حكاية زوج وزوجة...حكاية كل شاب وفتاة

[:: نبـ القلم ــض :: 8]

السلام عليكم

انتى يأبلة ...انت يأستاذ عايز تتجوز..

نفسك تعيش نصك التانى وانت سعيد...عايزة زوج يسعدك ويهنيكى...

.وفيه كل المواصفات اللى انتى عايزاها ...اقرب ...اقرب وجرب...تعالوا شوفوا ...

حكاية الزواج..حكاية كل اتنين متجوزين...حكاية كل شاب او شابه بيقدموا على الجواز

حكلكم النهارده قصة الشاب قصة شابة لم يعرفوا يعنى ايه زواج!!!!!!!!!!!

حكلكم قصة البويضة والحيوان المنوى....وهم دوول اصل الحكاية

................................................................................

..................

تعالو ندق الباب على الشاب ونشوف ايه اللى بيفكر فيه؟؟؟؟؟؟؟؟

ماما انا بحب واحدة وعايز اتقدملها

والله وكبرت يواد وبيقيت تعرف تحب وتختار

امال ياماما ابن راجل...

ها واخترت مين ياحبيبى

اخترت واحدة يابوووووووووى تقول للقمر قوم وانا اقعد مطرحك

والله ووقعت واقف ياواد ...ابوها مين وبيشتغل ايه

عندهم كام عمارة...اهم حاجه مشتركة فى نادى..ماماتها معانا فى الشلة

طبعا يماما ...دوول عيله هاااااى ...هى دى يماما هى دى اللى كنت بدور عليها من زمان

خلاص ياواد اتفق معاها بس انت وانا اكلملك ابوووك ...يجهزلك المهر والشبكة

متشلش هم خالص....دانت الواد على الحجر ...لازم تتدلع وتتهنى..امال!!!

يما نفسى اشوفك قاعد فى الكوشة....هعملك فرح كل الناس تحكى وتتحاكى عنه

................................................................................

.................

ها شوفنا الشاب ...تعالوا نشوف الفتاه المقبله على الزواج..بتفكر فى ايه؟؟؟؟؟؟

ماما انا راحة لواحدة صاحبتى هقد عندها شويه...روحى ياحبيبتى ومتتاخريش!!!

اسكتى ياأختى مش انا بحب واحد...هموت ويكلمنى ومش عارفه اعمل ايه؟؟

واد زى القمر ...عنده عضلات ولا اندر تيكا...ولا شعره ياخراشى واقف بيجيب كل القنوات

قوليلى ...قوليلى اعمل ايه

محتاره ليه يابنتى....اقفى فى طريقه ...كلميه انتى وابدأى انتى صرحيه بحبك

ولو طالت تروحى تخطبيه انتى روحى !!!!!!!احنا فى عصر التحدى عصر الفرص

متسبيش الفرصة تضيع منك ياهبلة!!!!!!!!!اجرى عليه وامسكى فيه بأيدك وسنانك

انتى صح ...ليه لآ ...هصارحه....هقفله فى كل مكان...هخليه يجرى ورايا

................................................................................

......................

ها شوفنا الفتاة كانت بتفكر ازاى؟؟؟؟؟؟؟؟؟؟؟؟؟؟؟

انا لله وانا اليه راجعون.....مساكين مش عارفين يعنى ايه جواز ...مش عارفين يعنى ايه

اسرة وبيت ومسؤليه؟؟؟؟؟؟؟؟؟؟؟؟؟ فاكرين ان الجواز لعبة او لبس حلو وسيك بيشتروه

 

تعاولوا معى نشوف اصل الحكاية ...المسألة ببسهوله ابسط من كده بكتييير

وحل المشكلة دى كلها فينا احنا!!!!!!!!!!تخيلوا سبحان الله

 

تعالوا نشوف البويضة والحيوان المنوى بيعملوا ايه

عمركم شوفتوا البويضه هى اللى بتتحرك من مكانه وتروح للحيوان المنوى!!!!!!!!!!!!

ابدا والله ...البويضة ليس لها سوط لتتحرك لذلك تسكن فى بيتها وهى قناة فالوب

والحيوان المنوى هو اللى يجرى لها ويروح ويعافر ويسافر رحلة بداخل السائل المنوى

ويتبهدل لغاية ما يوصلها...لآ وممكن كمان ميعرفش يوصل لو كان حيوان منوى ضعيف

والاكتر من كده........مش حيوان منوى واحد لآلآلآلآلآلآلآلآ ده ملاين من الحيوانات المنويه

تبدأ فى رحلة كلها مغامرة...الكل يتسابق ليظفر بالبويضة ...ويعالم مين اللى هيظفر بيها

وشوفوا بقى البويضة وحكمتها وعقلها....متخترش اى حيوان منوى كده وخلاص لالالالالا

تختار الحيوان المنوى ذات الصفات القويه....اللى عنده صفات جيده ويقدر يصونها ويحميها

من باقى الحيوانات المنويه

وتخيل معى عندما يدخل الحيوان المنوى ........شوف بقى الاعجاز البويضه تحوط نفسها ويقوى غشائها

ولا يقدر اى حيوان منوى اخر الدخول اليها.........لذلك قلب المرأة لا يسع الا رجل واحد وهو زوجها!!!!

وبكده تكون الحكمة الاهية قد وضعت قوانينها ....فى اختيار الزوج للزوجة واختيار الزوجة للزوج

مش اى حد كده وخلاص..........ولكل فتاه انتى جوهرة مصونة لا تحطى ولا تهينى نفسك ولا تبعى نفسك

رخيصا فى سوق الرجال.......وانت ايها الشاب اختار الزوجة الصالحة ودقق فى الاختيار............

 

واسفة لو طولت عليكم ................مع حكاية اخر من حكايات عاشقة القرأن

الحمد لله الذى هدانا لهذا وما كنا لنهتدى لولا ان هدانا الله

[صناع الحياه 14]

احم احم

شكلي كده هاخد استماره سته

ربنا يستر

[:: نبـ القلم ــض :: 8]

واحنا نقدر ياباشا .......انت اللى مربينى برده

والعين عمرها ما تعلى على الحاجب

بس اخاف بنطبق عليك مثل علمناهم الشحاته سبقونا على الابواب

ولا يهمك ....هتفضل أستاذنا طول العمر...أنت الخير والبركه برده

[صناع الحياه 14]

يا كسوفي يا كسوفي

وشي احمر وجاب ميت لون

شكرا ياعفريته هانم علي البقين دول

وبعدين الحمد لله انا مش شحات اينعم مرتبي بيخلص من نص الشهر علي الكتب والنت بس مش مشكله

اكل مش واعيش متهني

ولا كلش كباب راح يقتلني

وعايز اروح

[:: نبـ القلم ــض :: 8]

ايه ياعبدالله ....متبقاش بيخيل...مجتش على مرة شغلت فيها عقلى

ياساتر...ايه؟؟؟؟؟؟؟؟؟؟سيبنا نحس شوية اننا عايشين

وعلى رايك نعيش شوية متهنين....واللى ياكل لوحده يزور على فكرة

ادينى شويه من بلاص المش ده............وميضرش لو حبة كباب

الدنيا من ده على ده......عشان الواحد مخه ميضربش بس

[صناع الحياه 14]

انا من رايي يا عاشقة القران " عفريته"

انك تعملي زي السواقين بتوع العربيات

تكتبي يافطه وتعلقيها علي رقبتك

زي مبيعملو في عربياتهم

تكتبي فيها العبارات دي

" العين صابتني ورب العرش نجاني"

" يقيني بالله يقيني"

"عضة اسد ولا نظرة حسد"

" ياناس ياشر كفايه قر"

عشان احتمال انا اللي احسدك

ربنا يستر

[:: نبـ القلم ــض :: 8]

ههههههههههههههههههههههههههههه

هههههههههههههههههههههههههههههههههه

هههههههههههههههههههههههههههههههههههههه

والناس كلها تزفينى فى الشارع ...والاطفال الصغيرة تقولى

العفريته اهى ..اهى ...ماشى ياعبد الله ربنا يكرمك..

بس برده ميضرش الحرص واجب...وحرص ولا تخون

وبالنسبه لموضوع الحسد...ياخراشى للدراجه فى ناس

قلوبهم صافيه كده....وعقولهم متواضعة كده...!!!!!!!!

مش عارفه ليه ياعبد الله حاسه انك بتطردنى بالذوق

على العموم هنيالك ياعم ...وبيضالك فى القفص كمان

والله شكلى هضرب...انسحب احسن...سلالالام وعليكووووووا

[صناع الحياه 14]

تنسحبي ازاي وانا بقول عليكي خليفتي في الملاعب

انا خلاص بقيت عضمه كبيره

وانتي افضل خلف لاقل سلف

انا بهزر معاكي لاني عارفك بتستحملي هزار الفيل للنمله

ربنا يوفقك يارب