيعك الجميله تسعدينا
Recommended Posts
انشئ حساب جديد او قم بتسجيل دخولك لتتمكن من اضافه تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديد♥ تسجيل دخول ♥
هل تمتلك حساب بالفعل ؟ سجل دخولك من هنا.
♥ سجل دخولك الان ♥