برنامج يجعله عــــامر (شفت مسلسل انهردي؟؟)

[ali desoky 391]

برنامج يجعله عــــــــامر

ح3(شفت مسلسل انهردي؟؟)

 

 

 

شفت مسلسل انهردي؟؟

 

 

ديكت النهار كنا عنحكي انا والواد حسن ولد الحاج رمضان بيقولي عن مسلسلات رمضان السنادي وانه حاسس انها هايفه وملهاش طعم .....

 

قلتله يا ابو علي هو انت عتتفرج علي مسلسلات ؟؟ وعتلاقي وقت ليها؟؟

 

 

قاللي والله يا صاحبي بتسلي وزي منتا عارف الدنيا صيام....!!

 

 

دخل في الموضوع الواد شريف واد عم صديق وقال وهو مستغرب هو انت عتتفرج علي المسلسلت في النهار يا واكل ناسك؟؟

 

 

استغربت انا وقلت هي تفرق يا شريف يعني؟؟

 

 

قاللي ايوه النهار بنكون صايمين يعني حرام اما لو بالليل مش مشكله مش هيحصل حاجه...!!!

 

 

ضحكت وقلت بالليل مش مشكله؟؟ طيب...

 

وايه المسلسلات اللي عتتفرج عليها وطلعت هايفه يا عم حسن؟

 

 

قاللي يووووه كتير يا عم ... انا قعدت اعد المسلسلات اول يوم في رمضان لقيتهم حوالي 100 مسلسل.!!

 

 

استغربت انا وقلتله 100 مسلسل؟

 

 

قاللي ايوه والله غير المسلسلت اللي علي القنوات المشفره..

 

 

قلتله: مشفره كمان؟

 

طيب وانت لما بتتفرج علي المسلسلات بالنهار عتروح شغلك امتي؟

 

 

قاللي : شغل ايه يا صاحبي انا اخدت اجازه شهر..!!

 

 

انا: شهر؟ ليه كده؟

 

 

حسن: علشان اركز علي الحلقات ومش عاوز تضيع مني ولا حلقه من أي مسلسل..!!

 

 

شريف: لا يا عم انا احسن منك انا بشوف الحلقات كلها بالليل ومش بتضيع مني ولا حلقة..!!

 

 

انا: طيب ولما بتسهر الليل كله بتروح شغلك بدري علي كده؟؟

 

 

شريف: لا والله انا كل يوم بروح الشغل بعد معادي بساعه ... بس اسكت يا واد انا بعوض النوم هناك في الشغل..

 

بروح هناك انام ساعه او اتنين علشان اعرف اسهر في البيت...!!

 

 

 

فجأه قمت من علي الكرسي ومشيت....

 

 

نادوا عليا... رايح فين يا د ..... خد تعالي

 

 

قلتلهم رايح علي فين يعني ... رايح بيتنا اصل لسه مشفتش الحلقة بتاعت المسلسل وخايف تضيع مني انا كمان......

 

 

ويجعله عامر

 

 

 

 

 

 

 

تابع معنا حلقات البرنامج يوميا

 

يجعله عامر

[عاشق الصداقه 525]

سلامو عليكو

 

إزيك يا واد يا على يا أبو دسووووق

 

يجعله عامر علينا وعليك يا ود عمى

 

تسلم والله ع الطلعه دى - كلام واعر عاد

 

بس اوعاك تقلدهم يا جويـــــن .. صوم صوح عشان ربنا يغفرلك

 

اسمع مشايخنا وكباراتنا اللى ربنا كرمنا بيهم وإقرأ قرآن وعيش رمضان زين عشان تقدر تكمل بعده زين ،، سيبك م المسلسلات والشغل الماسخ ديه

 

وربنا يهدى

[ohabo raby 87]

بارك الله لنا فيك يا مستر

 

وجزاك الله عنا كل خير

 

وربنا يجعله عامر بـــــــــس مش بالمسلسلات طبعا !!

 

 

 

بس اوعاك تقلدهم يا جويـــــن .. صوم صوح عشان ربنا يغفرلك

 

اسمع مشايخنا وكباراتنا اللى ربنا كرمنا بيهم وإقر

 

أ قرآن وعيش رمضان زين عشان تقدر تكمل بعده زين ،،

 

سيبك م المسلسلات والشغل الماسخ ديه

 

 

وربنا يهدى

 

بسم الله ما شاء الله

 

اللهجة صعيدي صعيدي

 

ربنا يزيد ويبارك

[ali desoky 391]

سلامو عليكو

إزيك يا واد يا على يا أبو دسووووق

يجعله عامر علينا وعليك يا ود عمى

تسلم والله ع الطلعه دى - كلام واعر عاد

بس اوعاك تقلدهم يا جويـــــن .. صوم صوح عشان ربنا يغفرلك

اسمع مشايخنا وكباراتنا اللى ربنا كرمنا بيهم وإقرأ قرآن وعيش رمضان زين عشان تقدر تكمل بعده زين ،، سيبك م المسلسلات والشغل الماسخ ديه

وربنا يهدى

 

 

 

وعليكو السلام

الله يخرب مطنك يا واد

والله واحشني كاتير كاتير يا كبير

والمينتدي من غيرك ملوش حس واصل

ارجع يا واد نور المينتدي تاني

 

تمثيليات ايه يا واد ومسلسلات ايه اللي الواحد يقعد قداماتها!!!

الواحد عيتلكك عشان يزود حسناته في رمضان

يقوم يتفرج علي الكلام الماسخ ده ...!!

 

التلفزون ده الحمد لله زي الجزره اللي قطمها جحش

نورت الموضوع يا كبير

وخلينا نشوفك كتير حدانا

[ali desoky 391]

بارك الله لنا فيك يا مستر

وجزاك الله عنا كل خير

وربنا يجعله عامر بـــــــــس مش بالمسلسلات طبعا !!

 

 

 

 

نورتي الموضوع يا اختي

وجزاك كل خير

علي مرورك الكريم

بارك الله فيك

 

[الرّام 173]

حلو يا مستر علي ,,

على كده شوّيه شويّه و المينتدى كله عيتكلم صعيدي صح الصح

بارك الله فيك على هذه السلسله الزاخره بالمضمون الوافر

جعلها الله في موازين حسناتك

ان شاء الله

[ali desoky 391]

حلو يا مستر علي ,,

 

على كده شوّيه شويّه و المينتدى كله عيتكلم صعيدي صح الصح

 

 

 

المينتدي عيتكلم صعيدي والله يا اختي

كفايه ان اللهجه الصعيدي تعتبر شبه اللهجه التونسيه او قريبه منها

كده يبقي ضمنا ان الصعيدي يكسب

 

 

 

بارك الله فيك على هذه السلسله الزاخره بالمضمون الوافر

جعلها الله في موازين حسناتك

ان شاء الله

 

 

 

بارك الله فيك

وفك كربك ويسر امرك واراح بالك واسعد حالك

وجزاك كل خير

[عاشقة الفردوس 161]

ياعيني يا عيني على اللهجة الصعيدي التمام

سلسلة جميلة جدا يا ولدان

اضحك الله سنك يا علي

معلش ردود متأخرة ولكن انا وعدت نفسي اني اتابع نشاطاتكم بعد رمضان