حكايتي مع ..هيام

[ابن تيميــــة 158]

السلام عليكم ورحمة الله وبركاته

اخواني واخواتي بمنتدانا ياللاياشباب

اولا لاتظنوا بي سوءا ... قصتي مع هيام قصه قصيرة جدا سوف اقصها علي حضراتكم

سأذكر القصه لاني فعلا والله تاثرت جدا من الموقف الذي حدث مع هيام

الان مع القصه :-

في يوم من ايام الاسبوع وانا لسه بادئ اشتغل وكنت لسه الصبح

طبعا انتوا عارفين ان بلدي دمياط بتهتم بالمواعيد اوي فانا ببدء شغلي في حوالي الساعه الثامنة صباحا وحتي

التاسعه مساءا والله المستعان

المهم ... في كل يوم الصبح يمر عليك في فترة الصبح اخواننا السائلين الفقراء

وعند ابواب المساجد في كل صلاة والله تجدهم علي ابواب المسجد اللي بصلي فيه

بجد بقت ظاهرة غريبه اوي الناس الغلابه دي كترت اوي ياجماعه منهم اللي بيمر علينا يوميا ومنهم اللي كل

يومين ومنهم اللي كل اسبوع يمر علينا

ده برده مش موضوعنا طبعا عايزين تعرفوا مين هيام وايه هي حكايتي معاها

هقولكم

في يوم الصبح كده في( الاصطباحه ) وده مصطلح دمياطي وكمان لازم قبل الشغل كل يوم الناس عندنا يصطبحوا

عالصبح

والاصطباحه انواااااااااع منهم اللي بيصطبح بشاي ومنهم اللي بيصطبح بشاي وقهوة وشيشة ومنهم اللي بيصطبح

بنكد مراته وهلم جرة

ده برده مش موضوعنا

انا حاسس ان الناس زهقت مني دلوقت معلش سامحوني بالله عليكم

الموضوع بقي

ان انا لقيت بنت جميله جدا جدا عندها حوالي احدي عشرة عام تقريبا

باين عليها كده بنت ناس هاي لايف

لقيتها بتقول ليا ( حاجه لله ياعم )

فنظرت اليها وقلت ايه ؟

بتقولي ايه؟

قالت : حاجه لله ياعم

فقلت لها اسمك ايه قالت : هو انا كل لما اروح لحد يقولي اسمك ايه .؟

انا اسمي هيام

قلتلها انتي ليه بتعملي كده

ليه بتمدي ايدك للناس ياهيام

انتي فين ابوكي وامك هما عايشين ولا ..؟

قالت عايشين بس مطلقين

قلت لها انتي مش بتخافي علي نفسك

يابنتي مفيش امان المفروض اهلك يحافظوا عليكي

قالتلي ياعم انا بقالي خمس سنين في الشارع متخفش عليا

انا والله صعقت لما سمعت كده

خمس سنين؟؟؟؟؟؟؟؟؟؟؟

ياخبر البنت دي والاف زيها متشردين كده من طفولتهم؟؟؟؟

دي كانت بتنزل( تشحت) انا اسف في اللفظ سامحوني

نزلت تعمل كده وهي عندها ست سنين

ولا مدرسه ولا بتلعب باللعب ولا اي حاجه من اللي اطفالنا بيعملوها

طيب دي لما تكبر مصيرها ايه ؟؟؟؟

اااااااااااااه تعبت تفكير

وده حال كتييييييييييير من بنات المسلمين

مكنش عندي اي كلام اقوله لهيام الا : ( ياهيام يااختي الصغيرة بالله عليكِ خلي بالك من نفسك وحاولي تشتغلي في

شغل احسن من اللي انتي فيه ده )

فكان ردها متخفش عليا ياعم

بجد ياجماعه والله ظروف قاتله طاحنة يعاني منها كثير من المسلمين

لكن كان هدفي من كتابه الموضوع ده انه اللي يشوف اي حد ان كانت بنت بالذات بتمد ايدها للناس

ينصحها انها تعف نفسها عن السؤال وتدور لها علي اي عمل تشتغل فيه حفاظا عليها والله بس مش اكتر فالذئاب

البشريه ما اكثرهم في هذه الايام

وهؤلاء الاخوات عرضهنّ هو عرضنا تماما بتمام فهنّ اخواتنا في الدين والعقيدة ومن لم يهمه امر المسلمين فليس

منهم او كما قالي حبيبنا

المصطفي صلي الله عليه وسلم

تم تعديل October 18, 2011 بواسطه ابن تيميــــة

[لامار 94]

هيام واحدة بل ملايين هيام بين العرب و المسلمين

حسبنا الله و نعم الوكيل

بارك الله فيك لعلها صرخة في آذان النيام

[مــى 2]

لاحول ولاقوة الابالله

[نـــــــــــور 199]

مش عارفة اقول اية بس دى قصة من القصص الى باقت واقع فى عالمنا

باقت الحياة عبارة عن قصص تدمع لها العين

انا كمان بشوفها كتير بس هى ملهاش ذمب فى اى حاجة دة بيرجع للاهل

لو كل اسرة بتفكر فى ولادها وبنتها قبل ما تكرر انها تنفصل عن زوجها مثلا

او بتحافظ على ولادها اكتر من نفسها مكنش هوة دة هيبقا حال الدنيا ربنا يحفظ جميع بنات المسلمين

جزاك الله الفردوس الاعلى اخى ابن تيمية