برنامج يجعله عــــامر (انا عامل اضراب انهردي)

[ali desoky 391]

برنامج يجعله عــــامر

(انا عامل اضراب انهردي)

 

 

 

 

 

 

 

(انا عامل اضراب انهردي)

 

 

حكاية الموظفين اللي عمالين يعتصموا ويوقفوا في التحرير دي زادت عن حدها والله

الواد بسطويسي ولد الحاج همام شغال في السكه الحديد بيقول انهم عاملين اعتصام علشان يزودوا بدل النقدي بتاعهم وحددوا المعاد وخلاص رايحين علي التحرير

رجع بسطويسي من التحرير زعلان ومكشر ووشه عليه غضب الدنيا

بقوله ايه الحكايه يا عم بسطويسي حصل ايه معاكم في التحرير؟؟؟

قال يا علي يا ولدي تحرير ايه واعتصام ايه........!!!

انا لقيت هناك كل الموظفين عاملين اعتصام ومفيش موظف عاجبه حاله!!

تصدق يا علي لقيت هناك موظفين في البترول مش عاجبهم مرتباتهم

اه والله في البترول

قلتله ومالهم بتوع البترول دول يا عم بسطويسي

قاللي قال ايه مرتباتهم اقل من 5000 جنيه وعايزين الحد الادني بتاعهم يبقي 5000 جنيه

بصراحه انا وعمال السكه الحديد زمايلي اتكسفنا يا وليدي دول ناس عايزين 5000 جنيه في الشهر واحنا مرتباتنا موصلتش 400 جنيه حتي.....

سمعت الكلام ده وضحكت وقلت والله غريبه يا بلدي

رايحه علي فين يا مصر

ويجعله عامر

تابع معنا حلقات البرنامج

 

يجعله عامر

[عاشق الصداقه 525]

جزاك الله خيراً يا على ،، وبجد معاك حق ،،

أنا أكتر حاجه خنقانى وإللى بتشوه شكل الثوره (الإعتصامات الفئوية) ،، الناس فاكره ان فيه عصايه سحرية هتتضرب بيها مصر بخ بخ تبقى مليون الميه

 

كمان الناس أول ما شمت الحرية أول حاجه البنى آدم بفكر فيها نفسه !!!!!

محدش فكر فى الغلابه ؟؟ فى مصر كلها ؟؟

 

أقسم بالله وأنا بهاجم الظاهره دى أقسمت إن بعد الثوره لو جم قالولى (الدولة) - خد وظيفه أهى بألفين ولا 3 ألاف جنيه فى الشهر - أقسمت بالله هقولهم أنا حالى أفضل من ناس تانيه بكتييييييييييير ،، روحوا أدوها للى عايشين فى المقابر دول واللى حالتهم تحت تحت الصفر فى مصر ،، مش فيه اولويات يا إخواننا ؟؟ ولا كل واحد هيقضيها نفسى نفسى !! - سبحان الله ،، والواحد بيقول على حاله - الحمد لله والله لما يشوف الناس دى وربنا يهدى

[ali desoky 391]

جزاك الله خيراً يا على ،، وبجد معاك حق ،،

أنا أكتر حاجه خنقانى وإللى بتشوه شكل الثوره (الإعتصامات الفئوية) ،، الناس فاكره ان فيه عصايه سحرية هتتضرب بيها مصر بخ بخ تبقى مليون الميه

 

كمان الناس أول ما شمت الحرية أول حاجه البنى آدم بفكر فيها نفسه !!!!!

محدش فكر فى الغلابه ؟؟ فى مصر كلها ؟؟

 

أقسم بالله وأنا بهاجم الظاهره دى أقسمت إن بعد الثوره لو جم قالولى (الدولة) - خد وظيفه أهى بألفين ولا 3 ألاف جنيه فى الشهر - أقسمت بالله هقولهم أنا حالى أفضل من ناس تانيه بكتييييييييييير ،، روحوا أدوها للى عايشين فى المقابر دول واللى حالتهم تحت تحت الصفر فى مصر ،، مش فيه اولويات يا إخواننا ؟؟ ولا كل واحد هيقضيها نفسى نفسى !! - سبحان الله ،، والواحد بيقول على حاله - الحمد لله والله لما يشوف الناس دى وربنا يهدى

 

 

اولا وبدون اي مقدمات

الحلقة زادها نورا رد اخي وحبيبي عاشق الصداقه المميز

 

بارك الله فيك يا اخي وجزاك كل خير

 

 

والله موضوع الاضرابات والاعتصامات زاد عن الحد

لكن والحقيقه يجب ان تقال فن الناس معذوره

لانك حين تجد ان من يقوم باعتصام هو فقط من ياخذ حقه فيجب ان تقلده

حين تجد الحكومه لاتعرف عنك شيئا الا حين تقوم باعتصام فيجب ان تعتصم

وكلنا نتذكر موضوع محافظ قنا النصراني وكيف ان قطع خط السكه الحديد واعتصام اهالي قنا

هو الشيء الوحيد الذي جعل رئيس الوزراء يتحرك ويقوم بايقاف اجرارءات تعيين المحافظ

والان نجد ان الاطباء قاموا باعتصام وبالفعل اخذوا جميع حقوقهم لذا سنجد الصيادله والمدرسين و و و

والكل سيعتصم مادام الاعتصام هو الحل

 

انا هنا لا اطالب بالاعتصام ولكن اطالب بنظره افضل لكل الناس ليس فقط من يقوم باعتصام او اضراب

ويجعله عامر