ohabo raby 87 قام بنشر July 18, 2011 السلام عليكم روحمة الله وبركاته آه يا مصر منك لما ليلك يحل من يوم المنصة وعليكى طل فرد عبايته السودا عليكى وهل ليل المهانة والخراب والذل أبليس وله ألف وش متمرس على الخيانة والغش جاب فى حضنه الخفافيش وبنالها عش فرد عبايته ومنع الشمس عليكى تهل وعلشان مالروايه تكل والخراب يطل أبليس خلف وريث قام الوريث فتح الهويس هويس من الديابة ترعى فى غيطان الغلابة ولسى العباية مفرودة والضلمة ممدودة والفساد بيرعى فجتتك يا مصر كما الدودة مرضتى يا مصر وعلى صوت الآنين آنين الغلابة المقهورين فى الشوارع فى الميادين فى المصانع والزنازين ولا أبليس بيسمع ولا الديابة بتشبع ويزيد الآنين وكل مازاد يصحى واحد من الولاد ولادك يا مصر فى عز العتمة شايفين صابرين لكن مش يأسين عارفين الشمس تيجى منين وفى جمعة غضب قام الشبا بعد السجود شق العباية وطلع للوجود جاب النهار فتح السدود اتعمت كل الخفافيش والديابة اختفت بين الحشيش الله على نهارك يا مصر يلمع شعاع النور فى النيل تشوف العشه قصر وضحكة صبية معدية تقول دا صوت مصر وجندى راسم على وشه ابتسامة نصر آه يا مصـــــــــــر اقتباس شارك هذه المشاركه رابط المشاركه شار ك علي موقع اخر
