الدرة المصونة 3 قام بنشر August 6, 2011 (تعديل) الســــلام عليــــكم ورحمــة الله وبركــــــــاته بداية اقدم لكم التهاني بمناسبة الشهر المبارك اعاده الله علينا بالخير والبركات وثانيا بجد انا بعتذر وبشدة عن تقصيري بس لظروف معينة وبجد انا عارفة ان ده ممكن يكون موضوع متكرر بس بشكل اخر ****************************** عن أبي هريرة رضي الله عنه أن رسول الله صلى الله عليه وسلم قال: "ينزل ربنا تبارك وتعالى كل ليلة إلى السماء الدنيا, حين يبقى ثلث الليل الآخر فيقول: من يدعوني فأستجيب له, من يسألني فأعطيه, من يستغفرني فأغفر له" (رواه البخاري ومسلم) قريت الحديث اللي فات ايه رايك فيه اكيد اتهزيت اكيد فرحت اكيد ندمت طيب تعالة اقولك علي حاجة ممكن تعملها في قلب الليل وجربها وصدقني هاتدعيلي في قلب الليل حاول تقوم قبل ما الناس اللي عندك في البيت يقوموا يتسحروا هتلاقي الشقة هادية والنور خافت وممكن تسمع صوت الصمت لو حبيت دور علي مكان مفيهوش حد وياريت يبقي اوضة ليها باب روح اتوضي واطلع البس لبس مناسب ولو عندك اي عطر حط منه وادخل الاوضة الفاضية واطفي النور واقفل الباب اقف استعداد للصلاة وقبل ما ترفع ايدك بتكبيرة الاحرام راجع نفسك وفكرها هي هاتقابل مين وفكرها انه دلوقتي في السما الاولي نزل مخصوص علشانك ايوة علشانك تخيل معايا ان الملك بينزل لعبيده ويطلبهم وانك دلوقتي هاتقف بين ايده ارفع ايدك بتكبيرة الاحرام واقرا بصوت هادي وببطء ومطولش في صلاتك بس عيشها وتخيل نفسك انك واقف قدام عرشه وان مفيش كتير واقف زيك لانك مش في الصلوات الخمس وانه بيباهي بيك ملائكته وانه بيذكرك في نفسه وفي ملأ خيرا من ملأك لما تركع استشعر انك بتنحني امامه ولما تسجد استشعر ان وجهك لمس التراب تذللا وتقربا له وطول في سجودك ومتقلش اي حاجة خالص استشعر فقط احساس انك عبد وانه الملك وان سجودك وذلك وانكسارك هو للملك وساعتها هتلاقي نفسك بتزيد رفعة وعزة وقوة لانك عبد له خلصت الركعتين وسلمت قدامك حاجة من اتنين لاما تقعد في مكانك وتحط راسك بين ايديك وتخفضها او انك ترقد علي جنبك ايوة ارقد علي جنبك زي ما المريض او المصاب او صاحب الفاقة الذي لم يملك طوله وخارت قواه وارتمي علي الارض يطلب العون والرحمة ابدا اذكر ربك باسماءه الحسني بس ليا طلب عندك ......اذكر الاسم ببطء وافتكر مع كل اسم تذكره المواقف والاحداث اللي مريت بيها في حياتك تاكدلك الاسم ده يعني لما تقول ببطء يا رحمن وتكررها افتكر مواقف الرحمة الالهية اللي مريت بيها قبل كدة ولما تقول يا ستار افتكر ذنوبك اللي عملتها بعيد عن الناس وغدرات نفسك اللي انت نفسك بتخجل من نفسك لما تتذكرها وافتكر ازاي هو سترها عليك ومفضحكش علي الرغم من انك استهنت باطلاعه عليك ولما تقول يا غفور افتكر كام مرة اذنبت وقلت هاتوب ومش هارجع تاني وبعدين ضعفك البشري وشهواتك تكسر ارادتك وتذنب نفس الذنب مرة تانية وهو يغرلك في كل مرة ويسامحك ولما تقول يا رزاق افتكر لما تتقطع بيك الاسباب وبيعجز كل فعل وكل واسطة وكل توصية وكل مهارة وكل كفاءة عن تحقيق طلبك وبعدين تلاقي رزقه جايلك من ابعد مكان كنت تتخيله ولما تقول يا ودود كررها كتير واستشعر قربه منك وحنانه عليك ووده وعطفه وكرمه وتدليله ليك وافضل قول يا ودود يا ودود يا ودود وسيب دموعك تجري علي وشك سيب جلدك يقشعر من الاحساس بالقرب منه والوصال بيه وسيب قلبك يدق ويتنفض من احساسه بيه الله الله الله افتكر لحظتها انه نزلك مخصوص وبيطلب منك انك تستغفره مع ان هو مش عايزك انت اللي محتاجله افتكر لحظتها انه بيطلب منك انك تدعي علشان يستجيب ليك تخيل ان الملك بيطلب من عبيده وهما اللي محتاجين افتكر لحظتها انه عاوز يعطيك بس انت اساله اقولك علي حاجة متطلبش ولا تستغفر ولا تدعي يكفيك القرب منه ووصاله ووده وهو اعلم بيك من نفسك واعلم بحاجتك وطلبك وهايحققها ليك لما تقرب منه واعلم بذنوبك وغدراتك وهايغفرهالك وكل ده في قلب الليل عاوزين بجد نبقى احسن شباب بإذن الله في رمضان او بعده يعني نخلي رمضان رمضان التغيير ونتغير للاحسن دايما ونخرج من رمضان وبالنسبالنا رمضان كل السنة وان شاء الله انا واثقة ان احنا هنكون اسرة يللا يا شباب المتعاونة عالخير والمبنية عالحب و التسامح المذكرة بالله تعالى والمعينة عالخير والتقوى وبجد انا بحبكم جدااااااااااا في الله تم تعديل August 6, 2011 بواسطه الدرة المصونة شارك هذه المشاركه رابط المشاركه شار ك علي موقع اخر
نـــــــــــور 199 قام بنشر August 7, 2011 يااااااااااااا على الروعة شارك هذه المشاركه رابط المشاركه شار ك علي موقع اخر
الدرة المصونة 3 قام بنشر August 8, 2011 جزاكي الله خيرا وحماكي وحفظكي ورعاكي شارك هذه المشاركه رابط المشاركه شار ك علي موقع اخر
