صناع الحياه 14 قام بنشر February 21, 2007 (تعديل) الرحله دي انا هسيبها مفتوحه ليكم كل واحد فيكم يقدح زناد فكره ويضيف ليها فكره يمكن في يوم من الايام الفكره دي تشوف النور عايزين نخترع سيجاره ايوه سيجاره السجاره دي جهاز صغير ليه نفس شكل السيجاره المعروف هنخللي نصفه الامامي يطلع ادخنه طيبه عطره" بخور" نصفه الخلفي يقدر الواحد يشفط منه بخار ماء او اي ماده غذائيه مفيده للجسم في صوره بخاريه وياريت كمان يقدر المدخن ينفخ جزء من الماده دي في الهوا عشان نتفادي الجانب النفسي فيها وياريت الماده دي تكون من الحجات اللي بيحبها الاشخاص وبيدمنوها يعني كده زي القهوه والشاي والمواد النافعه للجسم من المنبهات " تخيلو الواحد بيشرب قهوه بشفط بخارها " هنخللي كل الممثلين والعلماء والمثقفين ولاعيبت الكوره والمشاهير عموما يشربوها بدل السجاير بكده نضمن ان الشباب هيقلدهم والناس اللي بتدخن نساعدهم في الاقلاع عنها يعني بالمختصر المفيد كايضاح لوجهة نظري السيجاره نصفها الامامي قطعة بخور نشعلها وكل متخلص نحط بدالها نصفها الخلفي اله صغيره تحول الشاي او القهوه او اي ماده نافعه لبخار نقدر نشفطه ونبتلع جزء منه والجزء التاني ننفخ فيه ونطلع في النفس التوتر والزهق والفتور وياسلام لو كانت الماده دي بتساعد علي الاسترخاء وليها نكهه جميله ياريت يا جماعه اللي معاه تخيلات او اقتراحات للسجاره دي يضيفها يمكن في يوم من الايام نعدل فيها وتنزل ارض الواقع وساعتها وساعتها هنفيد امه كامله محتاجه لصحة شبابها ومواردها الماليه مستني اقتراحاتكم وافكاركم تم تعديل June 16, 2008 بواسطه عاشق الصداقه تم إعادة الموضوع بعد حذفه شارك هذه المشاركه رابط المشاركه شار ك علي موقع اخر
:: نبـ القلم ــض :: 8 قام بنشر June 30, 2007 صحيح انا ماليش فى السجاير ولا اعرفها ولا عمرى شفتها..وانت عارف كده طبعا ياعبد الله مش السيجاره دى اللى بيشربوها الناس وبطلع دخان اسود كده ويشدوا منها نفس جامد ...وبعدها يعقدوا يكحوا يكحوا لما تطلع عينهم...ويدايقوا بيها اللى حوليهم... اه ...ايوة ايوة افتكرتها...شوفت مرة واحد فى الميكروباص بيشربها!!!!!!! بس هحاول اتخيل معاك.. بص ياسيدى ياسلام لو السيجارة دى كوكتيل أول جزء منها يكون شوكلاته اللى هوا نصفها الخلفى... تخلص الشوكلاته من هنا...يحصلك ايفوريا من هنا عشان تكون سعيد وانت بتشربها ... وتشيل اى كأبه من عندك تانى جزء نخش على بقى على الابخرة ..أول ما تستنشقها...متلقيش نفسك فى الدنيا دى ليه ؟؟؟.., ما انت شميت أحلى بخار شاى بالنعناع من اللى هوا بيعدل المزاج وطبعا لو عندك اى مغص هيروح بالمرة وبعدها تخش بقى على الجزء التقيل اللى فات ده كان فى الضعيف ندخل على الجزء المهم وهو يكون فى نص السيجارة شفاطه ...الشفاطه دى موديه على مكان بعيييييييييييد لحد اخر السيجارة اول ما تنفخ فيها تفرقع لبانه فى وش اللى قدامك عشان لا سمح الله لو متغاظ منه تخرج اى كبت من جواك ويبقى كده عملت كل اللى نفسك فيه ومحدش حرمك من حاجه... يلا ياعم محدش قدك ظأطط بقى وادعيلى لبيتلك كل طلباتك .....عايز ايه اكتر من كده؟؟؟!!! ***ده كان غيظ بعيد عنكم من اللى بيشربوا سجاير...ربنا يهديهم ...كفاية لما أدخل المتحف التشريح عندنا فى الكلية وأقف قدام جار بتاع الرئتين ...وأشوف رئة سليمة ورئة تانية سودااااااا...كان صاحبها الله يرحمة بيشرب سجاير...ببقى نفسى أخدها ووريها لآى حد بيشرب سجاير...أكيد لما يشوف المنظر ويتأكد أن رئته بالمنظر ده ...هيوقف شربها على طووووووووول ثم غريب قوى الشعب بتاعنا ده...مكتوب على العلبة ***السجاير مضرة بالصحة*** وبيشربها سبحان الله شوفتوا أكتر من كده!!!!!!!!!!! ........... ربنا يستر ومضربش بس بعد اللى قولته...أكيد لو اخترعت حاجه تانية هقولكم ......... مازلت أبحث عن عناقيد العنب فى عالم ما زال يعتصر اللهب ما زلت ألبس كل جلدى المتحترق أجتاز لافتة النهاية للبدايه فى غضب وأعيد حلما قد سرق أبى اختزالى فى نفايات الحطب .... شارك هذه المشاركه رابط المشاركه شار ك علي موقع اخر
تقوى القلوب 12 قام بنشر January 1, 2008 رحله موفقه شارك هذه المشاركه رابط المشاركه شار ك علي موقع اخر
Shetos 2 قام بنشر May 3, 2008 طيب ما أحنا ممكن نغير المادة المضرة اللى فيها بمادة فيتامين أو بروتين أو ما شبه.. أو نلغيها خالص وإن كان من رابع المستحيلات.. شكراً جزيلاً.. شارك هذه المشاركه رابط المشاركه شار ك علي موقع اخر
