برنامج يجعله عــــامر (أمن الدوله)

[ali desoky 391]

برنامج يجعله عــــامر

 

ح1 (أمن الدوله)

 

 

حدانا في البلد اتجمعوا الشباب المتنورين بتوع الجامعة بيتكلموا عن الثورة والمظاهرات اللي قايمه في ميدان التحرير

 

اللي عيقولك ده آخرة الظلم اللي عاشت فيه البلد واللي عيقول دول شوية شباب فاضي وعاطل من بتوع استغفر الله العظيم (الفيس بوك)...!!!!

 

 

قعدت أنا في ركن المصطبة قدام دارنا اسمعهم من غير ما أتكلم قلت المتنورين دول اكيد عيقولوا كلام يمخمخ الدماغ...!!!!

 

 

وهدان ولد الحاج حسانين ( طالب في كلية الحقوق)

عيقول ان الدستور المصري ده دستور بيخدم الريس وبس وخلاه يحكم البلد زى ملوك زمان من غير ولا ديمقراطيه ولا عدل وكفايه اننا مش عنقدر نتكلم عن الريس الا بكل خير حتي لو في سرنا وخايفين من البعدا اللي ميتسموش ....

 

 

سلامه ولد الحاج جابر ( طالب في آداب علم نفس)

 

البعدا ؟؟ اللهم اجعل كلامنا خفيف عليهم

 

بس يا وهدان ياواكل ناسك عتخبط في الحلل ليه يخرب مطنك

انا بقول ان الشعب المصري اتعود علي كده وهو السبب في كل اللي وصله لغاية دلوقتي لأنه رضي بالظلم والقهر وكان بياخد لموأخذه علي قفاه من زماااان قوي ....

 

 

وهدان : طيب يا بوي ازاي شوية عيال زي دول هيقدروا يعملوا حاجه؟؟؟

دول اكيد وحتما ولابد امن الدوله مش هتسيبهم ....

 

امن الدوله؟؟؟(مرعوبا) اللهم اجعل كلامنا خفيف عليهم ... دول بيعرفوا معلومات وبيعملوا ملف للعيل اللي لسه في بطن امه...!!

ياعمي دول بيعملوا ملف للي عيروح يصلي الفجر في الجامع...!!

فاكرين الواد حموده ولد عم عبد السميع غفير البلد ...؟؟؟

 

 

الكل قال: ايوه طبعا الله يرحمه كان زينة الشباب وكان وحيد امه وابوه يا ولداه.

 

سلامه : هو مات ولا ايه؟؟؟

 

 

دخل بسطويسي ولد الحاج عبدالحفيظ

وقال : احنا اعتبرنا انه مات لان اخباره اتقطعت ليه اكتر من 5 سنين..

 

 

سلامه : الواد كان جريء وشجاع واول ما اتخرج من الكليه كان نفسه يبقي معيد لانه طالع الاول ع القسم بتاعه وظلموه يا ولداه وخدوا ابن العميد معيد وهو ادوله استمارة سته

الواد زعق وهاج في الكل.......

 

وبعدين سمعنا انه قال كلام عفش في حق الكبار لغاية ما امن الدوله شمت بيه خبر

 

وياتري هو فين دلوقيتي ؟؟؟؟

 

محدش يعرف يا ولداه......!!

 

وهدان : يبقي عايزين شوية عيال زي دول تعدي عملتهم دي بالساهل هع؟؟؟

 

 

قام عم سعيد موظف السجل المدني

قال يا جماعه اصبروا وبطلوا كلام وخلاص الجماعة دول اللي في التحرير أكيد أكيد هيروحوا ورا السمس وأنا قاعد وانتوا قاعدين وبكره هنشوف...

 

 

يلا يا واد اعملنا شوية شاي لحسن ابلغ عنك امن الدوله هع هع هع

 

 

وانا قلت حاضر يا عم هعمل الشاي وانا اقدر علي امن الدوله...

 

 

 

 

بعد ما سمعتهم قلت ياتري إيه اللي هيحصل فيكي يا مصر

يا تري إيه اللي هتوصليله يا أم الدنيا

 

 

ويجعله عامر

 

 

تابع معنا حلقات البرنامج يوميا

 

يجعله عامر

تم تعديل August 2, 2011 بواسطه ali desoky

[دعوه للجنه 457]

بعد ما سمعتهم قلت ياتري إيه اللي هيحصل فيكي يا مصر

يا تري إيه اللي هتوصليله يا أم الدنيا

وده ال كلنااااااااااااااا وكل شباب - استغفر ا لله العظيم " الفيس بوك " بيقول كده بردو :rolleyes:

 

 

جزيييييييت كل خير يا مستر ومتابعة ان شاء الله

[ali desoky 391]

وده ال كلنااااااااااااااا وكل شباب - استغفر ا لله العظيم " الفيس بوك " بيقول كده بردو

جزيييييييت كل خير يا مستر ومتابعة ان شاء الله

 

 

 

 

 

بارك الله فيك

سعيد جدا لمرورك ومتابعتك للموضوع

جزاك الله كل خير

ان شاء الله

[الدرة المصونة 3]

جزاك الله خيرا كثيرا

وبجد هستنا كل الحلقات بفارغ الصبر

[نونا19 28]

جميلة جدا يا مستر علي

ومتابعة بأذن الله