بناديلك تعالى_ حصريا ألبوم عمرو دياب الجديد 2011 ادخل تحميل روابط مباشرة

[ابن تيميــــة]

أولا : إمسك أعصابك

لو كنت داخل الموضوع من موقع بحث مثلا وبتدور على الشريط فبالله عليك ما تضايقش ... واعرف ان ربنا أراد بيك الخير انك تدخل هنا ... ومتقفلش الصفحة واصبر واستنى واقرأ يا عم منتاش خسران حاجة ... والحكاية كلها كام سطر لله يا أخى

 

 

لو كنت عضو فى المنتدى وهتقول ايه ياعم اللى انت كاتبه ده ... هو الراجل ده حصله ايه ... متخافش احنا مش حاطيين الشريط ولا حاجة

 

 

ثانيا : هأجلها لآخر الموضوع ... يلا بقى ندخل فى الموضوع ... يلا أقرأ يا عمونا

 

شوف يا باشا ... الحكاية ان الآن عدد غفير من شبابنا بيقلب فى النت بيدور على الشريط أو اغنية مسروقة ... وبينتظر اللحظة اللى يدخل يحمل فيها الشريط mp3 high quality ... والأمر ده بيتكرر كل سنة أو سنتين ... واللى فيهم الشريط ده بيتقطع تشغيل لدرجة ان سماعات جهازك نفسها زهقت منه ... مش ده اللى بيحصل ولا أنا غلطان ؟؟؟

 

طيب بص ... انا مش هقلك تخيل لو انت سمعت فى الوقت ده سور من القرآن مش يمكن تكون حفظتها زي ما حفظت الأغاني دي ... ده غير الحسنات الكتير اللى كنت اخدتها ...

 

ولا هقولك الأغاني حرام ( ومش معنى كده انها مش حرام وانت عارف من جواك ) لإن انا لما بطلت اسمع اغاني ( ايوا ياعم هو انت فاكرني مولود بلحية ولا إيه ... ربنا يثبتنا ) مبطلتهاش لما عرفت انها حرام ... لا بطلتها لما عرفت أد ايه كلام ربنا حلو .. واد ايه الفايدة اللى بستفادها لما اسمع شريط في الدين او حتى اسمع كلام علمي عن اى موضوع مفيد ... وحسيت ان حياتي ليها طعم جديد وليها قيمة وفايدة ...

 

 

أنا هقولك بعد إذن سيادتك بس ... لو ممكن أخد من وقت حضرتك أد وقت مرة تشغيل للشريط ده ... هاخد من وقتك نص ساعة بس أو ساعة ... تدخل هنا وتشوف المواد الموجودة على الرابط ده ... ( وكلها روابط مباشرة ) ... وافتح قلبك ليها ... وزي ما بقلك لو عرفت ربنا وقلبك قرب منه هتعرف لوحدك انت محتاج الشريط ده او غيره ...وهتعرف لوحدك الاغاني حرام ولا لأ .. وصدقني ودي أهم نقطة ... هتعرف أد ايه حياتك ليها قيمة كبيرة جدا جدا جدا ... وإن كل ثانية فيها ليها قيمة كبيرة جدا ... ولازم من الآن تاخد قرارك وتقول راجعلك يارب

 

ادخل على الرابط التالى

 

 

>>>>>> اضغط هنا <<<<<<<

 

 

 

قبل ما ننهي ... انا قلت هقول النقطة التانية فى الآخر وهي انى مكذبتش فى العنوان لان حصريا ( الكلام حصري مش هتلاقيه في مكان تاني ) الألبوم ( اننا هنتكلم عنه هنا يعنى ) تحميل بروابط مباشرة ( وده من خلال الرابط اللى وضعته )

أنا جاي انهارده أمدلك ايدي واقولك هات إيدك ..

 

مش نفسك تفضفض لحد وتحكيله همومك ..؟؟؟

 

احنا هنا كلنا إخوانك يا حبيب قلبي ..

 

والبنات هنا كلهم أخواتك يا أختي ..

 

ونفسنا تسجلوا معانا في ياللا ياشباب وتمدولنا ايديكم علشان ناخد بإيد بعض للجنة بإذن الله ..

 

 

هتسأل وتقول:

هي الناس دي تاعبة نفسها معايا ومع غيري لييييه ؟

 

هقولك علشان إنتوا أخواننا وأخواتنا.. أيوه أخواننا وأخواتنا..

 

وخايفين عليكم وبنحب ليكم الخير زي ما بنحبه لنفسنا بالظبط ..

 

ده حتى إيمان العبد مش بيكتمل غير لما يحب أخوه ويخاف عليه زي نفسه ..

 

قال رسول الله :

(لا يؤمن أحدكم حتى يحب لأخيه ما يحب لنفسه)

 

وكلنا في مركب واحدة .. ولازم ناخد بإيد بعض..

ناخد بإيد بعض في الدنيا ، علشان في الآخرة نتقابل مع حبيبنا ونشرب من إيديه ونبقى معاه في الجنة ..

 

هتقول :

بس أنا ماستحقش إني اكون عضو في المنتدى ده !!

او اكون وسطكم أو اكون أخ لناس زيكم !!!

انتو ناس طاهرة وعالم محترمة وبلاش توجعوا قلبكم مع العالم اللي زيي !!!

 

هقولك : مين قال كده يا حبيب قلبي ؟؟

كلنا اصحاب ذنوب ومعاصي ومفيش حد فينا معصوم .. كلنا بنغلط وبنتوب ..

وإنت بإذن الله بعد التوبة سيئاتك كلها بإذن الله هتتبدل حسنات وممكن تكون اطهر وأحسن مننا 100 مرة..

وملكش دعوة بالدوشة ووجع القلب ..

احنا يا سيدي عالم غاويين وجع قلب .. بس انت سجل وادوشنا واوجع قلبنا براحتك ..

وإن شاء الله هتتغير وتبقى احسن واحد في الدنيا ..

بس خلي عندك أمل ويقين في الله عز وجل ..

 

 

 

 

الصحابة كانوا بيقولوا إن سيدنا عمر بن الخطاب مستحيل هيدخل الاسلام ..

 

مستحييييييييييييييييل ده يحصل !!

 

لدرجة إنهم كانوا بيقولوا :

 

(لو أسلم حمار الخطاب ، ما أسلم عمر !!!)

 

يعني فيه امل ان الحمار ممكن يسلم إنما عمر لأ !!!

 

تخيل فقدان الامل وصل لمرحلة ايه ؟؟؟

 

ولكن زي ما قولتلك الأمل في الله موجود ولا ينقطع ..

 

وعُمر أسلم .. وبقى سيدنا عمر بن الخطاب .. الفاروق ..

 

أمير المؤمنين وثاني الخلفاء الراشدين ..

 

علشان كده بقولك اوعى تيأس ابداااااااااااااااااا..

 

 

ومهما غلطت أو عملت ذنوب ومعاصي قوم واتوضا وصلي ركعتين توبة وتاكد إن ربنا هيقبل توبتك ..

 

هات قلبك .... هات ايدك .. وهتلاقينا معاك ..

 

هنكون جنبك.. ومش هنسيبك أبداً بإذن الله ..

 

مستنيينكم بإذن الله تسجلوا وتتواصلوا معانا

 

 

نحبكم في الله ..

 

 

 

وفى الختام ... دعاء

اللهم يا تواب يارحيم .. يا ذا العرش المجيد ... يا حي يا قيوم ... اللهم صل" صلى تكتب صلّ وليس صلى"

على سيدنا محمد وعلى آله وصحبه وسلم ... اللهم تب علينا توبة ترضيك عنها ... اللهم اعنا على أنفسنا ... اللهم طهر قلوبنا واجعلها خالصة لك ... اللهم اعفو عنا واغفر لنا وارحمنا ... اللهم اختم لنا بحسن خاتمه واجعل قبرنا روضة من رياض الجنة ... وارزقنا رفقة حبيبك محمد صلى الله عليه وسلم فى أعالي جنان الخلد ...

 

اللهم آمين

تم تعديل September 11, 2011 بواسطه دعوه للجنـــــة

[دعوه للجنه]

بصراحة 1000000لايك للموضوع

ومن روعته فعلا لا اعلم ما أكتبه فى ردى

جزاكم الله خيرا كل خير أخى الفاضل والله اسال لى ولكم الثبات وساائر المسلمين

===============

هتسأل وتقول:

هي الناس دي تاعبة نفسها معايا ومع غيري لييييه ؟

تاعبه؟؟؟؟؟

او حضراتكم سالتوا السؤال ده فى مننا كتييييييير هيتعجب ويستغرب بجد!!!!!

لا ابدا مين قال اننا بنتعب بالعكس

طب اقولكم على سر واقسم يمين احاسب عليه يوم القيامة

لوكان فى ناس الاغانى بالنسبة ليها هى الراحة النفسية او حاجات تانيه لومش عملتها مش بترتاح

احنا بقى " واحنا دى يعنى كتييييييييييييييير من الناس"

عندهم انهم لو مش نصحوا لله وقالو ده حرام وده حلال وشعروا فعلا انهم قدموا خدمة لدين الله عز وجل

يحسوا انه فى شئ ناقص عندهم

ومع ذالك لو انتو شايفين اننا بنتعب نفسنا هيكون جوابى باستشهاد بسيط جدا

لان الاستشهاد كتيييييييييرجدا للاجابة بصراحة ولا يمكن حصرها

اه بنتعب علشان حديث النبى صلى الله عليه وسلم لا يؤمن أحدكم حتى يحب لاخيه ما يحب لنفسه كما ذكر الاخ ا لفاضل

وعلشان نداء من ربنا انه فضلنا على جميييييع الأمم بقوله عز وجل " كنتم خير امة اخرجت للناس تأمرون بالمعروف وتنهون عن المنكر وتؤمنون بالله"

وتعرفوا كمان علشان ايه علشان حديث عن النبى صلى الله عليه وسلم الذى اقسم فيه برب العزة قال رسول الله

والذي نفسي بيده لتأمُرُنَّ بالمعروف ولتنهوُنَّ عن المنكر ، أو ليوشكنَّ الله أن يبعث عليكم عقاباً منه ثم تدعونه فلا يستجاب لكم....

اللهم ارزقنا شرف الدعوة اليــــــــك

اقبلوا ونحن بأروحنا سنكون معكم قبل قلوبنا

الاخ سيجد ما يسره من الاخوة

والاخت اعدها ان تجد ما تبحث عنه بين اخواتنا العديد والعديد

ولكن اقبلـوا

==========

تم تثبيت الموضوع

وان شاء الله فى ميزان حسناتك اخى الفاضل.

****

[ابن تيميــــة]

بارك الله فيكم اختي الفاضله ولكِ جزيل الشكر علي هذه الاضافه الجميله

جعلها الله بميزان حسناتك

[haytham84]

فعلا للطاعة لذة و متعة لاتقارن حتي لو كان فيها مشقة مثل الصيام و القيام و للمعصية ظلمة و وحشة في القلب وهذا كافي لان يراجع الانسان نفسه ليستفيد بوقته فيما ينتفع به في دنياه و اخراه و بارك الله فيكم علي هذا الموضوع المفيد.

[عاشق الصداقه]

ما شاء الله ولا قوة إلا بالله

 

جزاك الله كل الخير حبيبى ابن تيمية

 

الواحد مش لاقى حاجه يقولها بعد الكلام الجميل اللى كتبته واللى رد بيه الأخوه والأخوات

 

بجد جزاكم الله كل الخير - والواحد بجد كل يوم بيفخر إنه وسط الصحبه الصالحه الجميله دى .. أسره مفيش حد يحلم بيها ،، الحمد لله على كل حال

 

أنا هكرر فقط جملة سمعتها لأحد كبار العلماء ،، إن من جرب الأعمال كلها والوظائف كلها كبيرها وصغيرها أرقاها وأدناها سيعلم تماماً أن أعظم عمل هو الدعوه الى الله عز وجل

 

فهى وظيفة الأنبياء .. ولك أن تتخيل !! ،، ووظيفة ورثتهم وهم العلماء ومن بعدهم كل من يدعو لدين الله عز وجل ،، فإحنا اللى محتاجين ندعوا الناس وإحنا الكسبانين وإحنا مبسوطين جداً بالعمل ده

 

أنا بس فيه حاجه واحده مضايقانى بعد كل الكلام الجميل اللى قرأته فى الموضوع والردود .. إنى محملتش الشريط

 

أو بمعنى أصدق .. إنى مقفلتش الموضوع مخالف وأوقفت عضويتك من المنتدى يا واد يا ابن تيمية إنت يا حبيبى يا تاعبنى معاك بمواضوعاتك الجميله دى اللى خلتنى أبقى مكسوف أكتب فى المنتدى بعد كده

 

أهو أنا بتلككلك وعاوز أجمعلك غلطه ياخى مش كده .. سيبلنا حاجه ناكل منها ثواب

 

ربنا يرفع قدرك ويعزك وينصرك يا حبيبى الغالى ويجعل كل عملك فى ميزان حسناتك خالصاً لوجهه الكريم ،، وجزاكم الله خيراً

[ابن تيميــــة]

فعلا للطاعة لذة و متعة لاتقارن حتي لو كان فيها مشقة مثل الصيام و القيام و للمعصية ظلمة و وحشة في القلب وهذا كافي لان يراجع الانسان نفسه ليستفيد بوقته فيما ينتفع به في دنياه و اخراه و بارك الله فيكم علي هذا الموضوع المفيد.

 

حبيبي في الله هيثم اشهد الله اني احببتك في الله واتمني ان تنورنا ديما في بيتك ومكانك ومنتداك ياللاياشباب

 

وجزاك الله خيرا حبيبي علي ردك الجميل

 

 

أنا بس فيه حاجه واحده مضايقانى بعد كل الكلام الجميل اللى قرأته فى الموضوع والردود .. إنى محملتش الشريط

 

أو بمعنى أصدق .. إنى مقفلتش الموضوع مخالف وأوقفت عضويتك من المنتدى يا واد يا ابن تيمية إنت يا حبيبى يا تاعبنى معاك بمواضوعاتك الجميله دى اللى خلتنى أبقى مكسوف أكتب فى المنتدى بعد كده

 

أهو أنا بتلككلك وعاوز أجمعلك غلطه ياخى مش كده .. سيبلنا حاجه ناكل منها ثواب

 

 

امممممممممممممممممم

 

تعرف لولا اني بحبك كنت هقولك اني بحبك

 

 

حبيبي دخولك اي موضوع ليا ده بيبقي شرف ليا والله

 

 

بحبك في الله

 

وجزاك الله خيرا علي تطويرات المنتدي

 

ربنا يجعله بميزان حسناتك

[لامار]

لو كنت عضو فى المنتدى وهتقول ايه ياعم اللى انت كاتبه ده ... هو الراجل ده حصله ايه ... متخافش احنا مش حاطيين الشريط ولا حاجة

 

 

 

 

 

 

 

لاول وهلة و من العنوان و من قبل ان ادخل و اذ بكاتب الموضوع هو الاخ الوقور ابن تيمية فصرخت في اعماقي و قلت ماذا دهاه ماذا به و ظننت ظن السوء بادىء الامر و تشجعت و دخلت و اذا بالمفاجاة الكبرى بانك و كالعادة اسلوب مميز في الطرح بارك الله فيك و سدد على الحق خطاك

و اسمح لي ان اقتبس موضوعك لارسله لصديقاتي بواسطة البريد الالكتروني

جزيت خيرا

[ابن تيميــــة]

 

لاول وهلة و من العنوان و من قبل ان ادخل و اذ بكاتب الموضوع هو الاخ الوقور ابن تيمية فصرخت في اعماقي و قلت ماذا دهاه ماذا به و ظننت ظن السوء بادىء الامر و تشجعت و دخلت و اذا بالمفاجاة الكبرى بانك و كالعادة اسلوب مميز في الطرح بارك الله فيك و سدد على الحق خطاك

و اسمح لي ان اقتبس موضوعك لارسله لصديقاتي بواسطة البريد الالكتروني

جزيت خيرا

 

 

بارك الله فيكِ اختي الفاضله لامار وجزيتي الفردوس الاعلي من الجنة اختي الكريمة

 

طبعا الموضوع تحت امر حضرتك اختي

 

ربنا يجعله بميزان حسناتك

[نـــــــــــور]

تقف كلمات الشكر خجلا امامك

اخى الكريم....... ابن تيمية

 

الكلمات والالقاء أكثر من روعه........

 

يعطيك العافيه وماقصرت.......

 

وبصراحه جات على ماتمنيتها....

 

تقبل خالص احترامي

تم تعديل September 12, 2011 بواسطه نـــــــــــور

[ابن تيميــــة]

لكِ جزيل الشكر علي تلك الكلمات اختي الفاضله نور

حفظكم الله اختي وبارك فيكم

[haytham84]

احبك الذي احببتنا فيه اخي الفاضل ابن تيمية واشكرك علي الاسلوب الرائع في عرض هذا الموضوع الهام و العنوان الجذاب الذي اثار فضول الاعضاء لقراءة الموضوع

[ohabo raby]

وكلنا في مركب واحدة .. ولازم ناخد بإيد بعض..

ناخد بإيد بعض في الدنيا ، علشان في الآخرة نتقابل مع حبيبنا ونشرب من إيديه ونبقى معاه في الجنة ..

يااااااااااااااااااااارب

بسم الله ما شاء الله

بصراحة مش عارفة هقول ايه بعد الكلام الروعة ده

بجد موضوع في قمة الروعة والجمال والله

وعندك حق اخى / ابن تيمية والله

ربنا يبارك فيك ويجعله في ميزان حسناتك ويكرمك يارب

تم التقييم طبعا

[حورية الجنة]

بسم الله ما شاء الله أخى الكلام رائع والاسلوب مميز ولا أجد ما اقول وكيف اصف اعجابى بهذا الموضوع والعنوان الجذاب ويكفى اننا لو لم نستفيد شيئ من الكلام الرائع لا ستفدنا من اسلوب الكتابة المميز والرائع والمنظم .

 

ما استطيع قوله : فى ميزان حسناتك إن شاء الله .