حاتجن ياريت ياخوانا مارحتش لندن ولا باريز

[الجندى المجهول]

حاتجن ياريت ياخوانا مارحتش لندن ولا باريز

دي بلاد تمدين و نضافة و ذوق و لطافة و حاجة تغيظ

...

مالاقيتش جدع متعافي و حافي و ماشي يقشر خص

ولا شحط مشمرخ افندي معاه عود خلفه و نازل مص

ولا لب اسمر و سوداني و حمص و انزل يا تقزقيز

حاتجن ياريت ياخوانا مرحتش لندن ولا باريز

 

...

ولا واحد طالع يجري و واحد تاني بيجري وراه

و يقول ها هع حصلتك يابن اللي ابصر ايه عاملاه

لا الشارع غيط ياخوانا ولا احنا بدارة ولا احنا معيز

هتجن يا ريت ياخوانا مرحتش لندن ولا باريز

 

 

ولا عركة ف نص الليل دايرة بالحيل و ساحبها بوليس

قدامها جدع متجرجر وشه معور قال دا عريس

الخلق ماهي بتتجوز واشمعنى احنا مفيش تمييز

حاتجن ياريت ياخوانا مرحتش لندن ولا باريز

 

 

ولا واحد بيبيع حاجة يقول بريال و تاخدها بصاغ

ياخوانا دي حتى الابرة تاخدها بدوشة و قلب دماغ

حلفان و عراك و مناهدة و يمكن ضرب كفوف يا حفيظ

هاتجن ياريت ياخوانا مرحتش لندن ولا باريز

 

ولا واحدة ف وش الفجر تبرطع مالية الدنيا صواط

قال ايه جوز خالتي ام احمد سلفة اخوها السيد مات

سبحانك ما اعظم شانك والله الموت ده مفيد و لذيذ

حاتجن يا ريت ياخوانا مرحتش لندن ولا باريز

 

 

بيرم التونسى _ شعر بيرم التونسى _ قصائد بيرم التونسى _ شعر عامى _ شعراء _ شعر _قصائد

[eng_alaa]

الحمد لله اني مارحتش لندن ولا باريز .. اللى بيحصل مننا كله غلط فعلاً وبيرم التونسي عنده كل الحق فعلاً ....

[حياتى من اجل ربى]

ههههههههههههههههههه--موضوع جمييييييل ماشاء الله عليك اخى

وكلام لايق --مشكور وتسلم ايدك

اسال الله ان يرزقنا العلم النافع الذى ينفعنا فى الدنيا والاخره ويجعل كل ما نكتب مما يسرنا ان نراها يوم ان نلقاه ياااارب ---امين

تقبل مرورى

[الجندى المجهول]

مشاركه جميله يابشمهندس ويارب تسافر وتزور لندن وباريس ويارب بالدنا تبقى بايدينا احسن من لندن وباريس

ربنا معاك حياتى من اجل ربى فى الامتحنات وبالتوفيق

ويارب اسمع اخبار حلوه

[مصطفى بهجت]

ههههههههههههههههه

 

جميل يا أبو حميد .. الجندي المجهول

 

سلامتك من الجناااااااان .. يارب اللي يكرهوك حتى لو كنت أنا ..

 

تقبل مروري ..

[الجندى المجهول]

متخافش يا درش انا مش هتجنن لانى مرحتش لند ولا بريز بس ادعيلى اروح