يدوبك تلحق ... مستقبلك

[المدرب حسام الدين محمد 20]

يدوبك تلحق ... مستقبلك

ياااااااااااا دى السكة دى طويلة أوى !!!

انا بقالى زمااااااااان ماشى بدور على مستقبلي بجد بجد نفسى أوصل ؟

- طيب هو انت تعرف أنت رايح على فين بالضبط لمستقبلك ؟؟؟؟

ايه ؟؟؟ مين اللى بيتكلم ؟ مش مهم المهم سؤال جامد جدي بجد أتصدق محتاج أعرف

- أنت لسه بتفكر ؟ لااااااااا اسيبك أنا يدوبك تلحق !!

لا متسبنيش كده قولى أعمل ايه ؟ أنا عايش بقالى كتير وماشى من زمان وعاوز أوصل

ناس وناس :

فى ناس كتير عايشة حياتها كده ، ماشية وخلاص ، ايوة عارفة يعنى ايه مستقبل ، وعارفة يعنى ايه هدف ، وبتنجز كتير وبتعمل اعمال كتيرة جدا ، بس فى الاخر مش عارفين رايحين على فين

وناس تانية ماشية فى سكتها وبتعمل لذاتها وبتغيرها صح بس للأسف كل ده علشان يضيعوا شوية وقت .

أفراد التجديد :

فى وسط الناس دى بقى اللى ماشية وخلاص فى بعض الناس عايشة لهدف وعارفة مستقبلها كويس وبتستخدم مهارات صناعه المستقبل صح ( جامدة أوى مهارات صناعه المستقبل دى هههه ) المهم فكرتنا من المقالة دى اننا نعرف سر من أسرار المهارات دى ، الناس دى فعلا هما الرواد يصبح المرء كبيرًا عندما ينجز الاعمال الكبيرة ، ويصبح المرء أشبة بالاموات عندما لا ينجز الاهداف الصغيرة ، أما الرواد فمهمتهم هي شق الطرق في الاماكن الوعرة حتى يمضى وراءهم الكبار والصغار ، بالاخلاص والصدق والمثابرة والعزم يمكن المرء ان يجد نفسه منهم .

لغة أفراد التجديد :

الجديد فى حياتنا هو روح الحياة وكلما كشف الانسان عن الجديد صنع حياة جديدة وسرت الحيوية فى لحظاتة وتلذذ بانتعاشة غريبة تجعله منتشيا هائنا مقبلا على غده بنفس تواقه لمستقبل أجمل ..

الله على الجمال بجد هو ده التجديد والشخصيات المجددة هى من تشعر بهذه الكلمات لان بجد اللى بنشوفه من ضيق وعدم شعور بالمتعه بالحياة سببها عدم التجديد ، فالكون اساس التجديد فكيف بالانسان ومن أهم اسباب نجاح الافراد المجديدن فى الحياة شعورهم بالحديث النبوى عن النبى صلى الله عليه وسلم ( إن الله يبعث لهذه الأمة على رأس كل عام مائة عام من يجدد دينها )

أما الاخرون فيعيشون لأنفسهم ويقولن بعد فترة من حياتهم وبعد ما يمشوا فى طريقهم لمستقبلهم

( ساعيش من أجل شخص واحد !!! نسيته من سنين واخطات فى حقة كثيرا هو أنا )

أكيييييييييييييد احب اقول طيب يدوبك تلحق ... لو عايز تعيشها كده ابقى قابلنى .. ده احنا عاملين ثورة يا جدعان ههههههههههه

كيف تكتسب مهارة التجديد :

فى طرق كتير لو أستخدمتها صح وصلك للتجديد بجد ..

اولها : العمل الدائم : العمل هى الاداة الى بتحول الأمانى الفارغة واللى ملهاش اى ملامح لواقع ملموس وهدف يمكن تحقيقه غير انه هو الشئ الوحيد بيدفع الشباب للطموح ويرفض التقليد للأعمى .

ثانيها : البداية من النفس : التجديد نابع من داخلنا فنقطة البداية هى نفس غيرها بقدر المستطاع

طب وازاى أغير نفسى بقا ، لا دى كلام كتير هابقى اقولولك فى المقالة الجاية هههههههه بس الاهم حدد سلبياتك وحاول تقضى عليها

ثالثها : حالك مع الله :

فالافكار الابداعية هى أفكار ربانية لأنها منحة الله للمشغول وهدية الله لكل عامل للمجد وصاحب الانجاز ولكى تصبح من أصحاب هذه المحن توكل على الله دائما .

رابعها : الانفتاح على العالم والمجتمع :

ومعناها هى أسعاد الاخرين واسعاد نفسك من خلالهم فغن اكبر مكسب فى المجتمع هذه الفترة هى العلاقات وكسبها .

كيف تحقق التجديد :

1- ممارسة هواية مفضلة لديك دائما

2- قضاء وقت ممتع وفى الاماكن التى تفضلها ومع من تحب

3- وضع برنامج يومى متجدد فى تجديد عن روتين حياتك

[دعوه للجنه 457]

المقال او الدرس رائع وكلماته موصلة للهدف بسهولة جدا ماشاء الله

ربنا يعزك أخى الفاضل ويبارك فى مجهودك....

 

انا اقتبست جملة مضيئة للنص أجمع !!!

 

ولكى تصبح من أصحاب هذه المحن توكل على الله دائما .

 

 

احسنت فهى الخط الاول فى كل خطوط سيرنا " ومن يتوكل على الله فهو حسبه"

 

 

==========================

 

جزاكم الله خيرا ونفع بكم ....

[عاشق الصداقه 525]

رائع كالعاده يا أستاذنا

 

فالافكار الابداعية هى أفكار ربانية لأنها منحة الله للمشغول وهدية الله لكل عامل للمجد وصاحب الانجاز ولكى تصبح من أصحاب هذه المحن توكل على الله دائما .

 

صدقت والله ،، جزاك الله خيراً ،، سجلعت إعجابى بالموضوع

[لامار 94]

بصراحة لم اجد اي جملة لاقتبسها

فالموضوع رائع جدا و موفق للهدف

لذلك لم اجد الا تسجيل الاعجاب و السكوت

[بسمة الاقصى 78]

 

الجديد فى حياتنا هو روح الحياة وكلما كشف الانسان عن الجديد صنع حياة جديدة وسرت الحيوية فى لحظاتة وتلذذ بانتعاشة غريبة تجعله منتشيا هائنا مقبلا على غده بنفس تواقه لمستقبل أجمل ..

 

 

 

فعلاً عندما أشعر بالملل من روتين الحياة أبحث عن جديد لأجدد بيه حياتى

ويدوبك الحق

جزاكم الله خيراً استاذ محمد ونفع بكم

[تيد 19]

ميرسي كتير واحنا طلاب المدارس لازم نعمل فيه

[تيد 19]

وصبااااااااح الخير للموجودين لمار والمدرب....

[تيد 19]

وعااااااااااااشق الصداقه....

[احلام بلدى 2]

زمان كنت فاكره انى هخلص دبلوم وكان نفسى اكمل كليه لكن بابا رفض علشان فى بلد تانى المهم كنت فاكره انى هيكون ليه وظيفه فى الحكومه

اقدر اعيش منها واخر ايامى استنى منها معاش لكن للاسف خلصت دراسه وصدمت بالحقيقه لقيت ناس كتير قبل منى بسنين لسه قاعده مستنيه الوظيفه

مكنتش اعرف ان الوظيفه دى عمله صعبه عندينا بابا كان عنده محل زهبت معه وتحملت مسؤليه ماما واخواتى من عملى البسيط باجر 60 جنيه فى الشهر حاجه تكسف

المهم ماتت ماما ووراها بكام شهر مات بابا وفى فتره حياتهم ساعدت كل اخواتى بنات وولاد فى زواجهم والحمد لله وفضلت لوحدى وها انا ما بين المحل الذى تركه والد فاضى

وعليه ديون للضرائب ولاولاد شريك بابا وربنا اكرمنى وخلصت كل ده وانا دلوقتى موجوده فى المحل يعتبر يعنى فاضى بردو لان لم يكن معى حتى املئه والحمد لله

تفتكر انا بردو يدوب الحق مستقبلى انا مستقبلى راح مش بس انا كتير من اخواتى واخوانى المصريين مستقبلنا راح