مطلوب عروسه

[الجندى المجهول]

مطلوب عروسة طيبة..

ومتعلمة ومؤدبة..

ومؤمنة بالقضاء والقدر..

سنها من سني..

أصغر أو أكبر مني..

مش هنختلف..

وتكون بتحب القراءة..

وتهوي الرحلات..

وتعشق السفر..

مش عضو ف أي حزب..

وطبعاً عارفة إن الكذب حرام..

بتحب الكورة..

مهمومة بالدوري العام..

وملفوفة القوام..

حلوة وزي القمر..

شعرها ناعم حرير..

ملهاش أي مصلحة..

ف شارع القصر العيني..

أو مجمع التحرير..

وفاهمة كويس ميدان الجيزة..

مش متابعة جلسات مجلس الشعب..

ولا بتسمع البيان الختامي..

لأي مؤتمر..

وتكون من عيلة..

بتشتري راجل..

لا عايزة شبكة ولا مهر..

وأنا بقي..

خبرة ف المرمطة..

وجميع أشكال القهر..

مواطن من إنتاج مناهج..

وزارة التربية والتعليم..

ثانوية عامة..

النظام القديم..

أيام الأرنب الغضبان..

والخس والجزر..

وزي النسمة والله..

يعني تعتبرني من دلوقتي

مش موجود..

لا حس ولا خبر..

بس مخي نضيف..

وعاقل ورزين..

وعندي شوية نظر..

ورغم إني ياما إتزحلقت..

لكن لسه بفرح بالمطر..

علي فكرة..

أنا حاجز شقة بحري..

أربعين متر..

آخر طريق الواحات..

بس لسه ماحطوش الأساس..

عشان تقريباً..

مش لاقيين الحجر..

[eng_alaa]

علي فكرة..

أنا حاجز شقة بحري..

أربعين متر..

آخر طريق الواحات..

بس لسه ماحطوش الأساس..

عشان تقريباً..

مش لاقيين الحجر..

 

وددت أن اقتبس الكلام كله ...

بجد الموضوع جميل جداً وأعجبني بجد ... وإن لقيت عروسه بالمواصفات دي ابقي قوللي

يمكن ساعتها يكونوا لقيوا الحجر

[الجندى المجهول]

جزاك الله خيرا

اخى الباشمهندس

[حياتى من اجل ربى]

جمييييييييييييييييييييييييل اووووووووووووووووى

 

ورغم إني ياما إتزحلقت..

لكن لسه بفرح بالمطر..

 

:)

ااااه

 

ماعالينا

 

جزاك الله خيرا اخى

فعلا الموضوع راااااااااائع

مستغربه ازاى مافيش ردود كتير عليه

بحس انى دى حقيقه فعلا فى شباب كتير

او هى طبيعت الانسان كده

 

ربنا يكرمك صاحب الامل وشاعر المنتدى

يارب يفرج همك ويسعدك

ويحقق لك كل ما تتمنى

وييسر لك الخير ياااااااااااااااااااارب

[الجندى المجهول]

تاجره السعاده

جزاكى الله خير

ربنا يسعدك والجنه يوعدك

ردك اضاء الموضوع

وبعدين كفايه ردك انت والباشمهندس