زماره خطر

[الجندى المجهول]

فاكر..

زمارة الخطر..وطفي النور..

 

وأكياس الرمل..

 

وقدام كل بيت ساتر..

 

فاكر..

 

أيام السهر..

 

والامتحانات..

 

وكوباية شاي من إيد أمك..

 

وانت بتذاكر..

 

كنت بتفرح لما تنجح..

 

أو حد يقول عليك شاطر..

 

فاكر الأمان..

 

ننام وفاتحين البيبان..

 

دلوقتي ف كل شارع لجنة..

 

وف كل بيت عساكر..

 

فاكر..

 

معقول عشان تعيش..

 

لازم تطاطي وتقضيها..

 

طيب وحاضر..

 

مين اللي قال..

 

البحر غادر..

 

ومين اللي قال..

 

إنك خلاص تعبان..

 

ومش قادر..

 

ومين اللي سماك..

 

شحات وعريان وصابر..

 

هو احنا توهنا من بعض..

 

هو إحنا ليه..

 

ماشين وبصين ف الأرض..

 

هو احنا لسه بنحلم..

 

وبنحاول وبنعافر..

 

سؤال لا كان ع البال ولا ع الخاطر..

 

أسأل عليك..

 

يقولوا نايم..

 

وتسأل علي..

 

يقولولك سافر..

 

واخد بالك..

 

دلوقتي ف كل ثانية..

 

بنسمع الزمارة..

 

وبدال الغارة ألف غارة..

 

لكن لا بيصحي شارع..

 

ولا حارة..

 

وكل واحد فينا محتاج..

 

مليون أمارة..

 

عشان يحس بالخطر..

 

ياه..

 

يا ساتر..

 

[انفاس الانين]

الله على الكلام الحلو ده
حقيقى وصف للى احنا عايشين فيه
ده حتى المساجد........بيوت ربنا
دايما قافلنها عشان الحرامية والسرقة فيا بال البيوت
حقيقى مش بقى فيه امان
كلنا بقينا فى غفوة ومستنيين ميت امارة عشان نصدق ان وقت الصحيان جه
والله الف شكر عالشعر الجميل ده

[ABOTASNEEM]

ياه..

 

يا ساتر..

 

على فكرة انا بحب جداً

 

هذا الاسلوب من الشعر

 

اللى بيوصف حالتنا وحياتنا

 

باسط الكلمات .. واعمق المعانى

 

احترامى وتقديرى

[الجندى المجهول]

شكرا لكى اختى انفاس الانين على الرد الرائع

ابو تسنيم

اخويا

ربنا يكرمك

[على المرابط]

ايه ده ايه الحلاوه والسلاسه دى

احسنت احسنت وانت تعلم اننى لا اجامل

انا صار لازم ارجع للمواضيع القديمه كلها

يبدو انه فاتنا الكثير

تقبل تهانيا الحاره على هدا الابداع

تم تعديل May 3, 2009 بواسطه على المرابط

[الرّام]

يا ساتر..

 

 

 

 

ربي يستر .. ان شاء الله

 

 

 

 

***

 

شكرا يا اخي ..

 

بارك الله فيك

 

[الجندى المجهول]

شكرا لكى اختى الارام

والله ان شاء الله خير

[«۞۩ أبو سليمان ۩۞»]

بجد بجد مليهش حل

 

جميل جدا جدا جدا الجندي المجهول

 

 

ربنا يعينك

[الجندى المجهول]

شكرا يا دكتور