اذهب الي المحتوي
منتديات ياللا يا شباب

Recommended Posts

  • مشرفي الأقسام
قام بنشر

كل عين تعشق حليوة

و إنتي حلوة في كل عين

 

يا حبيبتي أنا قلبي عاشق

 

و اسمحيلي بكلمتين

 

كلمتين يا مصر يمكن

 

هما أخر كلمتين

 

حد ضامن يمشي آمن

 

أو مِـآمن يمشي فين

 

..........................

 

شابة يا أم الشعر ليلي

 

و الجبين شق النهار

 

و العيون بحرين أماني

 

و الخدود عسل و نار

 

و اللوالي ( اللؤلؤ) بابتسامتك

 

يحكوا أسرار المحار

 

يللي ساكنة القصر عالي

 

إيمتى يهنالي المزار

 

كلميني يا صبية

 

طال علي َّ الانتظار

 

كلمتين يا مصر يمكن

 

هما أخر كلمتين

 

حد ضامن يمشي آمن

 

أو مِـآمن يمشي فين

 

.....................

 

قصرك المسحور غيلانو

 

أغبى من دود الغيطان

 

بعد مص الغصن الاخضر

 

ينحتوا عضم العيدان

 

و اللي خلى الارض خضرا

 

و اللي خلى الدار آمان

 

عاش بجور ملو جوفه

 

مات بخوفه من الغيلان

 

طوّع الغلبان

 

ما قالش عن شقا العمر اللي كان

 

كلمتين بمصر يبقوا

 

هما أخر كلمتين

 

حد ضامن يمشي آمن

 

أو مِـآمن يمشي فين

 

....................

 

أدي كلمة من عذابي قلتهالك

 

باقي كلمة

 

من حنيني صنتهالك

 

في الضلوع من دنيا ظلمة

 

كنت خايف يلمحوها

 

يقتلوها في سكة ظلمة

 

سقسقت و النور بشاير بشاير

 

زهرة الصبار يا سلمى

 

يا نسيم الشوق يا طاير يا طاير

 

خد لمصر في الصبح كلمة

 

طول ما يبقى الركب ساير

 

بالبصاير و العينين

 

يبقى ضامن يمشي آمن

 

يبقى عارف يمشي فين

قام بنشر

رائـــــــــــــــــــــــــــــــــــــــــــــــــــــــــــــــــــــــــــــ

ــــع

 

من دلوقتى لسنه قدام .. تسلم ايدك بجد انا مبهور ..

 

كلامات رهيبه ..

 

شكراً على الشعر الجميل

قام بنشر

الله الله الله عليك يا احمد فؤاد نجم

ربنا يكرموا علي الشعر الجميل ده

ربنا يخليك ويجازيك خير ياجندي

انا بحب القصيدة دي جدا جدا جدا

كرا علي نقلك ليها في المنتدي ...ومستنين اكتر

وكمان انا مع العارف في رايه

  • 1 month later...
  • مشرفي الأقسام
قام بنشر

يبقى إنت أكيد ف مصر

 

فعلا مصر بلد الأمن والأمان

 

يا سبحان الله

 

 

شكرا ليك يا جندى المنتدى

 

بجد رااااائعة وقلبت المواجع

  • 3 weeks later...
قام بنشر

مصر يا

مصر توب حرير لبسته يوم الفرح للفرح

مصر توب طويل لبسته يوم الخوف للأمان

مصر توب أبيض في أحمر لبسته وأنا مقابل ربي شهيد

مصر ........................... لو الكلام يعبر لستلفت ألف لسان

شكرا يا جندي في أرض مصر

  • 1 year later...
  • مشرفي الأقسام
قام بنشر

اول مره اشوف رد اجمل من كلام الشاعر اللى كتب القصيده

رائع اختى الحياه

جزاكى الله خيرا

جعل الله كل ماتكتبى فى ميزان حسناتك

فعلا التميز لو صنعه لتشرف بكى احد صناعه

قام بنشر

مرحبا بالأدب الشعبى الجميل

 

اشكرك كاعادة لا اجد موضعا لك يفوتنى الا قرأته

وابديت شدة اعجابى به

 

جزاك الله خيرا اخويا الشاعر

 

 

تقبل مرورى :)

تحياتى لحضرتك :keda:

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

♥ تسجيل دخول ♥

هل تمتلك حساب بالفعل ؟ سجل دخولك من هنا.

♥ سجل دخولك الان ♥
×
×
  • اضف...

Important Information

By using this site, you agree to our Terms of Use, اتفاقيه الخصوصيه, قوانين الموقع, We have placed cookies on your device to help make this website better. You can adjust your cookie settings, otherwise we'll assume you're okay to continue..