الاعلان عن ... بدء تكوين فريق عمل ياللا يا شباب

[عاشق الصداقه]

بسم الله الرحمن الرحيم

 

 

من أجل تفعيل دور الأعضاء فى خدمة المنتدى وخدمة الشباب بوجه عام

قررنا بدء تكوين فريق عمل ياللا يا شباب ..

 

ومميزات أعضاء فريق عمل ياللا يا شباب :-

 

* سيكون لفريق العمل الشأن الأول فى المنتدى وطرح أفكاره .. وتطويره ..

* سيساهم فريق العمل فى خطة الإرتقاء بجروب ياللا يا شباب .. والذى كان بداية الطريق لهذا المنتدى ..

وللأسف تم اهماله قليلاً ... ولكننا نوينا تفعيله من جديد .. وبشكل جديد .. وبخطة عمل ناجحه تماما بإذن الله ..

* سيكون لفريق عمل ياللا يا شباب ... توقيع موحد " صوره " فى المنتدى بالإضافه الى توقيعهم الحالى ...

وسيتم تتويجهم بوسام فريق عمل ياللا يا شباب ...

* سيكون فريق العمل على اتصال مباشر بى .. لأى ظرف من الظروف وفى أى وقت ..من أجل تفعيل الدعم المباشر للإرتقاء الحقيقى بالمنتدى .. والجروب " جروب الياهو " ..

* سيتم لاحقاً .. إضافة ميزات جديده على فريق العمل ... بعد مناقشتها بين المشرفين ... وأخرى للمتميزين بفريق العمل

 

علماً أعضاء فريق عمل ياللا يا شباب ... سيكونوا متطوعين لخدمة المنتدى والجروب ... وتحت إداره واشراف ..

ويجب التزام الجديه فى التعامل والأداء ... ويحق للإداره اعفاء اى من اعضاء فريق العمل عند العلم بتقصيره فى اداء مهامه دون ظرف .. او اخر ...

 

المهام المطلوبه من فريق العمل ... سيتم توضيحها بعد الانتهاء من تكوين الفريق . ولكن نذكر منها بشكل عام :

* مسئولية فريق العمل عن نجاح اقسام المنتدى .. كل فى القسم الذى يختاره ...

ومتابعة مواضيع المنتدى مع طاقم الاشراف والتبليغ المباشر والسريع عن اى مخالفه فى المنتدى ...

* سيتولى فريق العمل مهامه فى تنشيط وتفعيل الجروب ..

وذلك عن طريق اختيار افضل 3 مواضيع من القسم الذى سيختاره العضو .. وارسالهم للجروب .. وستكرر هذه العمليه مره واحده فى الاسبوع .. اى ليست مرهقه لفريق العمل .. حيث انك سترسل 3 رسائل اسبوعيه للجروب من القسم الذى تفضله .. وسنكون بذلك قد ارسلنا افضل المواضيع بكافة الاقسام الى الجروب .. بسهوله وبساطه .. وحققنا الربط المباشر بين الجروب والمنتدى ..

وسيتم تسليم كل عضو فى فريق العمل مركز رفع صور لتسهيل المشاركه عليه ... كما سيتم بعون الله تسليم كل عضو توقيع يظهر فى كل رسائله المرسله للجروب .... كما بالنموذج التالى

 

 

ويمكن ذكر الايميل او عدم ذكره .. حسب الرغبه فى ذلك ..

ايضاً ..سيتم بعون الله اضافة ميزات اخرى ومهام اخرى للفريق ... على الا يرهقهم ذلك

 

مميزات تكوين فريق عمل ياللا يا شباب :

 

* تشجيع روح المشاركه .. والعمل الجماعى فى خدمة " ياللا يا شباب " والذى بدوره يخدم الدين والشباب - بإذن الله

* ضمان سلامة المنتدى من أى عيوب تواجهه ... وسرعة الوصول لأى مشكله طارئه وبالتالى سرعة حلها - بإذن الله

* ضمان نجاح الجروب وسيره فى الطريق الصحيح الذى يوصلنا لأكبر كم من المشتركين ... لكى ننشر وعينا وأفكارنا ومواضيعنا .. ونخدم أكبر قدر ممكن من الشباب فى جميع البلاد العربيه ...

* ضمان سير عملية ارسال الرسائل عبر البريد الالكترونى لعضاء الجروب بحيث يصل للعضو حوالى 15 رساله اسبوعياً ..

تحمل بين طياتها أفضل المواضيع فى شتى الأقسام والمجالات ..

تنميه بشريه - ثقافه - فكاهه - برامج - اسلاميات - أشعار - صور - دروس ... والمزيد ... بعد المناقشه والتنسيق مع الفريق بإذن الله

* الربط المباشر بين المنتدى والجروب والشباب من جميع الاعمار وبمختلف الاهتمامات فى مكان واحد واسره واحده .. " ياللا يا شباب " ..

 

 

من لديه الرغبه فى الالتحاق بفريق عمل ياللا يا شباب :

* فقط كتابة رد فى هذا الموضوع موضحاً فيه خبراتك .. أو المجال الذى تستطيع ان تعطى فيه " تخصصك "

وبعدها سيتم إلتحاقك بفريق العمل بإذن الله

........

وسيتم بعد مراجعة المتقدمين لفريق العمل ... إختيار أفضل المتقدمين ... والذين على استعداد حقيقى لخوض هذه التجربه ..

وذلك بعد مراقبة دعمهم للمنتدى والجروب والتزامهم بالشروط المطروحه ...

وبعد الاستقرار على أعضاء فريق العمل ... سيتم الاعلان عنهم فى المنتدى ... واسناد المهام المطلوبه لهم ...

والبدء فى حملة لخدمة شباب العالم العربى من خلال " ياللا يا شباب " ... وأعدكم أن أعمل جاهداً على إنجاح مثل هذا العمل ...

 

هام جداً:

لا يتطلب فى اعضاء فريق العمل الخبره او الاحتراف ... فقط يتطلب فى عضو فريق عمل ياللا يا شباب :

الحماس .. والرغبه فى عمل شىء يخدم المنتدى والجروب .. ويخدم الشباب واخلاص النيه فى ذلك لله تعالى .. فما من مستفيد منا .. غير خير الجزاء من المولى عز وجل - وأسأل الله أن يوفقنا فى هذا العمل ... ويجعله فى ميزان حسناتنا واياكم _ امين

 

 

تحديث هام جداً جداً

1- يشترط الجديه فى التعامل كفريق عمل مسئول عن نجاح ورعاية قسم معين فى المنتدى

2- سيكون هناك رتب لفريق العمل .. فمن يثبت جدارته سيتمتع بميزات المشرفين وبعدها يتم ترقيته لمشرف

ومن يثبت جدارته بكامل المنتدى والجروب سيأخذ تصريح وميزات المراقب العام وبعدها يتم ترقيته لـ مراقب عام

3- عند إشتراكك كفريق عمل ستنضم الى مجموعة المتقدمين لفريق العمل ..وتتم مراقبة نشاطك وعطاؤك وتفاعلك فى المنتدى لمدة شهر

وان كنت جاداً سيتم ترقيتك لفريق العمل .. وان لم يكن كذلك ستعود لرتبتك كعضو ..

4- فى حالة ان لاقى احد اعضاء فريق العمل ظروف تجبره على الغياب لفتره عن المنتدى .. يجب عليه ابللاغ الإداره بذلك رسمياً

فسيكون عليك كفريق عمل التزامات فى المنتدى لابد ان ترى ادارة المنتدى احداً ليعطى فى مكانك عند غيابك لضمان استمرارية نجاح قسمك

5- اذا زادت فترة غياب احد اعضاء فريق العمل عن شهر دون سبب معلوم .. سيتم اقالته من فريق العمل .. ويستطيع التقدم مره اخرى حين عودته

وستكون له اولوية القبول استناداً لعطاؤه السابق فى المنتدى

7- يجب التزام فريق العمل بمتابعة قسم فريق العمل دورياً لمعرفة ما عليه عمله ومواعيد اجتماعات فريق العمل وعقد الكونفرانس الدورى للتنسيق

8- من لا يلتزم بكافة البنود المطروحه .. فلا حاجة للمنتدى به .. لأن من الضرورى العطاء بنظام وجديه لنستطيع الاستمرار فى نجاح مستمر

فلا هدف لنا ولا مصلحه لنا ولا مكسب الا افادة الشباب فى الوطن العربى ورضا الله عنا .. ولينجح هذا لابد ان نكون على قدر من تحمل المسئوليه

تم تعديل September 2, 2007 بواسطه ::عاشق الصداقه::
تم التعديل واضافة شروط جديده فى 2-9-2007

[:: نبـ القلم ــض ::]

كلنا معاك ياريس....فى ضهرك على طول (مش اتب ) لآ متخفش

وأشكرك على هذه المفاجات الجميله...يجعله الله فى ميزان حسناتك

يوم القيامة...وربنا يعز المنتدى وينصره ويحفظه من ايدى الحاقدين

وانا عن نفسى هبذل كل ما فى وسعى وهأقدم كل ما يجعل المنتدى فى تطور مستمر

ويكون شمعة تحترق لكى تضئ الطريق لقلوب الحيارى والتائهين ...سواء كنت

من ضمن فريق العمل او حتى من براه....لانى اؤمن بأن بداية الاف ميل خطوة

وبداية الغيث قطرة....

وعايزة اقولك واقول لكل اصحابنا فى المنتدى خلوا نفسكم طوووووووووووووويل ...

لان اصحاب الرسالة لازم يتحلوا بالصبر...والطريق مش ممهد مفروش بالورد لكنه ممتلئ

بالاشواك...وملئ بالدغات التعابين...اللى عيزلها ارواح بتضحى مش بتتكلم وخلاص....

عشان يقدروا يكملوا طريقهم للنهايه

[عاشق الصداقه]

أشكرك أختى الكريمه عاشقة القران على الرد الجميل .. والحماس الكبيييييييييير ..

وسعيد انك تكونى اول المتقدمين لفريق عمل ياللا يا شباب

وان شاء الله هيكون عمل ناجح جدا .... وكلنا حنتشرف بيه فيما بعد ...

وياريت الكل يشارك ... واللى فى نفسه عاوز يعمل حاجه ... اهى الفرصه جاتلك .. متضيعهاش ..

[عميد كلية الحب]

و انت قلتها يا احمد واللى فى نفسه عاوز يعمل حاجه ... اهى الفرصه جاتله .. ميضيعهاش

 

و انا كان في نفسي و من زمان انو اعمل حاجات للمنتدىده و من زمان عشان يبقى احسن و من اول

 

ما قررت انو اشارك في المنتدىده وضعت امامي هدف و هو انو ارتقي به المنتدىالى الاعالي حيث

 

لا يحلق سوى النسور و العقبان كي يخشى اي عدو من الاقتراب منه

 

و انا من بعد اذنك طبعا اعتبر ها المنتدى بتاعي عشان كده انا بعون الله حعمل ليل نهار عشان المنتدى ده

 

و على فكرة انا عملت بروشورات عن المنتدى ده و انشاء الله في الترم التاني حوزعها في الجامعة عندنا

 

و طبعت حوالي 1000 نسخة عشان كل طالب في الجامعة يشارك في المنتدى ده و يارب الله يوفقنا

 

ايفان

[صناع الحياه]

انا شايف بريق امل ربنا يوفقنا جميعا

[عاشق الصداقه]

حيث لا يحلق سوى النسور و العقبان كي يخشى اي عدو من الاقتراب منه

دائماً ... كلماتك جميله حبيبى ايفان

انا من بعد اذنك طبعا اعتبر ها المنتدى بتاعي

المنتدى فعلاً بتاعك حبيبى ايفان ... وبتاعنا كلنا ... والله بجد أول كلمه قلتها لما عملت المنتدى ده ..

نفسى كل واحد يعتبره بتاعه ... وبكده حننجح .. لأنه بجد مش بتاع حد ... ده بتاع كل واحد ادا للمنتدى حاجه ..

او كتب فيه موضوع او حتى شارك برد ... او استفاد من المنتدى او افادنا بحاجه ... ياريت الكل زيك بجد فى النقطه دى

على فكرة انا عملت بروشورات عن المنتدى ده و انشاء الله في الترم التاني حوزعها في الجامعة عندنا

و طبعت حوالي 1000 نسخة عشان كل طالب في الجامعة يشارك في المنتدى ده و يارب الله يوفقنا

مش عارف ارد اقوللك ايه ... حبيبى ايفان .. بشكرك بالنيابه عن كل اعضاء المنتدى .. ومش حقوللك غير ..

ربنا يجعله فى ميزان حسناتك ان شاء الله ..

 

انا شايف بريق امل ربنا يوفقنا جميعا

بإذن الله حبيبى عرابى ... ويسعدنى جدا انكم تكونوا من أول المنضمين لفريق عمل ياللا يا شباب ..

انا فعلا كده شايف بريق امل لنجاح الفريق ده فى تأدية كل مهامه ... وخدمة الشباب على اكمل وجه باذن الله

[love you]

السلام عليكم أنا طلال من سوريا جامعة البعث في حمص حابب كون عضو بالمنتدى على فكرة أإنا طالب علم نفس سنة 3 وبصراحة

 

أنا سمعت كتير عن هالمنتدى والأعضاء الرائعين وأرائهم الرائعة

 

وأنا حابب أكون فرد من عائلتكم الرائعة وأتمنى أن أكون عضوا فعالا بين أخواني المصريين والمسلمين

 

وعلى فكرة أنا سمعت كتير عن هذا المنتدى بين طلاب جامعتي وربنا يوفقنا لما يحبه ويرضاه

تم تعديل March 2, 2007 بواسطه love you

[عاشق الصداقه]

السلام عليكم أنا طلال من سوريا جامعة البعث في حمص حابب كون عضو بالمنتدى على فكرة أإنا طالب علم نفس سنة 3 وبصراحة

أنا سمعت كتير عن هالمنتدى والأعضاء الرائعين وأرائهم الرائعة

وأنا حابب أكون فرد من عائلتكم الرائعة وأتمنى أن أكون عضوا فعالا بين أخواني المصريين والمسلمين

وعلى فكرة أنا سمعت كتير عن هذا المنتدى بين طلاب جامعتي وربنا يوفقنا لما يحبه ويرضاه

حبيبى طلال ... أهلاً بك فى أسرتك ياللا يا شباب ... واحنا اللى اتشرفنا بوجودك معانا ..

وبشكرك جداً على كلامك الجميل ده ... ومكنتش متخيل اننا ننول اعجابكم كده ..

ربنا دايما يجمعنا على الخير ... واهلا بيك معانا ... ويسعدنى لو تتقدم للإنضمام كعضو فريق عمل ياللا يا شباب

أرجو توضيح ذلك كما ذكرت لو كانت لديك الرغبه فى ذلك

 

[einour]

بارك الله فيك اخي عاشق الصداقه كلنا معك باذن الله واذا الله عطانا القوة

وانا بضم صوتي لصوت اخي العرابي بانو في بريق امل باذن الله ويد الله مع الجماعه

[عاشق الصداقه]

بارك الله فيك اخي عاشق الصداقه كلنا معك باذن الله واذا الله عطانا القوة

وانا بضم صوتي لصوت اخي العرابي بانو في بريق امل باذن الله ويد الله مع الجماعه

أشكرك جداً أختى إينور .. المشرفه النشيطه والعضوه النشيطه .. وبجد يشرفنى جداً جداً إنك تكونى معانا فى فريق عمل ياللا يا شباب .. وربنا يوفقنا بإذن الله ..

[بركات معبد]

جيد يا أحمد

المهم التنفيذ

وربنا معاك

 

 

بركات معبد

[صناع الحياه]

ربنا يوفقك يا احمد ياابني ويديلك علي قد نيتك وينولك اللي في بالك يارب

متقلقش انت وراك رجاله

اطمن انت وزي مبقولك دايما " حلق كالفراشه والدغ كالثعبان"

[عاشق الصداقه]

جيد يا أحمد

المهم التنفيذ

وربنا معاك

 

أشكرك جداً أستاذى .. ووحمد الله على السلامه .. نورت المنتدى بعد طول غيااااااب ..

والتنفيذ قريباً جداً إن شاء الله .. وأنا عن نفسى مستعد من النهارده وكل حاجه جاهزه ..

خطط - توقيع لكل عضو - تصميمات - مواضيع - ستايل لرسايل الجروب - وكل شىء ..

أريد فقط .. التفاعل من الأعضاء .. والإنضمام للفريق بشكل رسمى .. وصريح ..

مشكلتى حتى الآن أنى حاسس انى لوحدى .. وايد لوحدها متسقفش ..

هدفنا وغايتنا من ورا ده نبيله جداً .. ومفيش حاجه تخوف .. بس أنا عاوز الفريق يكتمل بأسرع وقت ..

وأوعدك وأوعدكم كلكم بمفاجآت .... لم ولن تتوقعوها ..

 

ربنا يوفقك يا احمد ياابني ويديلك علي قد نيتك وينولك اللي في بالك يارب

متقلقش انت وراك رجاله

اطمن انت وزي مبقولك دايما " حلق كالفراشه والدغ كالثعبان"

ربنا يخليك ليا يا عرابى .. وإن شاء الله ربنا حيوفقنا مدام هدفنا نبيل ..

ومتشكر جداً على الكلمات الرائعه دى

[ABOTASNEEM]

اسف جدا

انى لم اكن من اوائل المتقدمين اخى وحبيبى كرينكل

بس الحمد لله كل الناس اللى سبقتنى احسن منى بمراحل وكلهم عندهم روح الحماسة

وبصراحة انا مش هستئذنك انى اشارك فى المنتدى

وده لسبب بسيط جدا هو :

 

انو المنتدى ده مش بتاعك انت وبس

ده بتاعنا كلنا

 

اخى الحبيب

 

احب اقولك انو بعد اذنك احب انى اشارك معاك ويشرفنى ان اكون احد اعضاء فريق ياللاياشباب

 

سائلا المولى عز وجل ان يرزقنا الاخلاص فى القول والفعل والعمل الى وجهه الكريم

 

وفى الختام : وفقنا الله واياكم وسدد خطانا وخطاكم

[عاشق الصداقه]

حبيبى أبو تسنيم المغربى .. والذى كان معى خطوه بخطوه من بداية الطريق ..

إنت أول واحد فى الفريق .. وهل يكتمل فريق عمل ياللا يا شباب .. بدون رائد التنميه البشريه ..

أستاذى وحبيبى أبو تسنيم المغربى !!؟؟؟؟؟

انو المنتدى ده مش بتاعك انت وبس

ده بتاعنا كلنا

 

انت عارف يا غالى إن ده اللى بتمنى إن الكل يتعامل على أساسه .. واللى ذكرته أكتر من مره ..

وياريت كل الأعضاء يمشوا بنفس الكلام ده .. ده شىء يبسطنى جداً ..

والمشاركه مفتوحه لكل اللى عاوز يعمل حاجه كويسه ..

ربنا يوفقنا .. والبدء قريباً جداً جداً .. أنا شايف إقبال كبير .. حتى من الجروب ..

وصلنى أكتر من إيميل ناس بتستفسر عن فريق عمل ياللا يا شباب .. ونفسهم يكونوا معانا ..

ويا رب الفريق يأدى الهدف اللى بيتكون من أجله .. ويكون مشروع ناجح بإذن الله ..

ياللا يا شباب ... مين نفسه يقدم حاجه تخدم شباب بلده .. مين نفسه يعمل حاجه صح ..

مين نفسه يرتقى بنفسه وبشباب المسلمين فى كل المجالات .. وعوز يشارك فى الصرح ده ..

والله حاسس بجد إن اللحظات دى ... بدايه لنجاح كبيييييييييييييييير ... وتحليق فى سماء النجاح .. لم نتوقعه جميعاً ..

[نورين عبد السلام]

السلام عليكم ورحمة الله وبركاته

اتمنى للجميع التوفيق

واتمنى للمنتدى المزيد للامام

واتمنى لكم كل خير

[عاشق الصداقه]

السلام عليكم ورحمة الله وبركاته

اتمنى للجميع التوفيق

واتمنى للمنتدى المزيد للامام

واتمنى لكم كل خير

أشكرك أختى الكريمه نورين .. العضوه الفعاله فى المنتدى ..

كلمات قليله .. ولكنها تبث فينا روح الحماس .. وتدفعنا خطوات الى الأمام ..

وفقنا الله واياكم

[نجمة الكتب]

يؤسفني جدا اني اكون اخر المتقدمين ،

 

ويسعدني جدا اني اكون من المنضمين .

 

ربنا يوفقنا جميعا ونقدر نعمل حاجة كويسة

 

ان شاء الله.

[عاشق الصداقه]

نورتى الموضوع أختى نجمة الكتب ...

وسعيد جداً بوجودك معانا .. إن شاء الله ننجح فى العمل ده ..

بس ياريت الالتزام بالشرط اللى وضحته .. وكلامى ده لجميع المتقدمين ..

من لديه الرغبه فى الالتحاق بفريق عمل ياللا يا شباب :

* فقط كتابة رد فى هذا الموضوع موضحاً فيه خبراتك .. أو المجال الذى تستطيع ان تعطى فيه " تخصصك "........

أنا ملاحظ إن محدش خد باله من النقطه دى تقريباً .. فى ناس دخلوا من خارج المنتدى زى أعضاء الجروب مثلاً ..

وأرسلوا لى بياناتهم وما طلبت ... لكن من المنتدى 90% من المتقدمين مخدوش بالهم تقريباً من الجزئيه دى .. يا ريت تنفيذ الطلب ده .. من جميع المتقدمين ..

وللعلم .. أنا أرسلت رساله من المنتدى لجميع الأعضاء .. علشان أتيح الفرصه للى مش بيدخلوا المنتدى كتيير انهم يعرفوا الموضوع ..

كما أرسلت الموضوع الى جميع أعضاء جروب ياللا يا شباب .. واللى حيكون فى تفاعل كبير بينهم وبين المنتدى بإذن الله ..

وبالفعل فى ناس منهم تواجدوا وسجلوا فى المنتدى ومنهم من تقدم لفريق العمل عن طريق رساله خاصه .. أوضحوا بياناتهم المطلوبه .. والتخصص اللى يقدروا يعملوا فيه حاجه .. ميول كل منهم يعنى .. وبكده بإذن الله نكون إدينا الفرصه للجميع علشان يشارك فى فريق العمل ده ..

وبإذن الله ستفخروا يوماً ما .... بكونكم من فريق عمل ياللا يا شباب ... وموعدتش وخلفت قبل كده والحمد لله ...

إنتظــــــــــــــــــــــــــــــــــــــــــــروا .... مفاجآآآآآآآآت كتييييييييييييييييييييييييييييير ... وربنا يوفقنا ..

[عابدين]

السلام عليكم

ممتاز ياخال والله وياريت تقبلني معاك

[عاشق الصداقه]

تنورنا والله حبيبى عابدين ..

سعيد جداً بوجودك معانا .. فى فريق العمل ..

وللعلم .. الإشتراك فى فريق العمل متاح للجميع ..

ولكن التقييم فى النهايه لمن سيهتموا ويلتزموا الجديه ..

لنحصل على أفضل نتائج بإذن الله ..

وانا مستغرب .. الناس فاكره الموضوع صعب ولا حاجه ..؟؟؟

فريق العمل سيتولى اشراف المنتدى وسيرسل رسايل للجروب .. إيه صعبه ؟؟

عاوزي ناس تشارك .. علشان خلاص حنبدأ قريب بعون الله .. وقريب جداً ..

الفرصه موجوده .. انتهزوها .

وخالص شكرى لك أخى عابدين .. بس يا ريت تنفيذ المطلوب الأول ..

من لديه الرغبه فى الالتحاق بفريق عمل ياللا يا شباب :

* فقط كتابة رد فى هذا الموضوع موضحاً فيه خبراتك .. أو المجال الذى تستطيع ان تعطى فيه " تخصصك "..

علشان يكون فى شىء من الجديه ..وسهولة التعامل .. تقبل تحياتى

[Ahmed Omara]

يا كرينكل انا معاك يا حبيبي انا ما اقدرش استغنى عنك انت عارف بقى ......

انت روح قلبي مش عاوز اسيح اكتر من كده في المنتدى عشان الحسد انت عارف بقى(اعوذ بالله من شرر ما خلق).

[EL3aref]

بسم الله الرحمن الرحيم

 

وحياة ابوك ماترجعنى خايب الرجا وتقبلنى عندك عضو وحياة اغلى حاجه عندك اللهى يكتبلك فى كل خطوه عضو نشط واذا ما قبلتنيش حقلب عاليها واطيها

 

 

شكرا لحسن الأستمــــــــــــــــــــــــــــــــــــــــــــــــــــــــــــــــــاع

[عاشق الصداقه]

يا كرينكل انا معاك يا حبيبي انا ما اقدرش استغنى عنك انت عارف بقى ......

انت روح قلبي مش عاوز اسيح اكتر من كده في المنتدى عشان الحسد انت عارف بقى(اعوذ بالله من شرر ما خلق).

هو كل ده ومسيحتش ؟؟ ... ياللا الكلمتين بتوعنا ..

حبيب قلبى وروحى وعنيا بجد ... احمد عماره .. والله نورت المنتدى يا قمر .. ومبسوط قوى بوجودك فى فريق عمل ياللا يا شباب

 

وحياة ابوك ماترجعنى خايب الرجا وتقبلنى عندك عضو وحياة اغلى حاجه عندك اللهى يكتبلك فى كل خطوه عضو نشط واذا ما قبلتنيش حقلب عاليها واطيها

لا وعلى ايه يا عارف بيه .. انت معانا يا حبيببى ... ويشرفنى انك تكون معانا .. وأنا شايف فعلاً بريق أمل كبييييييييير جداً ..

ومتفائل جداً جداً بافريق ده واللى ممكن نعمله .. ربنا يوفقنا ان شاء الله ..

[elmansy designe]

بسم الله الرحمن الرحيم

ممكن ابقى معاكم ولا اقولكم انا معاكم رضيتوا ما رضيتوش انا معاكم لانى المنتدى ده زى الميه بالنسبه لى لو بعدت عنه اموت ..

بجد انا بتقدم لهذا الفريق الذى اكيد حيكون تيم مبهر وفعال ان شاء الله وحتكون اثار تكوينه ايجابة وملموسه لدى الاعضاء والزوار.

نشكركم شكرا جزيلا ً