عاشق الصداقه 525 قام بنشر February 19, 2007 الأرض لا نملك إلا جتتنا خدوها ان كنتوا عاوزنها بعوها فى بورصة الاعضاء وهاتو السبيه نوزنها هتنفعكوا ... ويمكن تشفى اطماعكوا خصوصى الكبد والكليه خدوا ايدينا تهوى لكم وحطوا القلب فى مادليه خدوا ودّنا على صدر القميص حليه على استعداد نقطعها ونحرم راسنا من عينها خدوا حتى الهدوم لخره ونحلف ماحنا مانعنها وطين الارض ما تمسوه ولا عود النخيل تطولوه دى هى المأوى والمرعى ونوعى أد ما نوعى نلاقى جدودنا زارعنها ******************* خطوطها عاشقه خطاوينا وعارفه شكل رجلينا وحافضه حتى أسامينا ما هو احنا فى هوا ترابها شربنا الذل وقسينا ودسنا الوحل والطينَ وياما بدرنا وسقينا .... بعرقنا والمساقى جفاف تعالوا واسألوا الصفصاف ماهو عايش معانا وشاف ما دام داء العمى صابكوا وموت العدل نصبكوا على رقاب العبيد أشراف وشجعكوا وطمعكوا تقاسمونا رغفنا الحاف هنا على الارض دى عشنا ونبشنا وعششنا وياما البرد لسوعنا وياما الحر خربشنا وجدرنا وفرعنا على جبينها وكبشنا لا ارهابكوا يزحزحنا ولا رصاصكوا يطفشنا هنا على الارض دى دارنا ودوارنا واحبابنا وسمارنا وحوادتنا وأسرارنا ما هو احنا وهى شىء واحد لا فى الغربه بنتفارق ولا فى الموت بنتباعد ومهما نعانى ونكابد نسيم ازهارها ينعشنا ***************** هنا ع الارض دى سمعنا مثل شعبى قديم بيقول يا واخد من عيالى القوت وناوى ع الخراب والموت ما ينفع لكش غير نبوت يطفى فى صدرك الأطماع ويملى جتتك أوجاع ومهما تمتلك من باع نلقح جتتك فى تابوت يا ناوى فى غفله تسرقنا وناوى تسف أرزاقنا إذا خطيت تفرقنا هتلقى فى كل غيط نبوت هتلقى فى كل غيط نبوت *************************************** للشاعر : محمد لاشين يمكنك تحميل الموضوع من هنا : ALARD.rtf اقتباس شارك هذه المشاركه رابط المشاركه شار ك علي موقع اخر
عميد كلية الحب 1 قام بنشر February 24, 2007 فعلا الارض اغلى شيئ في هذه الدنيا شكرا لك عاشق الصداقة فعلا الارض اغلى شيئ في هذه الدنيا شكرا لك عاشق الصداقة اقتباس شارك هذه المشاركه رابط المشاركه شار ك علي موقع اخر
عاشق الصداقه 525 قام بنشر February 24, 2007 الشكر لك حبيبى وشكرا لمرورك اقتباس شارك هذه المشاركه رابط المشاركه شار ك علي موقع اخر
love you 0 قام بنشر February 26, 2007 عن جد عاشق إنتي كتير موهوب عشان مش كل إنسان بيطلع معو هالحكي الله يوفقك اقتباس شارك هذه المشاركه رابط المشاركه شار ك علي موقع اخر
عاشق الصداقه 525 قام بنشر February 26, 2007 عن جد عاشق إنتي كتير موهوب عشان مش كل إنسان بيطلع معو هالحكي الله يوفقك أشكرك كثيراً العضو الكريم .. ولقد انرت المنمتدى بوجودك ومرحباً بك بين أسرتك الجديده ياللا يا شباب .. ولحفظ الحقوق انا بحب اوضح بس ان الكلمات للشاعر محمد لاشين .. وانا نقلتها لكم فقط لتستمتعوا بقرائتها وجزاك الله خيراً .. ومرحباً بك مره اخرى ... ونرجو منك المشاركه الفعاله .. اقتباس شارك هذه المشاركه رابط المشاركه شار ك علي موقع اخر
بنت مصرية 65 قام بنشر November 2, 2009 رائع طبعا جدا شعر مميز واسلبوه جميل ويشد ما هو احنا وهى شىء واحدلا فى الغربه بنتفارق ولا فى الموت بنتباعد ومهما نعانى ونكابد نسيم ازهارها ينعشنا رائع فعلا ولاجد ماقول بوركت علي النقل الموفق عاشق الصداقة ربنا يكرمك بكل خير اقتباس شارك هذه المشاركه رابط المشاركه شار ك علي موقع اخر
dr_mido 53 قام بنشر November 2, 2009 بسم الله ما شاء الله عليك أخي في الله (عاشق الصداقة) علي كلماتك الجميلة وهذه الكلمات يعجز لساني عن شده الأعجاب بها ونتمني لك المزيد إن شاء الله ووفقنا الله وإياك إلي ما يحبه ويرضاة إن شاء الله أخوك في الله dr_mido اقتباس شارك هذه المشاركه رابط المشاركه شار ك علي موقع اخر
Dr.A7MD 130 قام بنشر November 6, 2009 أكيد الأرض أغلى حاجة طبعاً بشكرك يا أحمد على النقل الجميل تحياتى ليك اقتباس شارك هذه المشاركه رابط المشاركه شار ك علي موقع اخر
