ازاى تعرف الانسان المصري ؟

[ohabo raby 87]

بسم الله الرحمن الرحيم

 

السلام عليكم ورحمة الله وبركاته

 

 

أمى الحبيبة مصر

 

 

 

1.لو سألت سواق تاكس على عنوان وبدل ما يدلك

 

 

قالك (إمشي ورايا).. يبقى مصري..

 

 

(وعلى فكرة ساعات كتير بيغير إتجاهه عشان عنده

 

 

رغبة صادقة يوصلك وخايف تتوه)

2.لو صليت في مكان وبعد الصلاة إللي جنبك مد إيده

 

 

وقالك (تقبل الله).. يبقى مصري

3. إذا سمعته بعد أن يضحك يقول " خير اللهم إجعله خير"

 

 

فتأكد أنه مصري ...

4.لو إتصلت بيه في التليفون،وقال لك من غير مناسبة

 

 

"كل سنة وإنت طيب" فتأكد أنه مصري ...

5. لما تقابل واحد علامة وعمره مايقول "ما أعرفش!"

 

 

جينيوس مصري

6. لما تنزل تلاقي واحد ساند على عربيتك وأول ما يشوفك يضحك

 

 

ويقولك(لاموأخذه يا باشا) تعرف إنه مصرى

7. لو دخلت عليه وكان بيأكل ولو حتى عيش وبصل

 

 

 

لازم يقولك إتفضل الأكل ويعيدها عليك

 

 

(ثلاث أربع) مرات تعرف إنه مصرى.

8.ولما ركبه تخبط فى بعضها من الرعب وهو داخل

 

 

قسم الشرطة يعمل بطاقة الرقم القومى...

 

هو ده المصرى بس كان زمان ,,,,,,,,,

9.ولما عربية لا قدر الله تعمل حادثة فى الطريق الصحراوى

 

 

 

أو الزراعى ،وفى ثوانى تقف لها (50)عربية

 

 

ينقذوا المصابين و يعدلوا العربيات و لو اضطروا

 

 

 

يشيلوهم من على الأرض ..........هم دول المصريين

10. لما تلاقي ناس بتقضي العيد فى (المقابر) مع

 

 

حبايبهم إللي ماتوا يبقي أكيد في مصر

11.لما تلاقي سيدة في الرايحة والجاية عمالة تدعي لأولادها ...

 

 

تبقى دي أم مصرية وطموحاتها وأحلامها

 

الشخصية فى الحياة إن ولادها يبقوا مبسوطين.

12.لو شفت واحد وقف فجأة و هو ماشى فى الشارع

 

 

 

و مد إيده على حتة عيش مرمية على الأرض وقام

 

 

رافعها لرأسه قبل مايحطها جنب الرصيف...

 

 

 

يبقى الواحد (أو الواحدة) ده مصرى.

13.لو شفت عامل أول ما ياخد إجرته قام رافعها لرأسه

 

 

و بص فوق و حمد ربنا قبل مايحط الفلوس فى جيبه

 

... يبقى مصرى.

14. لو أديت لواحد فلوس وبدأ يعدها بصوت عالي

 

 

 

وبدأ بقوله الله واحد .. ومع الورقة الثانية:مالوش تاني،

 

 

ومع الورقة الثالثة: العدد ثلاثة .. يبقي أكيد مصري ابن مصري

15. لو شاورت لتاكس ووقفلك فى نص الطريق

 

 

 

عشان تركب حضرتك بمزاج يبقي أكيد مصري

16. لما تيجي تدفع الأجرة لواحد أول مرة تعرفه،

 

 

 

يحلف عليك تخلي بأه يبقى أكيد ده مصرى

17. لما تلاقي خناقة فى الميكروباس والأصوات عليت

 

 

 

جامد وكل واحد فيهم بيحلف إنه يدفع للتاني ثمن التذكرة

 

تبقى تعرف إنهم مصرين

18. لما تلاقي ست البيت بتحوش برطمانات المربي

 

 

(الفاضية) سنين طوال بدون استخدام يبقي

 

أكيد دي مصرية

19. لما أى شخص يقصدك فى خدمة حتى لو ما

 

 

عندكش وقت ورغم ذالك تقوم بعمل الخدمة له

 

 

فأكيد ده مصرى

20. ولما تلاقى شعب فى أكبر أزمه بيمر بيها ...

 

 

 

مابيناسش يضحك ويضحك إللى حوليه

 

 

وكل العالم يتكلم عليه...يبقى إنت أكيد تقصد أعظم شعب...

 

 

 

شعب مصر الحبيب.

تم تعديل August 6, 2011 بواسطه ohabo raby

[نـــــــــــور 199]

رووووووووووووووووووووعة حببتى اهاب ربى

جعلة الله بموازين حسناتك

سعدت جداااااااااا بقررأت الموضوع

[Dr.A7MD 130]

ولما تلاقى واحدة اسمها ohabo raby بتكتب فى منتديات

 

أكيد أكيد هتبقى مصرية

 

موضووووووووووووووع جااااااااااااااااااااامد جداً وبصراحة والله أول مرة موضوع يشدنى فى المنتدى أقعد اقرى فيه لحد ما أخلصه

 

تسلم إيدك أختى على الموضوع الجميل

 

تحياتى ليكى

[ohabo raby 87]

رووووووووووووووووووووعة حببتى اهاب ربى

جعلة الله بموازين حسناتك

سعدت جداااااااااا بقررأت الموضوع

وانا سعدت جدا جدا بمرورك حبيبتى نور

 

ربنا يكرمك ويرزقك كل خير

 

نورتى الموضوع حبيبتى

 

 

ولما تلاقى واحدة اسمها ohabo raby بتكتب فى منتديات

 

أكيد أكيد هتبقى مصرية

 

موضووووووووووووووع جااااااااااااااااااااامد جداً وبصراحة والله أول مرة موضوع يشدنى فى المنتدى أقعد اقرى فيه لحد ما أخلصه

 

تسلم إيدك أختى على الموضوع الجميل

 

تحياتى ليكى

 

 

 

ولما تكتب موضوع وتلاقيه منور كده

 

 

ولما تلاقى واحد اسمه Dr. A7mD

 

 

بينور المواضيع بمروره و رده يبقي اكيد اكيد

 

 

ده مصــــــــــرى وسوهاجى كمان

 

 

جزاك الله كل خير يا دكتور

 

 

اسعدنى تواجدك بالموضوع

تم تعديل August 8, 2011 بواسطه ohabo raby