النساء و منصب الوزارة

[الجندى المجهول 37]

النساء و منصب الوزارة

 

قالوا الرجال إن النسا مالهمش في الوزارات

ونهار ابونا مِسا لو حكّموا الستات

في وزارة التموين و الاقتصاد بالذات

حتضيع فلوس البلد في اللبس و البوتيكات

بالذمة ده اسمه كلام

يبقى وزيرنا مدام

واسم البعيد فتكات

يختي عليه لو مشي

يدخل مجالس إشي

لابس قميص شفتشي

من كلمة واحده يختشي..وينزل صويت وعياط

يا اهل العلام والادب

اقروا التاريخ اللي انكتب..فوق الطريق علامات

كليوباترا حكمت بلد

بالحيلة ويّا الجلد

من غير لا خد ولا هات

وكام من وزير كان قفا

جه في الطريق واختفى .. ولهف وراه ألوفات

قصر الكلام يتقال .. مين فيهم اللي يفيد

مش مسالة عضلات

وساعات كتير ستات بيكونوا رجالة

ورجال بطبع النسا

وطالعلهم شنبات

 

 

ايمان بكرى _ شعر ايمان بكرى _

الشاعره ايمان بكرى _ قصائد ايمان بكرى _

النساء فى منصب الوزارات

[بنت مصرية 66]

تسلميلنا والله يايمان بكري

عايز من اشعارها تاني ياجندي المجهول

[الجندى المجهول 37]

لى فكره المنتدى فيه اكتر من 10 قصائد او اكتر ل ايمان بكرى

ربنا يكرمك اختى بنت مصريه

وجزاكى الله كل الخير

[«۞۩ أبو سليمان ۩۞» 179]

موش هرد على القصيدة دي غير بحديث رسول الله صلى الله عليه و سلم

 

قال النبي صلى الله عليه وسلم كما ثبت في الصحيح: (ما أفلح الله قوماً ولوا أمرهم امرأة) صدق رسول الله صلى الله عليه و سلم

[على المرابط 13]

لاحول ولا قوة الا بالله