ماتركبش دماغك .. يا مواطن اسمع الكلام

[ممدوح 5]

عزيزى المواطن بتاع النضال

 

يا راكب دماغك و غاوى الحلال

 

نصيحة يا صاحبى بلاش الخيال

 

و غمض عيونك و ربى العيال

 

 

 

بلاش المناكفة و لايم و عيش

 

هتتعب معانا و سهمك يطيش

 

نلفق للاهلك قضية حشيش

 

 

 

و تصبح حكاية و نكتة و مثال:

 

تعالى و هاودنا و عدى الامور

 

و عيش فى الطراوة و خش الطابور

 

لكن لو هتزعل و دمك يفور

 

هنشهد نهايتك فى بحر الرمال

 

 

 

هتصبح حرامى هتصبح امير

 

هتصبح حرامى و ندل و اجير

 

و نقدر نلخبط فى اصلك كتيير

 

و جدك شحاتة هيصبح شحال

 

 

 

هنحلف ان الحبايب شافوك

 

بتقبض يا خاين و تقتل اخوك

 

ساعتها مراتك هتلعن ابوك

 

و تلطم و تنعى احط الرجال

 

 

 

مالكش انت دعوة بى اا اللى ضاع

 

و مين اللى شارى و مين اللى باع

 

و مين اللى كيل و مين اللى شال

 

 

 

فحب الحكومة و حب السلام

 

و علم ولادك يشدوا الحزام

 

علشان بكرة هياكلو حمام

 

و ينسوا الاسية و ينسوا الهزال

 

 

 

فلازم يا صاحبى تغمض عنيك

 

و طنش علينا نطنش عليك

 

و اياك تشاور نقطع ايديك

 

و تصبح مواطن ما يسواش ريال

 

 

 

عزيزى المواطن بتاع النضال

 

يا راكب دماغك و غاوى الحلال

 

نصيحة يا صاحبى بلاش الخيال

 

وايه العمل فى حل

[زمردة 2]

الله عليك يا دوحة هو ده الكلام

الله ينور

وسلملي بقي علي النضال

هنبقي زمايل في عنبر واحد

[تويتي 10]

جاااااااااااااااااااااااااااااااااااااااااااااااااامد

بس انا هبقي ازوركم بعيش وحلاوه انت وزمرده

هههههههههههههههههههههههههههههههههه

[زمردة 2]

تويتي سيبي ممدوح في حاله

مش عايزين عيش وحلوة من حد

لانها جميلة بجد

[ممدوح 5]

انا قلت ل كرينكل يقفل المنتدى بالذوق ومارضيش

بس انتوا شكلكم هتودونا فى داهيه

هههههههههههههه

انا مش داخل المنتدى تانى يا عم

بس بجد الف شكر على مروركم بس انا كتبت الموضوع ده علشان زمرده ماتبقاش لوحدها وتبقى تعملى حساب اتنين فى العنبر يا تويتى

[EL3aref 5]

لا فعلاً جامد .. احم احم بس مش جامد اوى يعنى

[بنت مصرية 65]

حلو والله... السخريه المؤلمه

شكرا ياممدوح علي الموضوع الجميل

[ممدوح 5]

شكرا على مرورك ياحبيب قلبى العارف وشكرا على مرورك يا بنت مصريه ويارب يكون بجد الموضوع عجبكم

[حياتى من اجل ربى 22]

ماهو ده لاسف اللى بيحصل فعلالالالالالالالالالالالا

-مشكوووووووور ويارب الحال يتصلح جزاك الله خيرا

تقبل مرورى