البلطجي موش بس بمطوته .. بقلمه و لسانه و كاميرته

[«۞۩ أبو سليمان ۩۞» 179]

بسم الله الرحمن الرحيم

 

 

 

 

اتعودنا من زمان على شكل البلطجي سواء في وسائل الاعلام او اللي كان والدته داعيه عليه و قباله في الشارع مثلا و خد اللي فيه النصيب منه

 

يعني بإختصار شخص غالبا موش مستحمي من كام اسبوع و لابس فانلة حمالات (يعني ده المحترم منهم) و ماسك مطوه او سنجة او سيف او جنزير او سلاح ناري أو ... أو ....

 

طبعا تلاقيه يبص على الواحد مننا و عينيه بتطلع شرار و لا سفاح بغداد في زمانه

 

سبحان الله تلاقي المحفظة بتاعة الواحد بتطلع لوحدها و تديهاله في ذوق و تقوله تفضل حضرتك بس معلش ممكن لو سمحت آخد اتنين جنيه عشان اروح بيتنا ,,, يعني ممكن يكون عمو البلطجي واد ناس و يتعاطف معاك و يديك الاتنين جنيه

طبعا انت اول حاجه تنط في اقربها سرفيس و تروح البيت احسن يرجع في كلامه و الا هتروّح كعابي

 

اما لو عمو البلطجي ده طلع موش ولابد و غالبا هيكون كده .. فيا بطل شد حيلك و سخن رجلك و توكل على الله من غير متحاول ان تناقشه لأن الفئة دي من الناس متحبش اللت و العجن و إلا ممكن تبقى من غير ودن او صباع او اي حاجه المهم هترجع بيتكم ناقص حاجه و برضوا كعابي .. يعني خدها من قاصيرها و اخلع.

*********

 

عموما الفئة دي من البشر من يوم و ليلة لقيناهم بقوا يستحموا يوميا يعني اذا مكانوش بيستحموا في اليوم تلات اربع خمس مرات ,,, و بيلبسوا هدوم نضيفه ... آه و الله يعني ذيينا كده و احسن كمان

 

و الادهى من كده انه بقي فيهم ستات ,, تصدق ..؟؟!!!!!!

 

و قال غيروا اللقب و سموا نفسهم مزيعين و صحفيين ... و وسط الكلام و هما بيتكلموا يقولوا كلام انجليزي و فرنساوي ,, و احيانا ممكن يتكلموا سواحيلي .. اها طبعا مثقافتهم بقيت افرنجي بآ

 

و مع تغيير كل الديكور و الشكل ده ,, للأسف لسه شغالين بلطجة ,, ايوه بلطجة !!!!

 

هما صحيح موش بيمسكوا سنج و مطاوي و مسدسات ,,, بس بيمسكوا اقلام و بيستخدموا كاميرات و يتكلموا بلسانهم

 

بل العكس دول اكتر بلطجة من بتوع الاسلحة ,, عشان البلطجي آخره هياخد المحفظة و الساعة و اي حاجة معاك ,,, و بعد كده تروح بيتكم معزز مكرم و تشرب كباية كركديه ساقع و تحاول تنسى : )

 

اما البلطجية الجدد دول ,, بيسرقوا عقلك ,, يلعبوا بالالفاظ و يغيروا المصطلحات و يكرهك في ناس و يحببك في ناس و يحسسك و هو بيتكلم كأنك قدام الصديق ابو بكر و انه مثال الشرف و الامانه ...

 

على الرغم انه بيحوال بكل جهده انك تغير فكرك و ثقافتك و يوجهك للي هو عايزه ... يعني يخليك من الاخر انسان آلي تتحرك بريموت يمسكه هو في ايده

 

البلطجي ده بيستخدم لسانه في الكذب .. و التضليل و للأسف عنديه طرق انه يخليك تصدق ان الكلام ده صح يعني يجيبلك مقطع فيديو يكون عامل كلوز للكاميرا على مشهد معين على الرغم انه لو فتح كادر الكاميرا هتلاقي عكس الكلام تماما

 

و كمان ممكن يقطعلك حته مشفاية من محاضرة صوتية لشخص معين بحيث توحيلك ان الراجل ده عدو الانسانية الاول

 

على الرغم انك لو جبت المحاضرة كلها هتلاقي ان الكلام يختلف نهائيا في السياق بتاعه عن المعنى اللي وصلك في المقطع

 

اما لما كمان يرضوا عن شخص معين حتى لو كانت فيه عبر الدنيا و الاخرة .. يتكلملك عنه على انه منقذ البشرية و لما تغمض عينيك في هيام تتخيل صورته على حمار ابيض و شايل سيف الحق و كأنه هيحرر الانسانية من العبودية

 

يعني الراجل ده تكون كارهه قبل الكلام ,, و بعد الكلام عنه من عمو نيو بلطجي ,, يعني تتمنى انك تبوس ودانه ,, و تتصور جنبيه كمان ,...

 

للأسف فيه ناس كتير جدا انخدعت و لسه بتنخدع من ظاهرة البلطجية الجدد ...

 

الحل الوحيد عشان تقلب السحر على الساحر و تثبت كدب الجماعة دول

 

انك تسمع من الشخص المهاجَم تسمع منه و لا تسمع عنه ,, و نفس الموضوع عمو الملاك المبجل لازم تسمع منه قبل ما يلدغك و تكتشف في الاخر ان تحت الهالة البيضه تعبان متربص

 

طبعا هناك بعض الصحفيين و الاعلاميين شرفاء و لكن للأسف هم قلة قليلة وسط جماعة البلطجية الجدد اللي انتشروا في القنوات الفضائحية و الجرايد الصفرا و الحمرا و الخضرا و كل الالوان

 

 

و الله المستعان

 

 

 

 

 

 

سبحانك اللهم و بحمدك ,,, أشهد ان لا له الا انت ,, استغفرك و اتوب اليك

[عاشقة الفردوس 161]

صورة معبرة جدا ووصف فاضح ايضا لكل هاؤلاء المنافقين الذين

 

انتشروا في كل البلدان العربية الثائرة هذه الأيام وخاصة في تونس ومصر نسأل الله العفو والعافية

 

وان يقينا شرهم ويفضح خبايا نياتهم

 

بارك الله فيك يا ابني وسلمت وسلمت اناملك ، لا تحرمنا مثل هذه المواضيع يا ابني

 

التي نحن في امس الحاجة لها وخاصة في هذه الفترة الحرجة الا وهي قرب فترة الإنتخابات

 

والكل واقف على رجل وساق في سبيل تزييف الحقائق والكذب وتمويه اصحاب العقول البسيطة

 

الا من رحم ربي ...اسأل الله ان ينصر كل من يسعى الى اقامة دولة العدل والحق دولة الدين الإسلامي

 

وفق الله مسعاك واجرى على لسانك وقلمك كلمة الحق ونصرة الدين

تم تعديل July 25, 2011 بواسطه عاشقة الفردوس

[لامار 94]

اخي العبقري دكتور عبقرينو الذي اسال الله لك ان يكون لك من اسمك نصيب

كل ما نطلبه و نتمناه ان لا تضيعوا الثورة

و نحن بحاجة فقط للوحدة الوطنية

بوركت و جزيت خيرا

[«۞۩ أبو سليمان ۩۞» 179]

أمي الكريمة عاشقة الفردوس ... اكرمك الله و رضى عنك

 

بارك الله فيك يا امي

 

صحيح انتشر هؤلاء المنافقون في كل الدول العربية و الاسلامية و نشط دورهم في مصر و تونس لأننا ننتظر حكما اسلاميا بإذن الله و الذي يعتبر كارثة بالنثبة لهؤلاء

 

ربنا يرد كيدهم في نحورهم

 

اللهم امين

 

سعدت جدا بردك امي ,,, بارك الله فيك

 

 

*******************************************

 

أختي الكريمة لامار ,,, بنت فلسطين .. جزاك الله خيرا اختي الكريمة

 

لا تقلقي اختي ربنا سوف يرد كيد هؤلاء في نحورهم لأنهم يعادون الاسلام و المسلمين بكل ما أوتوا من قوة

 

أختي انتظرونا قريبا على مشارف الاقصى بمساعدتكم و دعمكم ....

 

سعدت جدا بمشاركتك اختي ’’ بارك الله فيك

*********************************************