الجندى المجهول 37 قام بنشر November 13, 2008 كلمتين لمصر كل عين تعشق حليوة و إنتي حلوة في كل عين يا حبيبتي أنا قلبي عاشق و اسمحيلي بكلمتين كلمتين يا مصر يمكن هما أخر كلمتين حد ضامن يمشي آمن أو مِـآمن يمشي فين .......................... شابة يا أم الشعر ليلي و الجبين شق النهار و العيون بحرين أماني و الخدود عسل و نار و اللوالي ( اللؤلؤ) بابتسامتك يحكوا أسرار المحار يللي ساكنة القصر عالي إيمتى يهنالي المزار كلميني يا صبية طال علي َّ الانتظار كلمتين يا مصر يمكن هما أخر كلمتين حد ضامن يمشي آمن أو مِـآمن يمشي فين ..................... قصرك المسحور غيلانو أغبى من دود الغيطان بعد مص الغصن الاخضر ينحتوا عضم العيدان و اللي خلى الارض خضرا و اللي خلى الدار آمان عاش بجور ملو جوفه مات بخوفه من الغيلان طوّع الغلبان ما قالش عن شقا العمر اللي كان كلمتين بمصر يبقوا هما أخر كلمتين حد ضامن يمشي آمن أو مِـآمن يمشي فين .................... أدي كلمة من عذابي قلتهالك باقي كلمة من حنيني صنتهالك في الضلوع من دنيا ظلمة كنت خايف يلمحوها يقتلوها في سكة ظلمة سقسقت و النور بشاير بشاير زهرة الصبار يا سلمى يا نسيم الشوق يا طاير يا طاير خد لمصر في الصبح كلمة طول ما يبقى الركب ساير بالبصاير و العينين يبقى ضامن يمشي آمن يبقى عارف يمشي فين كلمتين لمصر _ شعر احمد فواد نجم _ احمد فواد نجم _ الشاعر احمد فواد نجم _ شعر عامى _ قصيده كلمتين لمصر شارك هذه المشاركه رابط المشاركه شار ك علي موقع اخر
EL3aref 5 قام بنشر November 13, 2008 رائـــــــــــــــــــــــــــــــــــــــــــــــــــــــــــــــــــــــــــــ ــــع من دلوقتى لسنه قدام .. تسلم ايدك بجد انا مبهور .. كلامات رهيبه .. شكراً على الشعر الجميل شارك هذه المشاركه رابط المشاركه شار ك علي موقع اخر
بنت مصرية 66 قام بنشر November 13, 2008 الله الله الله عليك يا احمد فؤاد نجم ربنا يكرموا علي الشعر الجميل ده ربنا يخليك ويجازيك خير ياجندي انا بحب القصيدة دي جدا جدا جدا كرا علي نقلك ليها في المنتدي ...ومستنين اكتر وكمان انا مع العارف في رايه شارك هذه المشاركه رابط المشاركه شار ك علي موقع اخر
الجندى المجهول 37 قام بنشر January 6, 2009 بجد مش عارف ارد على كلامك يا عارف شارك هذه المشاركه رابط المشاركه شار ك علي موقع اخر
El-Saher Fantasy 21 قام بنشر January 6, 2009 قديمة صديقي وشريكي مجهود هايل واستغلال لظروف الامتحانات شارك هذه المشاركه رابط المشاركه شار ك علي موقع اخر
NADA 34 قام بنشر January 6, 2009 يبقى إنت أكيد ف مصر فعلا مصر بلد الأمن والأمان يا سبحان الله شكرا ليك يا جندى المنتدى بجد رااااائعة وقلبت المواجع شارك هذه المشاركه رابط المشاركه شار ك علي موقع اخر
الجندى المجهول 37 قام بنشر January 25, 2009 شكرا اختى ندى شارك هذه المشاركه رابط المشاركه شار ك علي موقع اخر
الحياه 20 قام بنشر January 28, 2009 مصر يا مصر توب حرير لبسته يوم الفرح للفرح مصر توب طويل لبسته يوم الخوف للأمان مصر توب أبيض في أحمر لبسته وأنا مقابل ربي شهيد مصر ........................... لو الكلام يعبر لستلفت ألف لسان شكرا يا جندي في أرض مصر شارك هذه المشاركه رابط المشاركه شار ك علي موقع اخر
الجندى المجهول 37 قام بنشر March 14, 2010 اول مره اشوف رد اجمل من كلام الشاعر اللى كتب القصيده رائع اختى الحياه جزاكى الله خيرا جعل الله كل ماتكتبى فى ميزان حسناتك فعلا التميز لو صنعه لتشرف بكى احد صناعه شارك هذه المشاركه رابط المشاركه شار ك علي موقع اخر
دعوه للجنه 457 قام بنشر March 14, 2010 مرحبا بالأدب الشعبى الجميل اشكرك كاعادة لا اجد موضعا لك يفوتنى الا قرأته وابديت شدة اعجابى به جزاك الله خيرا اخويا الشاعر تقبل مرورى تحياتى لحضرتك شارك هذه المشاركه رابط المشاركه شار ك علي موقع اخر
الجندى المجهول 37 قام بنشر March 14, 2010 جزاكى الله خيرا اختى دف الانس بالله ربنا يسعد ويزقك الجنه شارك هذه المشاركه رابط المشاركه شار ك علي موقع اخر
