لمحت ابليس و ف ايده استماره

[نـــــــــــور 199]

على باب سفارة كندا .

.لمحت ابليس و ف ايده استماره .

.بقول له على فين .

.قاللي بص .

.يا هجره يا اعاره

..يا عم زهقت

..الاقيش معاك سيجاره .

.انا انتهيت خلاص .

.لا نافع وسواس ولا خناس .

.ولا ليا عيش وسط الناس دي عالم مجرمين .

.عندكوا فائض ف الفساد .

.في كل البلاد .

.ومش محتاجين شياطين .

.مليش عيش ف البلد دي ..

..بقالي سنين عاطل .

..و انتوا بتعرفوا .

.تقلبوا الحق باطل

..و تسلكوا القاتل .

.و تمشوا ف جنازة المقتول

..ومفيش مشاكل

..يا عم ده انا بقيت أوسوس بالمقلوب ..

.و أقول للحرامي كفايه بقى توب .

.انت هاتعمل كل الذنوب لوحدك ..

.و أنا ابليس أشتغل واعظ ..

ولا كمساري ف اتوبيس .

.يا عم ده انا زمان .

.كنت استنى حد ينسى يسمي .

.وهو بياكل لقمته ..

دلوقتي كل اكلكم ملوث ..

و بصراحه الواحد خايف على صحته ..

.ده مفيش ضمير اساسا .

.عشان اموته

..و كل واحد بمزاجه .

.خربانه ذمته ..

.يا عم ده كل حاجه اتسرقت .

.وكده الاجيال الجديده ..

م الحراميه اتظلمت .

.يا راجل ده من كتر ما لطشت معايا

..خرجت ف مظاهره .

.مع الناس اللي بتقول كفايه ..

.و برضه مفيش فايده

للشاعر على سلامة

[ريتـــــال 6]

بارك الله فيك //أختى نور

 

وجعلها الله فى ميزان حسناتك

[نـــــــــــور 199]

[ohabo raby 87]

...و انتوا بتعرفوا

..تقلبوا الحق باطل

..و تسلكوا القاتل

..و تمشوا ف جنازة المقتول

 

 

رااااااااااااااااااااااااائع بمعنى الكلمة يا نور

 

ربنا يكرومك ويجعله في ميزان حسناتك

[نـــــــــــور 199]

رااااااااااااااااااااااااائع بمعنى الكلمة يا نور

ربنا يكرومك ويجعله في ميزان حسناتك

 

 

جزانا واياكى حببتى

مرورك اروووووع