الكابتن ماجد - الحلم

[المدرب حسام الدين محمد 20]

حياتى بالقيم احلى

الكابتن ماجد - الحلم

كابتن ماجد .... كابتن ماجد .... كابتن ماجد ...... عاد اليكم من جديد

ازيكم يا اصحابى عاملين ايه يارب تكونوا كويسين ، طبعا فاكرين الاغنية دى بتاعة الكابتن ماجد يمكنا كلنا كنا واحنا صغيرين بنشوف الكارتون ده واتعلمنا منه حاجات كتير جدًا وبخصوص اغنية كايتن ماجد عاد اليكم من جديد انا اقصد بيها حاجات كتير منها انه عاد الينا فعلا بس معايا بشكل جديد وكمان اصلى قبل ما اكتب المقالة دى اتضحلى ان فى اغانى كتير لماجد بس انا عايز بقى الاغنية دى علشان بجد فيها معانى كتير وكمان ماجد بيغنى فيها ههههههههههه

ويياريت تسمعوها معايا علشان هى فيها معنى النهاردة كمان

http://www.youtube.com/watch?v=m3qjzOt8rro&feature=related

ايه الاخبار سمعتوها ممكن بقى نردد مع بعض الى قاله ماجد فيها

سجل هدف ... حقق فوزاً .. ضاعف جهدك فى التمرين ... لن نحرز اهدافًا حلوة . ..

الا بالتصميم هههههههه صح مش هو قال كده

الكلام ده ليه معانى كتير جدا بس احنا حناقشة من اولة اللى هو ليه اساسا ماجد كان عايز كده

علشان الحلم ؟ كابتن ماجد عنده حلم كبير جدا وحناقشة من اوله شوية كده من قبل ما يكون فى كابتن ماجد اساسا ، يعنى مين اللى عمل الكابتن ماجد ده

وده بقى سر حقولوا ليكوا جميل ؟؟؟؟؟

اليابان ... الكابتن ماجد ده طلع يابانى هههههه ايوة يابانى طيب خدوا بالكوا كده من التى شريت بتاعه حتعرفة المهم ان اليابان بعد فترة من الحرب العالمية الثانية وقالوا عاييزن نعمل نهضة ونطور الشباب شافوا ان العالم كلوا بيلعب كورة واليابان لا يعنى مكنش فى منتخب اسمه اليابان وطبعا محدش عارف يعنى ايه كورة فقالوا الحلم اننا نصنع فريق ياخد كاس العالم تخيلوا هو ده الحلم عندهم بقى فقالوا اننا نعمل شخصية كارتونية الشباب الصغير يشوفها فيحب الكورة وفعلا حلم عندهم انهم يحصول على كاس العالم واللى متابع كورة يلاحظ انهم فعلا خلال ال10 سنين اللى فااتوا متفوقين جدا فى الكورة ونظموا كاس العالم كمان غير انهم بيوصوا كاس العالم بقالهم فترة كمان ، وطبعا اكيد الجيل ده هو اللى اتعلم من الكابتن ماجد الوصول لكاس العالم ..... هو ده بقى السر هههههههههه

حلم كابتن ماجد كان الوصول لكاس العالم علشان كده فى سؤال : هو فين الكابتن ماجد دلوقتى؟ ؟؟؟؟؟؟؟ كابتن ماجد يا اصحابى كان عنده رسالة واحدة وطول حلقاته حتى وهو صغير بياكد ان حلم حياته انه يوصل كاس العالم ، حتى لما قابل مدرب الفريق البرازيلى فى احد الحلقات قال كده ن ولما ياخد اى بطول ياكد انه نفسه يدخل المنتحب القومى علشان كده الحلم عنده كبير ........ بس اقول ايه لو كان الحلم ده كان عند اللعيبة بتاعتنا مش كنا وصلنا زى اليابان هههههههههه

حلم ماجد مع الاصدقاء .... كان مش بيتكلم مع اصحابة الا وبيقولهم ويشجعهم على الحلم ده

حتى مع الفرق الاخرى كان بيشوف ان الغير من اللى مش بيلعبوا معاه زى بسام مثل الصديق العدو لماجد ههههههههه شايفة انه قوى جدا واكيد حيفدنا فى تحقيق الهدف والحلم جدع والله يا ماجد ........

المهم اخر الكلام : الحلم يا شباب احلموا بجد واعرفوا حلمكوا ايه وركزوا عليه جامد وحاولوا تشوفوا ازاى توصله للحلم ده ...

• · اول حاجة بجد شوفوا كل واحد متميز فى ايه
• · ركز على هواياتك وخليها دافع للمميزاتك
• · احلم وحدد هدف واسعى اليه
• · اعرف ازاى انك تحقق الخلم ده واسال غيرك
• · ابدا بتخطيط ناجح ولا تتعجل الحلم وتحقيقة

وافتكروا اخر مقطع فى الاغنيه بتقول ايه

هيا تمرن كافح واتعب

سجل اهدافاً كم تتعب

ما اجمل ان تكسب هدفا بعد عناء سنين

لاحظتوا بعد عناء سنين دى ... مش بقولكوا كابتن ماجد ده كله اسرار

استنونى المرة الجاية حقولكوا ازاى وصل كابتن ماجد للحلم ده ....... بااااااااااى

[دعوه للجنه 457]

 

المهم اخر الكلام : الحلم يا شباب احلموا بجد واعرفوا حلمكوا ايه وركزوا عليه جامد وحاولوا تشوفوا ازاى توصله للحلم ده ...

• · اول حاجة بجد شوفوا كل واحد متميز فى ايه
• · ركز على هواياتك وخليها دافع للمميزاتك
• · احلم وحدد هدف واسعى اليه
• · اعرف ازاى انك تحقق الخلم ده واسال غيرك
• · ابدا بتخطيط ناجح ولا تتعجل الحلم وتحقيقة

وافتكروا اخر مقطع فى الاغنيه بتقول ايه

هيا تمرن كافح واتعب

سجل اهدافاً كم تتعب

ما اجمل ان تكسب هدفا بعد عناء سنين

لاحظتوا بعد عناء سنين دى ... مش بقولكوا كابتن ماجد ده كله اسرار

 

 

 

 

 

جزاك الله كل خير " موضوع أكثر من متميز ماشاء الله"

 

 

بارك الله فيك وفى مجهودك وجعله ان شاء الله فى ميزان حسناتك ،،

دوما امر على موضوعات حضرتك حتى وان لم اعقب لاننى لا اجد تعقيب بعد كلام حضرتك الكافى

لكن فى كل مرة يًغرس بداخلى قيمة غير الأخرى .........

. فبوركت وبورك مجهودك..

 

 

 

 

ألفت نظر حضرتك فقط الى - ان الفيديو مش شغال - واود تذكير حضرتك ليس اكثر لانك صاحب مكان وبلا شك تعرف جيدا سياسته ولكن كتذكير ولفت نظر ليس الا

ان سياسة المنتدى تمنع وجود فيديو تحوى موسيقى او صور نسائية ..........

 

جزاكم الله خيرا أخى ونفع بكم

وبانتظار الحلقة القادمة.......