بره الهامش

[الفقيرة الى الله 77]

بره الهامش

 

 

عم محمد كان بيعيش

يوم ع الهامش

لما اتدهور بيه الحال

لم عزاله وحاله وماله

وكل عياله.. بره الهامش

بئى بيخاف أنه يعيش

والعمر يعدى

لا جناح ولا ريش

والضحكة مفيش

والكلمة مفيش

والجيب معيش

والحق يقول:

عم محمد راجل معذور

إنه يعيش بره الهامش

نفسه يسكن قلبه قصور

أو يتجرأ يوم ع السور

يتخلص من اللقب البائس المعذور

كل لما نمصمص شفايفنا

ونخبى بكانا فى ضحكتنا

ونطبطب ع محمد

نمشى فى سكه مش سكتنا

نتقابل ع الهامش مره

أو يوم يمكن نخرج بره

 

 

 

[نـــــــــــور 199]

جزاكى الله خير اختى الفقيرة الى الله

عجبتنى كتير تسلم ايد ك

تم تعديل July 5, 2011 بواسطه نـــــــــــور

[الفقيرة الى الله 77]

بارك الله فيكى اختى وحبيبتى نور

[ohabo raby 87]

كل لما نمصمص شفايفنا

ونخبى بكانا فى ضحكتنا

ونطبطب ع محمد

نمشى فى سكه مش سكتنا

نتقابل ع الهامش مره

أو يوم يمكن نخرج بره

يا عيني عليك يا عم محمد وعلي كل المصريين الغلابة

 

بجد مقال رائع اختى الفقيرة الى الله

 

الله اسأل ان يجعله بميزان حسناتك

 

ومتحرميناش من المقالات الجامد دى

 

تحياتى