نونا19 28 قام بنشر August 21, 2011 انا المصري بقلم/ انجي محمد الطالبة بالفرقة الرابعة قسم علم نفس جامعة حلوان جوايا ليكى مليون سؤال لا ينفع فيهم مثل جدودى ولا حكم ليه دايما بتخنقى فيا الكلام ليه يا مصر ده انا حماكى ليه برغم اللى بشوفه فيكى بأغانيكى يتهز البدن ليه لو بأعلى صوتى من القهر صرخت وضمتينى بحنانك يوم بنسى بيه كل المحن ليه رغم القسى اللى بشوفه من ولادك اخواتى واحبابك لما الاقى منهم بسمه صباح بنسى بيه كل الالم ليه يا مصر فيكى سر خافى جوه القلوب مدارى مايعرفوش غير رب النعم رغم الطفوله والشقاوه والكبر يصعب عليا اشوف اسمك بيتهان ويملانى فخر انك اعظم بلد يمكن عشان نهارك ولا نيلك ولا وترابك ولا سحر ليلك ولا ولادك جنودك اللى بيضرب بيهم المثل ولا طيبه فى القلوب ساكنه ولا شبابيكك لما بتتفتح ويطل منها الوشوش شمس نورها سطع فيكى ايه يا مصر يا ام التلات حروف بس اسمك فى ودانى تأثيره عجب طب ليه يا مصر بعد كل الاصاله تورينا فيكى العجب ليه عشان احبك يا مصر كأنى بحفر لمنجم دهب اتعب واتذل والشقى على جبينى مر بس لما بوصل لحلمى فرحه الدنيا كنوز ما يساويها حبه عرق حنى عليا يا ام الاصاله اللى زرعتيها فى دمانا وارفعى راسى لفوق نسينى بحنانك التعب حنى عليا حنى عليا ده انتى اسمك فى القلب غال افديكى بروحى بسبب ومن غير سبب يا ام الجبين شقيان راسم الف حضاره يحكى عنها الغرب والعرب متخلنيش اكرهك ده الكره نار تقيد فى قلبى يطفيها حنين الوطن ضمينى يا اما لحضنك وحابى عليا ادينى لعبه مش آسيه اقتلى كلابك اللى ياما نهشوا فيا طهرى فسادك وارجعى نقيه تعبك ساعتها هيبقى ليا ميه نيلك اللى تروى جفا عروقى وفرح قلبى سعاده بعد الم اقتباس شارك هذه المشاركه رابط المشاركه شار ك علي موقع اخر
