الجندى المجهول 37 قام بنشر December 8, 2008 على باب بلدنا .... مكتوب على باب بلدنا : يا جيّ مصر... منك كتير ..!! فيها الوزير والغفير .. واللى نفسه يكون وزير.. فيها اللى هادى والمدمن جعير فيها اللى فرحان باللقا .. و اللى مدمن تريقة .. و اللى مطحون م الشقا .. و اللى نايم ع الحرير .. فيها اللى عازف غنوته واللى عارف سكته .. واللى قادر يحبطه ... ويدوّقه الطعم المرير.. فيها اللى شارى واللى بايع واللى واكل واللى جايع ... واللى ضاع بسبع صنايع .. سبع صنايع ..!!مش كتير؟؟ فيها اللى مستنى البشاير .. و اللى لافف كعب داير .. واللى ظالم .. واللى جاير ... واللى معدوم الضمير....... فيها اللى مشحون بالأسى .. و اللى غاوى وسوسة .... واللى من صمته اتنسى ..... و الصنف ده منه كتير..!!!! فيها اللى عالم بالأمور .. و اللى متأنى وصبور .. واللى يرغى كالوابور.. ف كل حاجه كلام وفير.. فيها الجميل الأسمرانى .. و الحليوه ....المعجبانى .. و المتيم ...أمريكانى..!!!! و اللى مالك ...و الأجير.. فيها اللى دايس ع الزناد .. و اللى حامى للبلاد ... و اللى رافض للبعاد ... وكأنه ف الغربه أسير!! فيها اللى نايم و المصحصح .. و المغفّل ... و....المفتّح .... و المؤدب والمشرشح ... واللى بين ...وبين ....يسير!! فيها اللى قاسى .. و الرحيم و اللى مشغول ب الريجيم واللى أهلاوى و صميم ... و الزملكاوى وخطير . .. فيها اللى همومه كتروا ... و اللى مدمن باص ومترو .. واللى نزلوا بدون ما فطروا كله رزقه ع المجير ... فيها اللى فاهم ..والمقاوح واللى على قلبه مراوح .. واللى سهران واللى صابح حامد المولى القدير ... فيها اللى فكره منطقى واللى متوضى ونقى .. و اللى دايما مشتكى .... من أى حاجة ف ايد الغير يا مصر راجع من سكات عاشق حاجات ..رافض حاجات وانتى اللى مذكوره ف أيات ف كتابه مولانا القدير... ولما شوقنا ليكى خدنا لكل حارة ..وكل مادنه ... لقيت كتاب على باب بلدنا يا جىّ مصر منك كتير .. وانا اترميت ف حضنهم شارك هذه المشاركه رابط المشاركه شار ك علي موقع اخر
الرّام 173 قام بنشر April 23, 2009 كله رزقه ع المجير ... احسن كلمة ... و الله *** اخي جميلة الابيات شكرا شارك هذه المشاركه رابط المشاركه شار ك علي موقع اخر
الجندى المجهول 37 قام بنشر April 23, 2009 شكرا لمرورك شارك هذه المشاركه رابط المشاركه شار ك علي موقع اخر
حياتى من اجل ربى 22 قام بنشر April 24, 2009 جزاك الله خيرا اخى بجد موضوع جمييييييييل جدداا كالعاده يعنى مش حاجه غريبه عنك اسال الله ان يرزقك من حيث لاتحتسب ويجعلك من الشباب الذين يفخر بهم محمد صلى الله عليه وسلم وان يكرمك ويحقق لك كل ما تتمنى شارك هذه المشاركه رابط المشاركه شار ك علي موقع اخر
الجندى المجهول 37 قام بنشر April 24, 2009 وجزاكى الله افضل منه ربنا يجعلك عز الامه ويحفظك الله فى دنياه ويوم الحساب بارك لياالا شباب فيكى شارك هذه المشاركه رابط المشاركه شار ك علي موقع اخر
