صباح الخير

[الحياه]

صباح الخير

 

لفيت كتير .. وتهت في المواويل

ولكني رجعت.. رحال ما بين نفسي وقدري

رحال ولكن فنان.. أطوف ولكن جوايه هي

كانت صبيه.. ولما رجعت لقيتها بهيه

سفرت وحلفت .. ما أرجع اليها الا بالمهر الغالي

وفي يوم وأنا لسه بفكر فيها وبحلم بيها

أصحا علي رنه

أمك ماتت

والسبب حبيبتك

معشقتك

رحنا أحد مستشفيتها

ضحكت وقالت

مفيش دم

والمريضه ده بتموت

أتصرفه

وماتت أمك

ولسه حببتك (مصر) معندهاش الحل

 

أتبرع في 150 طفل وطفله

شاب وشابه

بيموتوا بسب

بلد أو قريه

مفهاش حد راضي أو حاسس أو مقتنع أنه يتبرع بشويت دم .....

تم تعديل November 19, 2008 بواسطه الحياه

[تقوى القلوب]

لا حول ولا قوة الا بالله

 

 

جزاكى الله كل خير

[Shetos]

المشكلة إن الناس حسباها غلط..

 

شكراً الحياة..

[الحياه]

المشكلة إن الناس حسباها غلط..

 

شكرا أخي شيتوس

يارب

 

أسمع نداء أحد عبادك وأرزق أعضاء المنتدي برحمة القلوب

 

أطفال ................. شباب ................... مسنين

 

يحتاجوا إليكم

 

الحياه

[عاشق الصداقه]

لا حول ولا قوة الا بالله

جزاكى الله كل الخير

واللهم اهدنا للعون ما استطعنا

[NADA]

بصراحة يا حياة انت لخبطينى خاااااااااالص

 

 

بس على حد فهمى ان الموضوع ده تقريبا بيتكلم عن التبرع بالدم

 

أهو كذلك؟؟

 

المهم يعنى انا عمرى ما اتبرعت بالدم

 

لانه اصلا مش فيه دم

 

بس بجد لو الموضوع ده مفيد انا من بكره ان شاء الله هروح اديهم كل اللى هما عايزينه

[الحياه]

جزاكي الله خير يا ندي

وشكرا جدا أخي عاشق الصداقه

 

الموضوع مفيد جدا:

 

1* التبرع بالدم بيجدد الدم

2*التبرع بينقذ أطفال أبرياء

3* بيشفعلك يوم القيامه

 

كفايه عليكي تشوفي عيون طفل بريئ بتفتح بسببك

[الحياه]

يارب ................ حك قلوب عبادك الصالحين

 

الحياه

[الجندى المجهول]

بســم الله الـرحمــن الرحيــم

الموضوع اكتر من رائع يا حياه وفعلا كنا محتاجين حد يفكرنا باهميه التبرع بالدم

يا ندى فكرتى انك ام لاجمل طفل فى الدنيا ولا قدر الله طفلك حصلتله حدثه وبيموت ومش لقين فصيلت دمه او مش لقين دم خلص وفى اخر لحظه ظهر متبرع بالدم فكرى وتخيلى موقفك عامل ازاى نفسك تكافى المتبرع ده ازاى تخيلى بقى نفسك مكان المتبرع وشفى ربنا حيكفك ازاى

[«۞۩ أبو سليمان ۩۞»]

موضوع رائع حياة

ربنا يجعلنا عون لعباده

[بنت مصرية]

موضوع مهم جدا ياحياة

لانه اصلا مش فيه دم

للاسف هي دي الجمله الي كتير بنسمعها من الناس لما نطلب منهم التبرع بالدم

والله بحزن جدا لان الواحد واخد العمليه هزار ....انا عن نفسي كان نفسي اتبرع بالدم اوي

واول ماكملت 18 سنة روحت اتبرعت في رمضان اللي فات برغم اني عندي نسبة الهميوجلوبينوده سبب اني اتاخرت في التبرع شويه ... ناقصة جدا في

دمي وده تقريبا سببلي مشاكل كتير من الأخر كنت علي وشك الاصابة بفقر الدم الحاد ومع ذلك اصريت بالتبرع وتبرعي بالدم

نظم الدنيا وجدد دي زي ماقالت الحياة وكمان ياجماعة ده صدقة جارية ...

حكتلكم علي موقف شخصي برغم عدم محبتي لده لكن علشان تصدقوا وبعدين الجزء من دمك الي هتتبرع بيه ده تخيل ممكن يعمل ايه لانقاذ حياة طفل تخيلوا ياجماعة حاجة بسيطة ممكن تعمل ايه ومتبخلوش علي نفسكم بالثواب .....

صدقوني الدنيا ايه وتساوي ايه دورا علي الخير واعملوه....

جزاك اله خير ياحياة وجعل الموضوع ده في ميزان حسناتك

تقبلي مرور وحبي

[eng_alaa]

1* التبرع بالدم بيجدد الدم

2*التبرع بينقذ أطفال أبرياء

3* بيشفعلك يوم القيامه

 

التبرع مفيد لكل الأطراف ...

 

واللهم اهدنا للعون ما استطعنا

 

ربنا يتقبل منك دعاءك ويهدنا بفضله لمساعدة المحتاجين ولهفتهم

[الحياه]

أه

يا دم بيجري في عرقي

وأنا أحيا

بأنتظار الموت

لك الله يا غزة

الحياه

[ABOTASNEEM]

انا حابب انى من خلال الموضوع ده اذكركم بالتبرع بالدم

 

لاهالينا فى غزة

 

وكلنا بنشوف الحالة اللى هما فيها

 

واللى مش حاسس بيهم

 

هو ده فعلاً اللى معندوش دم

 

اتبرع واياك تبخل

 

جزاكم الله خيراً

[الحياه]

شكرا جدا

ولكن

أين العمل

وليس

الدموع

[رجل من الصحراء]

جزيتي خيرا اختي