قصيدة امى ملهاش في السياسة

[ريتـــــال 6]

 

 

 

شايفة يامة الغلب والشقى اللي مالي الوشوش؟؟

 

واللي قاعدين على القهاوي وطلع علامهم على فشوش؟؟

 

قالتلي امي ماتبعد وكفاية حكاوي في السكة دي .....

 

مالك انت ومال اللي على القهاوي ومالك بغلب الفواعلية

وانت مالك بالبلد يعني كلها بقت حريم وانت بس اللي ولد ؟؟

 

ولا انت عايز تتشد وتتجلد؟؟

 

شفتي يامة حرقة دمي على ابويا اللي مات ؟؟

 

اهو اللي انا فيه ده كله من كتر السكات !!!

 

عايز اصرخ في الميدان نفسي .... اصرخ بعلو صوتي

 

 

واقول تعبـــــــــــــان

 

والله تعببببببببببببببببببببببان

 

 

كلمة على لساني واعمل ايه في كتماني خايف وعاجز اعدي السور

 

زرعو الشوك في بستاني وبكو الورد احزاني وخلونا ياما كسور

 

سرقو مني احلامي ومبقتش شايف قدامي .....

 

ومبقتش شايف في الضلمة نور مبقتش شايف في الضلمة

 

 

نور يعني هو مكتوب عليا قلة نومي؟؟؟

 

يعني من عدل الدنيا دي هما ياكلو وانتي تصومي؟؟؟؟؟؟

 

شايفة الشقا يامة والعجز على وشي؟؟

 

شايل همي جوة هدومي من تعب مش عارف امشي.......

 

من خوفي عليكي بداري همومي صعبت عليكي يامة ودلوقتي نزلت دموعك ؟؟؟

 

ضميني يامة وخديني بين ضلوعك خديني بين حضنك

 

مفيش أآمن منه لولا ان الرجولة مانعة البكا

 

بس الواحد غصب عنه مهو انا لو مصرختش ممكن اموت ....

 

مهو لو مقلتش هينطق السكوت سالونا من ايه الوجع...

 

قلنا الوجع منهم ميين اللي عاش اتخدع وداق الزل

 

من ويلهم مين اللي انزل وخضع

 

ميين اللي شاف ليلهم احنا اللي وطينا سنيين ونستاهل اللي يجرالنا

 

بس احنا بني ادمين وهو ده حالنا حالنا ياما دلوقتي

 

المية مصفرة وطيرنا فيه فرة والكهربا ومقطوعة واللي بيهج برة

 

واللي مش مفرة يتعالج من امراض ممنوعة غير الزحمة في

 

 

كل الشوارع غير اعتصامات المصانع

 

وده تحت مسمى الخصخصة

 

وسيادته في البيع بارع قليل الاصل واطي ومخادع ومعاه دناوة مترخصة

 

والله لو يحسو بكلامنا مرة ..... ويحسو قد ايه العيشة مرة ....

 

اكيد قلبهم هيأن بس ده من رابع المستحيلات

 

طب ده انا ليا مرة واحد صحبي قال في مرة الحق مااااااااااااااااات

 

طب انا بقى مش قادر اصبر على السكات في اللي جاي

 

 

وفي اللي عدى وفي اللي فات

 

كل يوم بيقتلني السكات .........

 

كل يوم بحلم بصاحبي اللي مات

 

كل يوم بحلم بذل اخويا وصاحبي اللي مات

 

نفسي انزل في الميدان نفسي اصرخ واقول

 

 

تعبـــــان نفسي اصرخ من الجنااااااااااااان

 

عارفة يامة زي ما يكون نسيت اصلي واسمي

 

زي ما يكون الكيماوي عشش جوة جسمي

 

عارفة يامة الخوف حاضني ومن بين حيطان السكوت ساجني

 

عايزة تبكي يامة على حالي

 

شوفي اللي جرالي

 

ابكي على حالي وشوفي ملامحي حسي جرحي في كسر قمحي

 

ابكي على حالي وانا جندي مقتول برصاص الصهاينة على الحدود

 

ابكي على حالي لما هان عليهم دمي وتعب جدود الجدود

 

ابكي على حالي لما مدو ايدهم لليهود

 

ابكي على حالي في وضعي الحالي

 

يعني مش هقولك غزة وفلسطين لأاااااااا ...

 

ولا هقولك ميين اللي نهبو وميين اللي سرقو وميين اللي حرقو

 

ومش هقولك ميين اللي طلعو كمان واطيين

 

بس هحكيلك على اللي في المستشفى مرميين واللي ياخد بالغلط كيماوي

 

واللي جسمه مليان بلاوي والي قاعدين على القهاوي مستنيين الدور يدور

 

غير اللي بيتراضى بقرشين عشان يمشي مصلحة

 

وان فهم انه مش هيدفع يحلف مكنش المصلحة

 

واللي من الحر اتخنق واللي مش لاقي يجيب مروحة

 

واللي في الزحمة اتسلق واللي في الزحمة حلفت ماهي مروحة

 

واللي واللي كتيييير كتيييييييير شاربين في قلة

 

واللي ليهم الف بيير واللي في بطنه فلوس حرام تحت البلاطة وتحت السرير

 

واللي خد فلوسه وجلا وخصخص وباع غزل المحلة

 

وعمال غلابة شايفيين مزلة مصر غابة ده اسم للجنة كل ما ابص في المراية

 

يامة الاقيني مطحون في الرحايا وشعري شاب بدري

 

 

بحس ان جوايا خيبة امل عايشة معايا

 

بتقولي لسة على الجواز بدري عارفة ياما لو اللي جاي على قد اللي رايح ؟؟؟

 

كنا اكلنا كل شهر لحمة بلدي

 

كنت هاخد مع الفرح وادي كنت هبيع الخوف

 

 

وهمومي واعيش راضي وعلى قدي

 

بس ياريت اللي جاي مكفي اللي رايح

 

رايح حقي وعرقي فيها

 

دول حرامية وقعدو عليها

 

معلش ياما دوشتك عارف ملكيش في السياسة

 

بس اعمل ايه في ناس مفيهاش ريحة الحساسة

 

ناس ياما لزقت وعششت في الرياسة وخلونا نسف

 

 

التراب واتهمونا بالنجاسة

 

وانا وامي مش بناكل حرام ولا بنبيع خساسة

 

انا بس بقول الحق في كلام وامي ملهاش في السياسة

 

وامى ملهاش في السياسة

 

وامى ملهاش في السياسة

 

استغفــــــــر الله[

[ohabo raby 87]

ابكي على حالي في وضعي الحالي

 

وابكى علي حالى في وضعى الحالى

 

بارك الله فيكي اختى ريتـــــال

 

نورتى المنتدى وان شاء الله تجدى هنا كل ما تحتاجينه

 

في بيتك الثانى علي الانترنت باذن الله هتستفيدى معانا وتفيدينا

 

سعداء مرة تانية حبيبتى بانضمامك لينا

 

تحيـــــــــــاتـــــــــــــــى

[الجندى المجهول 37]

قصيدة رائعه

بدايه قوية ومميزة اختى الكريمة

وكانها بداية ظهور عضو مميز جديد فى اسرة ياللا شباب

جزاك الله خيرا

جعل الله كل ماتكتبى فى ميزان حسناتك

[الفقيرة الى الله 77]

بسم الله ماشاء الله قصيدة جاءت علي الجرح والله

 

كما ذكر اخى الجندى المجهول بداية قوية جداااااااااااااااا

 

نتمنى المزيد من المشاركات المتميزة

 

واهلا بكى فى بيتك الثانى منتدى ياللا يا شباب

 

اتمنى لكى المزيد من النجاح ....

 

جزاكى الله خيرا...

[ريتـــــال 6]

قصيدة رائعه

بدايه قوية ومميزة اختى الكريمة

وكانها بداية ظهور عضو مميز جديد فى اسرة ياللا شباب

جزاك الله خيرا

جعل الله كل ماتكتبى فى ميزان حسناتك

 

السلام عليكم ورحمة الله وبركاته

جزاك الله كل الخير اخى الجندى المجهول

ورزقك الله الفردوس الاعلى

وشكرا على المرور العطر وكذالك على التشجيع

وانا اتشرف بوجودى بين الاعضاء الافاضل

[ريتـــــال 6]

وابكى علي حالى في وضعى الحالى

 

بارك الله فيكي اختى ريتـــــال

 

نورتى المنتدى وان شاء الله تجدى هنا كل ما تحتاجينه

 

في بيتك الثانى علي الانترنت باذن الله هتستفيدى معانا وتفيدينا

 

سعداء مرة تانية حبيبتى بانضمامك لينا

 

تحيـــــــــــاتـــــــــــــــى

جزاكى الله الفردوس الاعلى اختى ohab raby

شكرا على مرورك العطر

ولقد شرفت بمرورك الرائع

دمتى فى طاعة الله

[ريتـــــال 6]

بسم الله ماشاء الله قصيدة جاءت علي الجرح والله

 

كما ذكر اخى الجندى المجهول بداية قوية جداااااااااااااااا

 

نتمنى المزيد من المشاركات المتميزة

 

واهلا بكى فى بيتك الثانى منتدى ياللا يا شباب

 

اتمنى لكى المزيد من النجاح ....

 

جزاكى الله خيرا...

 

بارك الله فيكى اختى الفقيرة الى الله

جزاكى الله الجنان العلى

وسررت بمرورك العطر

دمتى فى رضى الله