يوم أن خلعت ضرســى

[بسمة الاقصى 78]

بسم الله الرحمن الرحيم السلام عليكم ورحمة الله وبركاته

 

 

 

 

 

 

 

ايوووووووووة انا خلعت ضرسى

 

 

 

 

بتبصولى كده ليه ؟؟؟؟؟

 

 

 

علشان يعنى انا فى ال25 من عمرى عااااااادى يعنى أكيد منكم الآن من خلع ضرسه

 

فى سن صغيرة فلو أننا التزمنا هدى الحبيب المصطفى صلى الله عليه وسلم واستكنا

 

عند كل صلاة أعتقد ما كنا سنخلع ضروسنا فى مثل هذه السن الصغيرة فالخير كل

 

الخير فى اتباع الشريعة والهدى النبوى الحنيف وعموماً يبدو أن تاريخ انتهاء صلاحيتى

 

قد قارب على الانتهاء فاللهم حسن الخاتمة

 

 

ما علينا ,فلقد تعملت من خلع ضرسى درسين فأولهما قدر نعمة الله على والتى لم أكن

 

أعرفها وقطعاً ما أديت شكرها وهكذا هم بنو البشر لا يعرفون قدر نعمة الله عليهم إلا إذا فقدوها وسٌلبت منهم

 

 

سأحكى لكم ما حدث معى فى هذه اللحظة العصيبة فقد قام الطبيب مششكوراً بإعطائى

 

حقنة "بنج" وكانت مؤلمة بعض الشىء فحاول جزاه الله خيراً التخفيف عنى

 

قائلاً"معلش" ثم بعد ذلك قال لى اخرجى لبعض الوقت حتى يبدأ تأثير البنج ثم خرجت

 

وهنا الشاهد من القصة فما إن بدأ مفعول البنج يظهر حتى فقدت التحكم فى نصف فمى

 

"المبنج"تماماً وياله من شعور مؤلم , شعور بالعجز والوهن

 

لا يوصف فما كنت حتى قادرة على "المضمضة" وكنت أتكلم بصعوبة ,وهنا على الفو

 

ر تذكرت المصابين بالجلطة فقد كانت حالتى تشبههم كثيراً وقد ياااااه كم أعيش فى نعم

 

لا أعرف لها قدراً وما أديت شكرها فعذراً ياربى ما عبدناك حق عبادتك وما أدينا شكر

 

نعمائك علينا فاللهم لك الحمد كما ينبغى لجلال وجهك وعظيم سلطانك

 

 

اللهم اشفِ كل مريضِ مسلم وعافِ كل مبتلى مسلم يارب العالمين كم يعانى هؤلاء وكم

 

يحتاجو ن من الصبر ليصبروا على ابتلاء الله حقاً شىء مؤلم جدا وإحساس صعب

 

بالعجز خاصة إذا كانت لديك هذه النعمة ثم سلبت منك

 

 

وكم نتنعم فى نعم الله صبح مساء ولم نؤدى شكرها بل إذا اصابنا بعض الألم تضجرنا

 

وربما نقول ما لا يرضى ربنا وما عرفنا قدر نعم الله علينا وهناك غيرنا من هو محروم

 

ويتمنى لو يدفع ملايين الجنيهات من أجل أن يعود سليماً معافى كما كان

 

 

فاحمد ربك يا مسلم ليلاً ونهاراً على ما انت فيه من النعم

 

 

وأما الدرس الثانى فهو إن كانت عندك مشكلة فلا تؤجل حلها وسارع بالحل لئلا تتفاقم

 

المشكلة وتصبح أكثر خطورة وربما تدفع من الما ل أضعاف ما كنت ستدفعه لو عالجت

 

المشكلة من بدايتها أقول لكم هذا لأننى كنت من فترة طويلة اعانى من ألم ضرسى

 

وكنت أخشى من زيارة الطبيب لأنه بصراحة العدة بتاعته تخوف خصوصاً البتاعة اللى عاملة زى المنشار دى بششششششعة

 

 

بس انا لم اعد اتحمل ومرت على ليلة لم أنم فيها إلا بضع دقائق من الأم الذى أيقظنى من النوم ثم قرررت وفكررت وقلت خلاص

 

 

مفيش انتظار تانى هروح وأمرى لله ثم كان الأمر بفضل الله سهل جدا ولم تستغرق

 

عملية الخلع سوى ثوانى لأنه الضرس كان لبنياً وليس له جذور فخلع بسهولة زى

 

مبارك كده

 

 

قلت لنفسى ياااااه أكل هذا الألم الذى تحملت من أجل هذه الثوانى فى الخلع كم أنا

 

عبيطة

 

 

وهكذا خلصت الحدوتة وخلعته وجبته والدكتور أعطانى ايه ثم قمت بدفن الفقيد قائلةً

 

سبقنى إلى الجنة إن شاء الله رزقنى الله وإياكم الفردوس الأعلى

 

 

 

 

 

 

 

 

 

وتخيل نفسك لو كنت فواز

 

 

ما كنت ستطيق لحظة مجرد حتى التخيل

 

 

 

http://www.youtube.com/watch?v=Cy6O0vhpo64

 

 

ومتعكم الله بالصحة والعافية

 

 

سبحانك اللهم وبحمدك اشهد ان لا إله إلا انت استغفرك واتوب إليه

 

 

 

 

[ohabo raby 87]

 

والله انا حسيت بكل كلمة قولتيلها يا بسوم لانى مجربة خلع الاسنان

 

و لأنى حصل معايا موقف مشابه لموقفك

 

السنة اللى فاتت اختى كان عندها الم في ضرسها وراحت للدكتور

 

وانا طبعا اطفلت ورحت معاها عيلة بقي تقولى ايه

 

وراحت للدكتور قلها تعالى بعد اسبوع وقبل ما نمشي

 

انا استهبلت شوية وقولت لبابا وانا كمان عندى ضرس واجعنى وشكله هيسوس

 

قالى ما انتى زى الفل ومفيكيش اى حاجه مرضيتش و تجادلنا شوية

 

المهم قالى مش ضرسك واجعك يا منار اتحملى بقي وانتى اللى جبتيه لنفسك

 

رحت دخلت غرفة الدكتور وحسيت انى هيغمى عليا لما شوفت العده بتاعته

 

ولما اخدت البنج مكنتش حاسة بحاجه خالص حسيت انى ملييش بوق

 

 

وبدل مخلع ضرس واحد خلعولى اتنين

 

الدكتور قال الضرس اللى فيه السوسة ممكن يعدى اللى جمبه فمضطريين نخلع الاتنين

 

وبابا اتمناها وقاله مفيش مشاكل يا دكتور لو شايف انك عايز تخلع طقم سنانها كله اخلعه

 

والضرسين المساكين اتخلعوا

 

وانا اتحرمت من الاكل اللى بحبه والمشروبات معينة كمان

 

وساعتها بقيت انا النكتة بتاعت البيت وكلهم فضلوا يتريقوا عليا

 

ومن ساعتها حرممممممممت وتعلمت درس

 

لا للأستهبال - لأ للكذب - لا للشقاوة - لا لدكاترة الاسنان

 

ومن ساعتها وانا بحمد ربنا علي الصحة وبدعى ربنا يشفى كل مريض

 

وكمان من ساعتها مخطيتش عند دكتور سنان

 

والحمد لله انها جات علي قد كده

 

انا اسفة يا حبيبتى يا بسوم ع الاطالة

 

 

تم تعديل July 8, 2011 بواسطه ohabo raby

[بسمة الاقصى 78]

 

والله انا حسيت بكل كلمة قولتيلها يا بسوم لانى مجربة خلع الاسنان

 

و لأنى حصل معايا موقف مشابه لموقفك

 

السنة اللى فاتت اختى كان عندها الم في ضرسها وراحت للدكتور

 

وانا طبعا اطفلت ورحت معاها عيلة بقي تقولى ايه

 

وراحت للدكتور قلها تعالى بعد اسبوع وقبل ما نمشي

 

انا استهبلت شوية وقولت لبابا وانا كمان عندى ضرس واجعنى وشكله هيسوس

 

قالى ما انتى زى الفل ومفيكيش اى حاجه مرضيتش و تجادلنا شوية

 

المهم قالى مش ضرسك واجعك يا منار اتحملى بقي وانتى اللى جبتيه لنفسك

 

رحت دخلت غرفة الدكتور وحسيت انى هيغمى عليا لما شوفت العده بتاعته

 

ولما اخدت البنج مكنتش حاسة بحاجه خالص حسيت انى ملييش بوق

 

 

وبدل مخلع ضرس واحد خلعولى اتنين

 

الدكتور قال الضرس اللى فيه السوسة ممكن يعدى اللى جمبه فمضطريين نخلع الاتنين

 

وبابا اتمناها وقاله مفيش مشاكل يا دكتور لو شايف انك عايز تخلع طقم سنانها كله اخلعه

 

والضرسين المساكين اتخلعوا

 

وانا اتحرمت من الاكل اللى بحبه والمشروبات معينة كمان

 

وساعتها بقيت انا النكتة بتاعت البيت وكلهم فضلوا يتريقوا عليا

 

ومن ساعتها حرممممممممت وتعلمت درس

 

لا للأستهبال - لأ للكذب - لا للشقاوة - لا لدكاترة الاسنان

 

ومن ساعتها وانا بحمد ربنا علي الصحة وبدعى ربنا يشفى كل مريض

 

وكمان من ساعتها مخطيتش عند دكتور سنان

 

والحمد لله انها جات علي قد كده

 

انا اسفة يا حبيبتى يا بسوم ع الاطالة

 

 

 

يخرب عقلك يا منار حد يدخل عند عياة اسنان ويقول كده بس بصراحة تستاهلى علشان تحرمى

 

وبعدين ضرسين مرة واحدة وانتى فى إعدادى يا نهار ابيض وانا اللى بقول على نفسى عجزت علشان ضرس

 

يالا كملى باقى عمرك من غير ضروس

 

وربنا يستر بقى

 

 

متعكِ الله بالصحة والعافية

 

لا يا جميلة مش طولتى ولا حاجة انا بحب الردود اللى تفتح باب نقاش تسلمى منـــــــــــــــــار

‬

 

[نـــــــــــور 199]

هههههههههههههههههه

انا بقى لما خلعت ضرسى

مش فاكرة حصل اية

بس كل الى انا فاكراة

انى فعلا روحت العيادة بس محستش بحاجة بعدها

[بسمة الاقصى 78]

ايه ده خلعتى ضرسك ومش حسيتى بحاجة بعدها

بركاااتك يا نور :)

[نـــــــــــور 199]

 

 

 

ايه ده خلعتى ضرسك ومش حسيتى بحاجة بعدها

بركاااتك يا نور :)

 

 

لا اوعى تفهمينى صح اقصد محستش بحاجة يعنى لما روحت العيادة لكن اكيد بعدها حسيت