يـــــــــــــــــــــــــــــــــــارب

[ابن النيل86 14]

يـــــــــــــــــــــــــــــــــــارب

***

يارب انت العليم

غيرك مافيش عالِم

 

اسمك يارب الحكيم

وع القلوب حاكِم

قادر تشيل الأسَى

من قلب خاشِع ليك

وتنصُر اللى اتظلم

فى يوم على الظالم

***

يارب إحنا عبيدك

وأمرنا بين ايديك

وانت اللى قادر علينا

وحاشا نقدر عليك

ياللى بإيدك حياتنا

واجب علينا نراعيك

يامُطـَّـلِع ع القلوب

أنا قلبى ضارع إليك

اقبلنى ع الإيمان

دا انا كل حبى فيك

***

يارب ياللى بإيدك

طير السما مسنود

ياواهب الرزق دايماً

للناس بكل الجود

شاهِد على الكون وعالِم

فى كل شئ موجود

بجاه حبيبى النبى

المصطفى محمود

يارب ماتخـَلـِّى يوم

بينك وبينى حدود

يـــــــــــــارب

 

 

***

**

*

 

يارب راجـِـع إليك

تايب من الماضى

 

 

رامى حمولى عليك

وبكل شئ راضى

باللى هتحكـُـم هاكون

صابر وفيه ماضى

لما خانونى العباد

وظلمنى ميت قاضى

رفعت كفى إليك

وشكيت من القسوه

ماانا تكالى عليك

والمـُـره بيك حلوه

ولوهترضى عليا

أنا هاكون راضى

يــــــــارب

 

 

 

 

 

 

 

 

***

 

**

*

 

 

 

 

 

 

 

 

 

 

يارب قلبـــــــى مال

 

 

 

والذِكـر فـيك مَّـــوال

 

 

رامى حمولى عـلـــــيك

 

قـَوِّينى ع الأحــــمال

***

يــــــــــارب يافـَتـَّـاح

خـَلـِّى الفــؤاد يرتاح

سهـران أنا باناجــــــيك

والليل طِلِعلـُه صباح

***

يــــــارب كـُنت زمان

تــــايه مع العـصـيان

دلوقـتى راجـِـــع إلــــيك

إغفرلى دا انا إنـسان

***

يـــــــــارب ياتـَــــوَّاب

إفـتـَـح لِـنا الأبـــــواب

راجـِـــع إلـيـك باناجـــيك

كان قلبى عاصى وتاب

يـــــــــــــــــــــــــــــــــــارب

 

 

 

 

 

 

 

 

 

 

 

***

**

*

 

يـــــارب يــــامـَـنـَّـان

يـــاخـالـق الأكـــوان

 

إرحم ضعيف نـَدمان

واسـتـُـرنى يارحمـن

===

يـــــــارب يــاقـُدُّوس

طـَهـَّـرت ياما نفوس

خـَـلـِّيت قلوبنا تدوس

ع الكـُـره والعـِصيان

===

يــارب لــو يـرضيـك

حـُـبـِّـى وعِـشقى فيك

بالليل انا باناجيك

تـَـقـِّل لىفى الميزان

===

يـارب ضـَــهرى مال

من شـِـــدِّة الأحـمـال

شـاغـِل خـيالى سؤال

إنـَّـك تكـون غـَضـبان

===

لـــو حـُـب انا سـَـــبـَّاق

عـاشـِـق من العـُـشـَّـاق

والـصـَـبـر لو تـِـــريـاق

هازرع لى كام فـَــــدَّان

يــــــــــــــــــارب

 

 

 

 

 

 

***

**

 

*

 

 

 

 

 

يــــــــــارب بـالـمصطفـَى

 

حـَقـَّـق أمانينا

 

واحـمـيـنا مـن نـَفـســــــِنا

يارب واهدينا

واكـفـيـنا شـَـــــــــر الـعِـدا

واللى بـيأذينا

وابسُــــــط عـلينا رحمِتـَك

واحمينا م الوسواس

يـــــــــــــارب دى محـبـِتك

هِـيَّ اللى تكفينا

يـــــــارب

 

 

 

باسلـِّـم كل شئ لله

وعمرى ف يوم ماقـُلت الآه

ويحلالى الرضا وارضاه

ولوشئ ضرِّنى بانســـاه

الطبيــــــــب الشــــــــــــــاعر

صاحب ديوان

قلـــوب النــــــــــــاس بتـتـكـبـَّـــر

تم تعديل July 27, 2011 بواسطه ابن النيل86

[دعوه للجنه 457]

 

كلمات تفوق الروعة - ماشاء الله

 

 

جزيت خييرا أخى - لكن توجد بعض الكلمات لا تجوز نحو

 

بالمُصطفى باناديــك

 

وما شابهها - العلماء ذكرورا انه لا يجوز التوسل لله بشئ ولو كان النبى صلى الله عليه وسلم ومنه عابوا على بعض كلمات البودره نحو " يارب بالمصطفى "

فعلاقتنا بالله عزوجل ليست بحاجه لربطها لان الاتصال بالله عز وجل مفتوح مباشرة

 

واذا سالك عبادى عنى فانى قريب اجيب دعوة الداعى ولم يقل سبحانه يدعوك وان تدعونى

 

 

فاستأذن حضرتك بالتعديل ....

 

 

 

تحياتى لك.

 

 

 

 

 

 

تم تعديل July 27, 2011 بواسطه دعوه للجنـــــة

[نـــــــــــور 199]

[ابن النيل86 14]

 

كلمات تفوق الروعة - ماشاء الله

 

 

جزيت خييرا أخى - لكن توجد بعض الكلمات لا تجوز نحو

 

وما شابهها - العلماء ذكرورا انه لا يجوز التوسل لله بشئ ولو كان النبى صلى الله عليه وسلم ومنه عابوا على بعض كلمات البودره نحو " يارب بالمصطفى "

فعلاقتنا بالله عزوجل ليست بحاجه لربطها لان الاتصال بالله عز وجل مفتوح مباشرة

 

واذا سالك عبادى عنى فانى قريب اجيب دعوة الداعى ولم يقل سبحانه يدعوك وان تدعونى

 

 

فاستأذن حضرتك بالتعديل ....

 

 

 

تحياتى لك.

 

 

 

 

 

 

اختى الفاضلة

 

تسلمى على مرورك العطر وعلى التوضيح والمعلومات القيمة

 

وتم التعديل اختى الفاضلة

 

بوركتى وجزاكى الله الفردوس الاعلى

 

دمتى فى رضا من الرحمن

 

[ابن النيل86 14]

 

مشكورة اختى الفاضلة

 

تشرفت وسعدت بمرورك الكريم

 

بارك الله فيكى وجزاكى الجنة

 

دمتى فى حفظ الرحمن