قصة الحمار مع الجزار

[الفقيرة الى الله 77]

قصة الحمار مع الجزار

 

 

 

 

 

 

 

 

واقف يوم فى عز النهار

 

 

لقيت عربية كارو واقفى من غير حمار

 

 

و الراجل العجوز صاحبها واقف فى العياط منهار

 

 

وعلى الرصيف جنب العربية فاتح محل جزار

 

 

رحت أسأل صاحب الكارو إيه اللى صار

 

 

وسألته عن سبب عياطه وفين راح الحمار

 

 

قاللى جنب المحل أنا كنت راكن

 

 

وطلعت عماره أنزل حاجة ساكن

 

 

نزلت لقيت العربية ومالاقتش الحمار

 

 

ساعتها برج من نفوخى طار

 

 

معقول اتسرقت ف عز النهار

 

 

وقولت يا هل ترى فين راح الحمار؟

 

 

 

معقول يكون زهق منى فغفلّنى وطار

 

 

ولاّ يمكن حصل فيه زى ما بنسمع فى الأخبار

 

 

قولت يا واد مابدهاش لازم تسأل الجزار

 

 

وأول ما دخلت الدكان ولسه هقول يا معلم

 

 

لقيته مجهزلى فلوس ادهالى وهو بيسلم

 

 

وسألته ما تعرفش يا معلم الحمار راح فين

 

قالى أمّال الفلوس اللى ف إيدك تمن مين

 

 

قولتله معقول يا جزار دبحت الحمار

 

 

قالى اللحمه غليت والناس مابتشتريش

 

والحمار اللى دبحته الصبح رفيع مكفنيش

 

 

وبعدين ما الطب البيطرى قال مفيش أضرار

 

 

أيا كانت لحمة كلب أو حمار

 

 

ونصيحة لو أشتريت حمار تانى خبيه

 

 

بدل ما يشوفه جزار ويطمع فيه

 

[ابن النيل86 14]

اختى الفاضلة الفقيرة الى الله مشكورة على هذا الطرح الرائع وعلى الكلمات التى تعبر عن واقعنا المرير الذى نشهده حفظ الله عباده المؤمنين من كل شخص مات ضميره بوركتى اختى الفاضلة ودمتى فى رضا من الرحمن

[الفقيرة الى الله 77]

جزاك الله الفردوس الاعلى اخى

[ali desoky 391]

يانهار يانهار بقي سهل دبح الحمار

استر يا ستار من حرامية الحمار

ده طلع كلام بجد مش هزار

 

 

جميله جدا الكلمات اختي الفقيره الي الله

بارك الله فيك

وجزاك كل خير

ان شاء الله