هل انت مكتئب ...اوى ؟؟؟

[نـــــــــــور 199]

 

ياترى انت مكتئب ؟ حزين؟ تائه ؟ طيب ليه ده كله

هتقولى اصل مشكلتى كبيرة وحاسس ان مش لها حل ..ماشى طيب خليك معايا

وجاوب بصراحه اذا كنت فعلا محبط ويائس

هل انت راضى عن حياتك وما جرى فيها ؟؟؟؟؟؟؟؟

لو فعلا من داخلك قلت اه هتكون غير راضي على الله

هتقول لا انا مقلتش كده

بس هى دى الحقيقة ..للاسف لان ما يجرى فى حياتنا هى اقدار مكتوبه مع الاخذ بالاسباب والتوكل على الملك الجبار

 

كثيرا ما ارى شباب محبط اما لتاخر الزواج او لعدم التوفيق فى اشياء كثيرة

ولما بتسأله بيقول عندى سؤ توفيق وهو محبط من اقداره وحياته

طيب تعال نحلل الموضوع مش ممكن تكون تزوجت وبعدها لم توفق فى حياتك

فابعدك الله عن هذا الامر لانه يحبك ويخشى عليك من تبعات الامر وهو اعرف بطاقتك ورحيم بك عن والديك ... مش الله حكيم يا جماعه ما جنبك الشىء الذى تحبه الا ليحميك مم ماذا لا اعرف هو وحده يعلم

وبعدين نفترض ان الحاجة اللى عاوزها مش هتاخدها فى الدنيا خالص ايه المشكلة يعنى .. فيه ناس تفضل تبكى لله وفى نيتها حتى تحصل على الفرج من عنده وده مش غلط لكن الغلط اننا حصرنا البكاء والقيام كل عبادتنا لاغراضنا الدنيوية حتى اذا ما تحققت تركنا عبادته العظيم المتعالى

 

عاوزين يا جماعه نعبد الله وهو عز وجل فى قلبك رزقتنى يارب بالشىء ده اللى عاوزة انا راضى وان لم ترزقنى به لأرنا الله كيف ساكون عبدا شكورا لا محبطا ولا يائسا

ياللا نتوب الى الله ولا نعبده على حرف ونسأله من نعيم الدنيا والاخرة بس الاهم مش عاوزينك يائس ولا محبط لانه ليس من شيم المؤمن بالله الراضى بقضائه وانتظر ففرج الله قريب

وانظر الى النصف المليان من الكوب وانظر الى الاء الله عليك الاخرى واحمده من قلبك مش بلسانك ..وتامل صنعه وانظر الى السماء الصافيه وتمتع بعبادتك لله وادعوه ان يزيل الغمه ولكن وانت راضى عنه

[لامار 94]

لا تحزن فالله معنا

جزيت خيرا و باررك المولى وحفظك

[نـــــــــــور 199]

لا تحزن فالله معناجزيت خيرا و باررك المولى وحفظك

وجزاكى الله خير اختى لامار على مرورك الطيب